Read BORANA BIBLE – KITAABA WAAQA Uumama 22 Bible Online

Uumama 22 - BORANA BIBLE – KITAABA WAAQA bible

Uumama 22

¹Eegi suni Waaqi Abrahamu laalate waan jed'eeni, Abrahamu! Abrahamuuni owaate waan jed'e, Ani kuno.

²Waaqi waan jed'eeni, Gurba kanke takacha atini guddo jaalattu fuud'i, lafa Moria geesi, achi gaara ani si garsiisu irati isa sorio naa qali.

³Boriyyaate Abrahamuuni qoraani sorioni gubani ch'abse, harre fahe, Isaaqofi hojattu isaa nama lama fud'ate, kae fulla Waaqi iti hime taani d'aqe.

⁴Guyya sadeeso Abrahamuuni lafa iti yaani taani ufi durati arge,

⁵waan hojattu isaatini jed'e, Isani arma fulla harre tataa, naafi much'aani diqaani achi yaane, Waaqa kad'anne isaniti gadachaana.

⁶Abrahamuuni qoraani sorio Isaaqoti fahe, ufi billaafi uchumaani deeme. Ato worri woliini yau jiru,

⁷Isaaqooni waan jed'eeni, Aabbo! Abrahamuuni owaate waan jed'e, Yaa, ilma kiyya. Isaaqooni isa gaafate, Atini ka qoraanifi uchumaani deemtu, hoolani sorio qalani meeti? jed'e.

⁸Abrahamuuni waan jed'eeni, Womaniti, Waaqumati nuu kenna, kooti. Duuba worri lachu wolumaani iti d'aabate.

⁹Fulla Waaqi jed'eeni taani gahani jennaani Abrahamuuni fulla sorio irati baasani mid'aase qoraani kaani ira naqe. Much'a kaani qabe hid'e fulla sorio ira qalani taani gubba ch'iifsise.

¹⁰Duuba billaa fud'ate goraasu kurfefate.

¹¹Ammo malaikaani AABBO Waaqa gubbaa yaamte waan jette, Abrahamu, Abrahamu! Inni owaate waan jed'e, Yaa, anini kuno kana.

¹²Isiini waan jetteeni, Woma tokole much'a intolchini, aka atini Waaqa sodaatu ya arge, waan atini much'a kanke tokocha na ind'owiiniifi.

¹³Abrahamuuni ufira millate elemo gaafi raasa keesati rakate eju, arge, deeme elemo suni fuud'e fulla sila much'a isaa qalu taani sorio baase.

¹⁴Maqaani Abrahamuuni fulla suni baase: AABBO Waaqi wa namaa kenna. Haga arrale maqaani lafa suni gaara Waaqi irati wa namaa kenna jed'ani.

¹⁵Malaikaani AABBO Waaqaa Abrahamu maro lameeso gubbaa yaamte waan jette,

¹⁶AABBO Waaqi waan jed'u, Anini maqa kiyyaani kakhad'a, aka guddise sii eebisu, waan atini waan kana guutte gurba kanke na ind'owatiiniifi.

¹⁷Anini inkakhad'a, aka ilmaani heddu ta aka biyye tana, yokhaani ta haga urji Waaqa gubbaa geetu, sii kennu. Ilmaani tanteleeni nyaapa ufii dabsatte,

¹⁸gochiti lafa tana ch'ufti maro ilmaani tetitiifi eeba argatti, waan atini dubbi tiyya d'ageeteefi.

¹⁹Abrahamuuni hojattu isaati deebie, worri woliini Beersheba godaane, Abrahamuuni achi qubate.

²⁰Eegi suni Abrahamuuni aka niitiini oboleesa isaa Nahori, ta Milka jed'ani, ijoolle saddeeti d'alteefi d'agaye. Ilmaani suni tana:

²¹ka angafa Usi, ka iti aanu Buzi, ka sadeesoleeni Kemueli, abba Aramu;

²²taani d'ibiini Kesedi, Hazo, Pildashi, Yidlafu, Bethueli,

²³abba Rebeka. Worri kuni saddeetanu nama Milkaani, oboleesa Abrahamu, ka Nahori jed'ani, d'alte.

²⁴Reumaani, ta jaalto Nahori, ijoolle afuri ta maqaani Teba, Gahamu, Tahashi, Maaka d'alteefi.