Read BORANA BIBLE – KITAABA WAAQA Uumama 19 Bible Online

Uumama 19 - BORANA BIBLE – KITAABA WAAQA bible

Uumama 19

¹Yo malaikaani lamaani taani galgala Sodoma d'ufte, Lutuuni fullo dira suni ke taa. Inni worra arge jennaani fuula keesa deeme dura gajed'e waan jed'eeni,

²Abbooti tiyya, mana kiyya koota, miila d'iqad'a, eddanna arma bula. Bori diirama yo feetani lafaa kaatani kara keesani iti d'aabattani. Ammo worri waan jed'eeni, Intaatu, nu eddanna garaachuma dira kana ke ramna.

³Inni worra lakisu dide, aka worri mana isaa rafu kad'ate jennaani worri eege dubbi isaa gula deebie, mana isaa d'aqe. Duuba Lutuuni qit'a bukho inqamne d'aabeefi, worri nyaate.

⁴Ato keessumaani irafiinu, worri lafa suni, diqafi guddaani, woli gale mana Lutu marse.

⁵Lutu alati yaamani waan jed'aniini, Worri mana kanke bulu me? Midisoomsu feena, nu gayyaami.

⁶Lutuuni alati bahe balbala ch'ufe

⁷waan jed'eeni, Jaallowaani tiyya, anini isani kad'ad'a, waan fafa ka akasi suni worra kana intolchina.

⁸Anini dubra lama qaba, ta taka d'iirti bira ingahiini, yo feetani dubra suni isanii gafuud'a, aka isani waan feetani tolchitani. Ammo worri kuni lamaani keessuma tiyya jabdu, waan tokole intolchina.

⁹Ammo worri waan jed'eeni, Nu duraa gori, ati qaraa eenu ka waan nu taanu nuti himtu? Ati qara keessuma. Nu duraa gori, atini ta worraati dubbatta, siiyu waan hagasi ira hamtu si tolchina. Lutu darbani kara keesaa gorsani, balbala ch'absaa iti kaani.

¹⁰Ammo worri lamaani mana ke jiru kaani Lutu gabuute manati deebise balbala ch'ufate.

¹¹Jennaani worri worra ala jiru kaani ch'ufa ila d'owe, aka worri balbala argu dad'abu.

¹²Worri lamaani kaani waan Lutuuni jed'e, Hojja atini nama tokole arma keesa qabaatte, ilmaani tante taanaani, soddowaani tante taanaani yokhaani nama d'ibi ka fiit'a teeti ch'ufa ka lafa tana keesa jiru, armaa keesaa baasi;

¹³wonti akanatiifi nu lafa tana imballeesina. AABBO Waaqi himacha hamtu worra kana himatani yayu d'agaye. Tanaafi nu gadi erge, aka nu lafa Sodoma tana balleesinu.

¹⁴Jennaani Lutuuni fulla soddowaani isaa d'aqe waan jed'eeni, Hurrisa, arma keesaa baha; AABBO Waaqi lafa tana balleesu fed'a. Ammo worri waanuma inni tabatu sehe.

¹⁵Lafti bariinaani malaikaani Waaqa waan Lutuuni jette, Hurrisi, niiti teetifi dubra tante lamaani fud'ad'i, arma keesaa bahi, aka isani lubbu teesani ind'amne, yo dira kana balleesani.

¹⁶Lutuuni waan tahu wollaale ufumaa ejinaani AABBO Waaqi naheefi, isaafi niiti isaatiifi dubra isaa lamaani harka qabe fuud'e lafa Sodoma keesaa baase.

¹⁷Malaikaani Waaqa toko waan jette, Oria, lubbu teesani baasa! Ufi duuba imillatiina, ammalle bale keesati inejatina; gaarati baqad'a, aka lubbuuni baatani.

¹⁸Ammo Lutuuni waan jed'e, Intaatu, aabbo kiyya, akasi nuu intolchini.

¹⁹Atini guddo na jaalatte lubbu na baafte. Gaareeni suni guddo fago, ato achi ingeenne beelafi d'eebuuni dua.

²⁰Dira diqa suni garta? Inni diqo gad'iaata, achi deeme ho? Dira suni aka inni diqa inagarta. Anini achiti waan sodaad'u inqabu.

²¹Inni waan jed'eeni, Hayye, dansa. Anini dira suni imballeesu.

²²Arifad'i, utaali! Haga atini achi geetuuti anini waan tokole intolchu. Waan Lutuuni diqa jed'eefi, dira suni maqa Zoari baasanifi.

²³Biiftuuni banaani Lutuuni Zoariini bahe.

²⁴Jennaani AABBO Waaqi maruma toko ibidaafi dillo aka ibida bobeetu Sodomafi Gomora gubbati roobe,

²⁵waan dira lamaani suni ke jirafi ka bale ke jirale ch'ufa, nama taanaani, mukha taanaani, ch'ufa balleese.

²⁶Ammo niitiini Lutu ufi duuba millatte, akanumati kooba soodaa taate.

²⁷Boriyya diirama Abrahamuuni kae fulla inni Waaqa iti arge taani d'aqe.

²⁸Inni gara lafa Sodomafi Gomoratiifi bale lafa suni ch'ufa millate jennaani aara gudda lafa suni keesaa kau, ka aka aara boola ibida keesaa bahu fakaatu, arge.

²⁹Gaafa Waaqi lafa Sodomafi Gomora balleese suni, inni Abrahamu qaabate Lutule nagayaani achi keesaa baase.

³⁰Lutuuni Zoari keesa tau sodaate, isaafi dubrati isaa lamaani goda gaarati galani.

³¹Intalti isaa guddooni waan diqooni jette, Abbaani keenna ya jaare, d'iirti tokoleeni lafa keesa injirtu, ta nu fuute nu ira ilme argannu.

³²Kooti, aabbo daad'i kennineefi macheesine bira ramna, aka ilme isaani argannu.

³³Halkani suni worri abba daad'i obaase, inni machae jennaani intalti guddooni bira rafte. Ammo abbaani guddo machae waan suni beekachu dad'abe.

³⁴Boriyya intalti guddooni waan diqooni jette, Edda ani isa bira bule, kooti, arrale imacheesina, aka atini eddanna bira bultu. Akanaani inni nu lachu ijoolle ira d'ala.

³⁵Akuma kaani daad'iini macheesani, ka inni imbeenne intalti maand'aleeni bira bulte.

³⁶Akanaani dubra lachu abbaani garaacheese.

³⁷Intalti guddooni ilma d'alte maqa Moabu baafteefi. Inni abba gosa amma tana Moabu jed'ani.

³⁸Intalti maand'aleeni ilma d'alte maqa Benami baafteefi. Inni abba gosa amma tana Amoni jed'ani.