Read BORANA BIBLE – KITAABA WAAQA 1 Hayyoota 17 Bible Online

1 Hayyoota 17 - BORANA BIBLE – KITAABA WAAQA bible

1 Hayyoota 17

¹Raagi Eliya jed'ani toko, ka worri isaa Tishi lafa Gileadi keesa, waan hayyu Ahabuni jed'e, Anini maqa AABBO Waaqa Israeli, ka anini hojad'uni siti kakhad'a, aka bokaya lakisi, eebeleleni haga ganna lamafi sadi deebite inch'och'oomne, haga anini ha roobu jed'uuti.

²Jennaani AABBO Waaqi waan Eliyaani jed'e,

³Fulla jirtu tana kai, ilaboru deemi d'aatu dareera bisaani Kerithi jed'ani, ka galaana Yordanitini ilaboruti, d'okhad'i.

⁴Dareera suni bisaani keesaa d'udde, duuba anileeni sagale haranqeesani sii erga.

⁵Eliyaani dubbi AABBO Waaqa ch'aqase, kae, dareera Kerithi jed'ani kaani, d'aatu tae.

⁶Inni dareera suni keesaa bisaani d'uge, haranqeesileeni galgalaafi diirama ch'ufa qit'afi foonile d'ufanifi.

⁷Duuba eege waan lafti oola taateefi bisaani dareera Kaanileeni ch'itani.

⁸Jennaani AABBO Waaqi waan Eliyaani jed'e,

⁹Kai, dira Sarepta, ka d'aatu Sidoni, d'aqi, achi tai. Anini la niiti hiyyeeti tokoti hime aka isiini si fiddu.

¹⁰Duuba Eliyaani Sareptati iti d'aabate, fullo dira suniitini bahe jennaani niiti hiyyeeti toko, ta qoraani ch'absatuni bahe, waan jed'eeni, Bisaani anini d'ugu naa kenni.

¹¹Isiini bisaani fuuti deemnani faana lalabe waan jed'eeni qit'a diqa toko ka anini nyaad'uni naa kooti.

¹²Isiini waan jetteeni, Anini maqa AABBO Waaqa kanketitini kakhad'a, anini qit'a tokole inqabu. Wonti anini qabu dargaye diqo toko ta qori ke jirtufi d'ad'a diqa toko ka killa ke jiru. Anini qoraani ch'absachu arma d'ufe, aka duuba deebie waan diqo qabu suni d'aabad'e ilma kiyya woliini nyaanne, wolumaani doonu.

¹³Eliyaani waan isiini jed'e, insodatini, beeni, sagale tante d'aabad'u, ammo qara qit'a diqa toko naa d'aabi, natiini kooti. Duuba waan hafe siifi ilmi kanke d'aabad'a.

¹⁴Wonti akanatiifi AABBO Waaqi Israeli waan jed'e, Qorini tante dargaye daakhaani ind'abdu, killa kankele d'ad'ani keesaa inhobau, haga anini bokaya isanii roobuti.

¹⁵Niitiini hiyyeetini taani deemte, waan Eliyaani jed'eeni ch'ufa guute, isaafi worri isii ch'ufti haga guyya hedu, sagale nyaate.

¹⁶Akuma AABBO Waaqi Eliyaani jed'e kaani, qorini isii dargaye daakhaani ind'amne, ammalle killa isii d'ad'ani keesaa inhobaane.

¹⁷Duuba eegi suni ilmi niiti hiyyeeti suni fayya d'abe duud'ame, lubbu d'abe.

¹⁸Isiini waan Eliyaani jette, Namicha Waaqa kana, anini maani yake ka atini akana na tolchitu! Atini ch'ubbu tiyya Waaqa qaabsifte akanaani ilma kiyya ijeesu d'ufte?

¹⁹Eliyaani waan jed'eeni, Gurba nati ga kenni. Inni gurba kaani harka isiiti fuud'e, mana gubbaa ka inni iti galu geese, sire ufi ira ch'iifsise.

²⁰Jennaani AABBO Waaqa kad'ate waan jed'e, Ee AABBO Waaqa kiyya, atini maanifi niiti hiyyeeti tana waan hamtu akana kana tolchita? Isiini guddo na qorqorate, atini ammo ilma isii ijeefta?

²¹Jennaani Eliyaani maro sadi gurba gubati dirirfate Waaqa kad'ate waan jed'e, Ee AABBO Waaqa kiyya, gurba kana lubbu iti deebisi!

²²Duuba AABBO Waaqi kad'acha Eliyaa d'agaye, lubbu gurba suniti deebise, gurbaani jireennati deebie.

²³Jennaani Eliyaani gurba fuud'e, gadini bue, had'ati kenne waan jed'eeni me ilaali, gurbaani ke injira!

²⁴Isiini waan jetteeni, Anini amma ya d'ugeefad'e, aka atini d'uguma nama Waaqa, ammalle aka AABBO Waaqi d'uguma sini dubbatu ya arge!