Read BORANA BIBLE – KITAABA WAAQA 1 Hayyoota 12 Bible Online

1 Hayyoota 12 - BORANA BIBLE – KITAABA WAAQA bible

1 Hayyoota 12

¹Rehoboamuuni Shekemu fulla worri Israeli ch'ufti aka isa hayyu tolchu wolti bahe d'aqe.

²Yeroboamuni, ilmi Nebati, ka qara lafa Misiriti hayyu Solomoni baqate, dubbi tana d'agaye jennaani Misiri ga deebie.

³Jennaani worri Israeli sunini isa yaame, gara Rehoboamu woliini d'aqani waan jed'aniini,

⁴Abbaani kanke nu dabse ulfinna jaba nura kaye. Hojja atini ulfinna suni nuraa Sablifte finna dansaani nuu d'ufte, nu aka dansaa si gula yaana.

⁵Inni waan jed'eeni, Sadi bula, gadi dachaa. Jennaani worri kae yae.

⁶Jennaani hayyu Rehoboamuuni jaarole abba isaati mala d'ooftu dubbi suni gaafate waan jed'eeni, Mala d'aa, dubbi anini worra kanaani jechu male nati hima.

⁷Worri waan jed'eeni, Yo atini arra aka dansaa worra kana hojachu feete, worra dubbi dansa iti dubbad'i, duuba worri haga jiru jireenna aka dansaa sii hojata.

⁸Ammo inni mala jaarole suni dide, dubbi suni hariya isaatini gahe, mala na d'aa waan anini worra,

⁹ulfinna nuraa fuud'i nani jed'u kana jed'uuni nati hima jed'e.

¹⁰Worri hariya isaa sunini waan jed'eeni, Wonti atini worraani jechu malte tana: qubi kiyya diqani hid'aana abba kiyya ira furda!

¹¹Waan atini worraani jettu, Abbaani kiyya ulfinna gudda isani ira kaye, ammo anini hagasi irale isaniti guddisa. Inni lichooni isani d'aane ammo anini ogoraani isani d'aana!

¹²Bultiini sadeeni taani hobaate jennaani Yeroboamufi gumiini taani ch'ufti akuma Rehoboamuuni jed'eeni kaani isati d'ufte.

¹³Hayyichi mala jaarole taani dide,

¹⁴mala hariya isaa kaani gula bahe, dubbi jajabdu worrati dubbate waan jed'eeni, Abbaani kiyya ulfinna gudda isani ira kaye, ammo anini hagasi irale isaniti guddisa. Inni lichooni isani d'aane, ammo anini ogoraani isani d'aana!

¹⁵AABBUMA Waaqati hayyicha biyya ch'aqasu d'owe, aka akasiini dubbini inni raaga Ahiya jed'aniini Yeroboamu ilma Nebatiti himi jed'e guutamtu. (Raagi suni nama Shiloti.)

¹⁶Biyyiti aka hayyuuni worra ch'aqasu didde argite jennaani waan jette, Nu Daudi maani iraa qamne? Ilmi Yese maani nu baha? Worra Israeli, kaa nu galcha! Rehoboamuuni ha qofa hafuuti! Duuba akanaani worri Israeli Rehoboamuti garagale.

¹⁷Isa worra Yudati lakise kae biraa yae.

¹⁸Jennaani hayyu Rehoboamuni Adoniramu ka worra huji irreeni hojachiisaniti mataa, worra Israeliti erge, ammo worri d'akhaani d'aane ijeese. Jennaani Rehoboamuuni hurrise gaari ufi yaabate Yerusalemuti baqate.

¹⁹Tanaafi arti asi worri Israeli nama d'aloota Daudi ch'ufa iti garagale dida.

²⁰Worri Israeli aka Yeroboamuni Misirii d'ufe d'agaye jennaani, kora gumi Israeliti isa yaame hayyu tolfate. Gosa Yuda male nami tokoleeni d'aloota Daudi gula imbaane.

²¹Rehoboamuuni Yerusalemu gahe jennaani askarti jajanna nama filani ch'alla, ta gosa Yudatifi ka gosa Benjamini nama kuma d'ibba tokofi saddeetama wolti yaame, aka worra Israeli had'e mootuma ufi deefatu.

²²Ammo Waaqi raaga Shemaya yaame waan jed'eeni,

²³waan atini worra Yudatifi ka Benjaminitini jettu:

²⁴Oboleyaani teesani worra Israeli inhad'ina, isani ch'ufti kaa, gala waan tahe suni ch'ufa anumati tolche. Duuba worri dubbi AABBO Waaqa ch'aqase, kae worra ufiti gale.

²⁵Jennaani Yeroboamuni dira Shekemu, ka lafa gaareeni Efraimu keesa jiru, jabeese jaare diqo achi tae. Jennaani achi kae, dira Panueli jabeese jaare.

²⁶Inni waan ufiini jed'e, Yo gumiini tiyya tunini Yerusalemu d'at'e achiti Mana Waaqa keesati sorio baafte, worri Rehoboamu hayyu Yudati deebie, na ijeesa.

²⁸Jennaani hayyichi dubbi suni herege, korma looni lama worqiini mid'aase, waan biyyaani jed'e, Imaltuni guyya ch'ufa Yerusalemu yaatani ya isanii geete, worra Israeli, Waaqi keesani ka lafa Misiri keesa isani baase kuno kana!

²⁹Duuba korma suni toko Betheli kaye, kaani Dani kaye.

³⁰Akanaani biyyiti ch'ubbu seente Bethelifi Dani d'at'e kad'ate.

³¹Ammalle Yeroboamuni fulla waaqa iti kad'atani gaareeni gubbati jaare nama gosa Lawi intahini qaalole tolfate.

³²Yeroboamuni guyya kud'ani shaneeso ka jia saddeeteeso, jila aka Yuda keesati tolfatani taani tolfate. Fulla sorio iti qalani ta Betheliti, inni sorio korma worqi kaanii baase, ammalle achiti qaalole fulla inni jaare suni hojattu tolche.

³³Ammalle guyya kud'ani shaneeso ka jia saddeeteeso, guyya inumaani fohate kaani, inni Betheli d'aqe, fulla sorio irati baasani taaniti sorio baase jila inni worra Israeliti jed'e tolche taani tolfate.