Read BORANA BIBLE – KITAABA WAAQA Uumama 28 Bible Online

Uumama 28 - BORANA BIBLE – KITAABA WAAQA bible

Uumama 28

¹Isaaqooni Yakobo yaame eebise waan jed'eeni, Dubra gosa Kanaani imfuud'iini.

²Amma kai, worra akhaakhu keeti ka Mesopotamia jiru d'aqi, dubra abuyya kanke Labani toko fuud'i.

³Waaqi Guddaani si eebise halkuma si qajeelche, ilmaani heddu sii kenne akasiini gosa heddu si tolchinna.

⁴Inni akuma Abrahamu eebise siifi ilmaani tanteeti eebise lafa atini amma keesa jirtu tana, ta duri inni Abrahamuu kenne, tante tolchinna.

⁵Akanaani Isaaqooni Yakobo Mesopotamiati gara Labani erge. Labaniini suni ilma Bethueli, ka gosa Arami; ammalle inni oboleesa Rebeka, ta haad'a Yakobootiifi Esau.

⁶Esauuni aka Isaaqooni Yakobo eebise dubra fuud'iti Mesopotamiati erge, ammalle aka inni, ato eebisu, Dubra gosa Kanaani imfuud'iini jed'eeni d'agaye.

⁷Ammalle aka Yakobooni dubbi abbaafi haad'a ufii d'agaye Mesopotamia d'aqe d'agaye.

⁸Jennaani Esauuni aka abbaani isaa Isaaqooni dubra gosa Kanaani jibbe arge.

⁹Tanaafi inni gara Ishmaeli ilma Abrahamu d'aqe, intala isaa ta Mahalathi jed'ani, oboleeti Nebayothi, fuud'e.

¹⁰Yakobooni Beershebaa kae kara Harani iti d'aabate.

¹¹Karaati aduuni iti d'iinnaani fulluma suni d'akha fud'ate mata jala saabate ufiraa bule.

¹²Duuba oobjate, riiqa d'eera gubbafi lafati eju, ka malaikaani gula gabuute gula oldeebitu, arge.

¹³Yo inni jed'e, kuno, AABBO Waaqi bira eja. Waaqi waan jed'eeni, Anini AABBO, Waaqa Abrahamutiifi ka Isaaqo; lafa atini amma ira ch'iiftu tana sifi ilmaani teetii kenna.

¹⁴Isiini aka biyye tana taate, lafa tana mirgaa bitaa fud'atte sifi ilmaani teetiini gochi ch'ufti eeba argatti.

¹⁵Ammalle si wahelche, fulla atini deemtu ch'ufati si qorqorad'e, lafa tanati si deebisa. Anini si illakisu, haga waan sii tolcha siini jed'e ch'ufa sii guututi.

¹⁶Jennaani Yakobooni damaqe waan ufiini jed'e, D'uguma, AABBO Waaqi arma fulla tana jira, ammo duraani akana inseene.

¹⁷Inni rifate waan jed'e, Fullaani tuni akami nama d'eechifti! Waan d'ibiniti, fullaani tunini mana Waaqaati, yokhaani karra gubbaa.

¹⁸Lafti bariite jennaani Yakobooni lafaa kae d'akha mata saabate kaani fuud'e, aka akheekha old'aabe d'ad'aani muude woyyoomse.

¹⁹Duuba fulla suni maqa Betheli baaseefi, ammo fulla suni duri dira toko ka maqaani Luzuti jira.

²⁰Jennaani Yakobooni kakhate waan AABBO Waaqaani jed'e, Hojja atini na wahelchite imaltu tiyya keesati na qorqoratte beelafi daara na baafte,

²¹ammalle nagayaani worra keennati na deebifte, siumati Waaqa kiyya taha.

²²Fullaani anini d'akha kana akheekhaa old'aabe tunini mana kanke taati; ammalle waan atini naa kennite ch'ufa kud'ani keesa toko sii kenna.