Read BORANA BIBLE – KITAABA WAAQA 1 Hayyoota 7 Bible Online

1 Hayyoota 7 - BORANA BIBLE – KITAABA WAAQA bible

1 Hayyoota 7

¹Solomonini mana ufile jaarate; ijaarsi mana sunileeni ganna kud'ani sadi fud'ate.

²Mana isaa suni, ka Mana Badda Lebanoni jed'ani, d'eerinni isaa d'und'uma d'ibba toko, ballinni shantama, old'eerinni sodoma. Utubani mana suni afurtami shani ka fulla sadi ch'ororsani, kud'ani shanishanini d'ad'abani, isaafi dareerani isaaleeni ch'ufti mukha hind'eesa. Mana sunile hind'eesani kabani duuchani, ammalle kabani suni kuta keesati hind'eesani kabani duuchani, ammalle kabani suni kuta keesati woi olnaqani ta utubani jabeesanile geeti.

⁴Ammalle mana suni gama lachu deresha fulla sadi ch'ororsani wolgubbati jaarani.

⁵Balbalafi dereshani mikhikila qabdi, ammalle dereshani fulla sadi ch'ororsani wolgubbaa jaarani gama lachuunu woli ilaala.

⁶Ammalle Solomonini galma d'eera ka utuba heddu qabu jaare, d'eerinni isaa d'und'uma shantama, ballinni d'und'uma sodoma. Ammalle galma suni ch'icha isaa gaadisa iti jaarani, ka gubba duuchani utuba jala d'ad'abani.

⁷Ammalle mana d'ibi jaarani, ka barch'uma Solomoni ka hayyuma keesa kayani, inni artiti dubbi mura. Mana sunini, mana dubbi iti qorani jed'ani, ammalle jalafi gubbale mukha hind'eesatini keesa mid'aasani.

⁸Ammalle mana inni iti galu, ka mana dubbi iti qorani duuba jiru, akuma kaani jaarani. Ammalle inni mana akasi suni niiti isaa, ta dubra hayyu Misiriti, jaare.

⁹Maneeni tana ch'ufafi naabo guddole d'akhaaye dadansaani jaarani, haga jala fuud'ani gubbati d'aabani. D'akhaaye suni ch'ufa lafa keesa qotani, biima taka gula boch'ani, keesafi ala isii sibiilani qajeelchani.

¹⁰Yayaba waan suni ch'ufa d'akhaaye gugurdo lafa keesaa qotani achumati mid'aasanini jaarani; d'akhaayeeni suni hagi toko d'und'uma saddeeti hagi tokoleeni d'und'uma kud'ani.

¹¹D'akhaaye yayaba suni guba d'akhaaye d'ibi naqani, ka biima gula boch'ani, ammalle dareera hind'eesale gubba naqani.

¹²Naaboni mana hayyuutifi naaboni Mana Waaqa ta garaa keesatifi mani mana gudda iraa jaarani ka qara olseenanileeni girgida mukha hind'eesatifi d'akhaani wolkemakhani jaarani qaba — d'akha sadi ka wolgubbaa naqani ch'ufa gula mukha toko dagalchani kayani.

¹³Hayyu Solomonini namicha hogeesa toko, ka guddo sibiila diima tumu beekhu, ka maqaani isaa Huramu, ka worri isaa Tiro, yaame.

¹⁴Abbaani isaleeni gaafa jiru, nama Tiro, innileeni duri hogeesa sibiila diima tumu; haati isaleeni gosa Naftaliti. Huramuni nama qalbi qabu, ka guddo hogeesati. Inni yaamicha Solomoni d'ageennaani d'ufe huji isaa kennani suni ch'ufa guute.

¹⁵Huramuni sibiila didiima lama, ka aka utuba old'ad'aabani tume mid'aase, ka kamu d'und'uma kud'ani saddeeti, ballinni mata isaaleeni d'und'uma kud'ani lama. Duuba fuud'e balbala Mana Waaqa dura d'ad'abe.

¹⁶Inni ammalle waan aka sure lama sibiila diima iraa mid'aase, ka kamu d'eerinni isi d'und'uma shani, duuba mata waan aka utuba kaani guba kaye.

¹⁷Mata utuba suni lachu waan aka lootitifi

¹⁸waan aka okhoku, ka sibiila diima iraa mid'aasani fulla lama ch'ororsani barreesani ch'okhani.

¹⁹Waan aka sure kaani, ka d'eerinni isii d'und'uma afuri, aka daraara hooma mid'aasani;

²⁰duuba waan aka looti ka barreesanini kaani keesaa olbahu, mata qunquma gubba kayani. Ammalle okhoku d'ibba lama, ta fulla lama ch'ororsani, waan sure fakaata lamaani sunini marsani.

²¹Huramuni utuba sibiila diima suni lamaani balbala Mana Waaqa dura d'ad'abe: ka bita aanuni Yakini jed'ani, ka mirga aanuni Boazi jed'ani.

²²Wonti hooma fakaata, ka aka sure, ka sibiila diimani mid'aasani, utuba kaani gubba jirti. Duuba akanaani huji utuba suni hobaasani.

²³Huramuni haro gingiti ta sibiila diimani mid'aasani jaare, ta ballinni afaani isii d'und'uma sodoma ta qilumani isii d'und'uma shani, ta d'eerinni jiddu isii d'und'uma kud'ani.

²⁴Afaani haro suni ka ala waan aka buqe, ka sibiila diimani mid'aasani, fulla lama ch'ororsani naqani. Buqefi haro suni sibiiluma taka iraa tumani mid'aasani, ka wolti eju.

²⁵Haro suni koromi kud'ani lama, ta sibiila diimani mid'aasani, gubba kayani, ka koromini suni sadi sadiini gama afraanu fuula gama gama deefate ejaanjitu.

²⁶Furdinni sibiila haro sunini mid'aasani, haguma ballinna gana harka namaa, afaani isiileeni aka daraara hooma qoqonyatani. Harooni suni bisaani d'ebbe haga kuma lamafa fuuti.

²⁷Huramuni ammalle waan aka gaari kud'ani, ka sibiila diimani mid'aasani mid'aase, ka kamu d'eerinni isaa d'und'uma afuri, ballinnileeni d'und'uma afuri, old'eerinni d'und'uma sadi.

²⁸Aki waan suni mid'aasani akana: Mikhikila sibiila mimid'aasani sibiila balla d'ibi dirirsani jiddu kayani,

²⁹Ammalle sibiila suni irati akheekha nyeench'atifi korma loonitifi ammalle waan koola qaba mid'aasani; ammalle mikhikila ch'ufa ira nyeench'afi korma looni, gubbafi jalale, waan mimich'irani raraasani naqaniti jira.

³⁰Wonti aka gaari suni ch'ufti miila afuri, qabdi; miila suni jiddu sibiila dadagalchani naqaniti jira ka sibiila diimani mid'aasani gama gaari suni afraanu waan qorini ira ejituti jira; wonti isiini ira ejitu suni ch'ufti waan mimich'irani raraasani iti naqanini ch'okhani.

³¹Gaari suni gubba marsani mid'aasani jaarani waan aka qori suni gubba d'aabani. Wonti marsani jaaranini suni gaari suni ira d'und'uma toko olbaati. Ammalle d'und'uma tokofi taaku toko gaari suni ira gadi buuti. Ammalle d'aatu isaa tana ch'ufa boch'ani barreesani mid'aasani.

³²Miili gaari suni, d'eerinni isaa d'und'uma tokofi taaku toko; miili suni sibiila balla dirirsani kaani jala jira, ammalle sibiili dadagalchani ka miila suni jiddu jiruleeni gaarini wolti taka.

³³Miili isaa aka miila gaari fardi hirkisu jira. Wonti isaani mid'aasani suni ch'ufti haguma geetuuni sibiila diima.

³⁴Ammalle gaari suni ch'ufa jala sibiila isa jabeesu ka isuma iraa mid'aasaniti jira.

³⁵Gaari suni ch'ufa gubbaa sibiila furdinni isaa taaku tokotini marsani mid'aasani; waan gaari suni jabeesatifi sibiila balla diriira ka garaa keesale, sibiila taka iraa mid'aasani.

³⁶Waan gaari suni jabeesafi sibiila balla diriira kaanile yo fullaani fuutu jirate; akheekha waan koola qabatifi nyeench'afi, meet'ini barreesani, ammalle fulla ch'ufa marsani waan mimich'irani raraasani iti naqani.

³⁷Duuba aki waan aka gaari suni mid'aasani akasi; gaarini sunini ch'ufti akuma taka jira, waan ch'ufaani wolfakaata.

³⁸Huramuni ammalle qori kud'ani mid'aase, aka gaarini ch'ufti toko toko argatu. Qori suni ch'ufa, ballinni isii d'und'uma afuri, ammalle ch'ufti bisaani d'ebbe afurtama fuuti.

³⁹Inni gaari shani gama bitaa ka Mana Waaqa naqe, shanile gama mirga naqe; ammalle. Haro taanile moga Mana, ta bitafi ila boru jiddu lamaani jirtu, kaye.

⁴⁰Huramuni ammalle okoteefi baofi, qori mid'aase, duuba inni huji Mana Waaqa, ta hayyu Solomoni jed'e hojate ch'ufa hobaase. Wonti inni mid'aase tana: Utuba lama, waan aka sure lama ta mata utuba suni ira kayani, waan aka okhoku d'ibba afuri ka sibiila diima iraa mid'aasani, fulla lama ch'ororsani waan aka sure lamaani suniti naqani ka fullaani ch'ufti d'ibba toko toko qabdu, gaari kud'ani; qori kud'ani; haroni gingiti; koromi kud'ani lama ta haroni gingitini suni ira ejitu, okoteefi, baofi qori. Miha Mana Waaqa kana ch'ufa, ka Huramuni hayyu Solomoni jed'e mid'aase, inni sibiila diima qulqulleesani iraa mid'aase.

⁴¹

⁴²

⁴³

⁴⁴

⁴⁵

⁴⁶Hayyichi waan akana ch'ufa bale Yordani keesa, jiddu Sukothifi Sarethani, ta biyye faara qabduti, mid'aasa jed'e.

⁴⁷Waan sibiila suni guddo hedutifi Solomonini ulfinna isa inilaale, tanaafi ulfinna isaa nami haga beekhu injiru.

⁴⁸Solomonini ammalle miha Mana Waaqa, ka worqiini mid'aasani, mid'aase: Waan sorio irati baasani, mesa qit'a Waaqaa baasani ira kayani,

⁴⁹waan ifseeni ira ejaanjitu kud'ani, ta Fulla Fulla Ch'ufa Ira Qulqullo dura ejaanjitu, ta shani gama mirga ejite shanileeni gama bitaa ejitu: Daraara, ifse, qad'abe;

⁵⁰muduunu, waan ifseeni d'aanfani, qori, waan hit'aana keesati aarsani, daboola ch'ile ibidatini fuud'ani; ammalle sibiila mikhikila balbala Fulla Fulla Ch'ufa Ira Qulqullootifi balbala alalle. Miha kana ch'ufa worqiini mid'aasani.

⁵¹Hayyu Solomonini huji ijaarsa Mana Waaqa ch'ufa hobaase jennaani kuta Mana Waaqa ta keesati woi olnaqani, waan abbaani isaa Daudini duri AABBO Waaqa olkaye ch'ufa achiti olkaye — qarsifi worqifi miha kaani ch'ufale.