Read BORANA BIBLE – KITAABA WAAQA 1 Hayyoota 9 Bible Online

1 Hayyoota 9 - BORANA BIBLE – KITAABA WAAQA bible

1 Hayyoota 9

¹Solomonini Mana AABBO Waaqatifi mana hayyuutifi maneeni inni jaaru fed'u ch'ufa hobaase jennaani

²AABBO Waaqi ammalle isati mullate, akuma inni duri Gibeoniti isati millate kaani.

³AABBO Waaqi waan isaani jed'e, Anini kad'acha atini na kad'ate ya d'agaye. Anini Mana atini naa jaarte kana la eebise, aka inni fulla keesati na kad'atani tahu haga jiru jireenna. Anini isa haga jiru jireenna jabeesa eega.

⁴Yo atini akuma abba kanke Daudi d'ugaafi qajeelumani naa hojatte aadaafi seera kiyya jabeesite dubbi tiyya ch'ufa guute,

⁵anini kakhu duri abba kanke Dauditi kakhad'e ta d'alooti kanke nami toko haga jiru jireenna worra Israeli fida jed'e, inguuta.

⁶Ammo yo sifi d'alooti kanke na lakiftani aadaafi seera anini isanii keenne diddani Waaqa d'ibi kad'atani,

⁷anini gumi tiyya ta Israeli lafa duri worraa kenne keesaa balleese, Mana iti na kad'atani ka anini eebise kana lakise biraa deema. Ammalle fulla ch'ufati Israeli goyeesani tufatani.

⁸Mani kunileeni ch'ach'abe ona tahe, nami d'aatu bahu ch'ufti iraa rifate maadefate waan jed'u, AABBO Waaqi maanifi lafa tanaafi Mana kana akana tolche?

⁹Duuba biyyiti waan jettu, Wonti Waaqi akana tolcheefi, waan worri AABBO Waaqa isaani, ka lafa Misiri keesaa ababoota isaani baase, lakiseefi. Worri Waaqa d'ibi gula bahe Waaqa suni yaamate hojateefi. Duuba tanaafi AABBO Waaqi gaargala kana ch'ufa worratiini d'ufe.

¹⁰Hujiini Mana Waaqatifi ka Solomoni, woltuma ganna diddama fud'atte.

¹¹Hayyichi Tiro, ka Hiramu jed'aniti mukha hind'eesatifi mukha jajaba d'ibifi worqi inni huji sunini tolche ch'ufa kenneefi: Mana suni jaarani hobaasani jennaani, hayyu Solomonini dira diddama, ka lafa Galilaya, Hiramuu kenne.

¹²Hiramuni dira suni ch'ufa laalachu d'ufe arge jennaani diqole iraa ingammanne.

¹³Jennaani waan Solomonini jed'e, Oboleesa kiyya, diri atini na kennite kana? Taanafi arda suni ch'ufaani arrale Kabuli jed'ani, akasi jechaani waan woma keesa injirre jecha.

¹⁴Hiramuni qara worqi kilo kuma afuri Solomoni erge.

¹⁵Hayyu Solomonini irreeni nama Mana Waaqatifi mana hayyu jaarsise, ammalle boola duuchisise naabo dira sunile d'akhaani jaarsise. Inni ammalle dira Hazoritifi Megido irreeni worra jaarsise.

¹⁶(Hayyuuni Misiri qara dira Gezeri had'e gube balleese, nama isaa ch'ufa fit'e. Duuba eege, inni dira suni intala isaati kenne, gaafa Solomonini isii fuud'e. Jennaani Solomoni eege jaare.)

¹⁷Ammalle Solomonini irreeni dira Beth-Horoni ka golbaatifi,

¹⁸Baalathi, Tamari, ka lafa gamooji ta Yuda keesati,

¹⁹dira inni sagale keesati olkeyatu, dira fardaafi, gaarini fardi hirkisu ka isaa iti galu, ammalle waan d'ibi ka inni Yerusalemu keesafi, Lebanoni keesafi waan d'ibi ch'ufa ka lafa inni mohatu keesati jaarani, jaarsise.

²⁰Worri inni irreeni hojachiise sunini worra d'aloota gosa Kanaani, ka duri worri Israeli boojie, gaafa worri lafa isaani fud'ate. Worri suni, ka haga arrale tisse, worra gosa Amoritifi Hititifi Perezitifi. Hivitiifi ammalle ka Yebusi.

²²Solomonini worra Israeli tisse intolchine: Worri Israeli huji d'ibi isaa hojate — huji askartifa worra gugurda askartifa, ta gaari fardi hirkisu ooftufa ammalle worra huji askartiti mata.

²³Nami worra irreeni hojachiisani, ka maneeni Solomoni suni ch'ufa jaareti mata, nama d'ibba shanifi shantama.

²⁴Niitiini Solomoni, ta dubra hayyu Misiri, dira Daudi keesaa baate mana Solomonini jaareefi kaaniti qubate jennaani Solomonini boola diraani ilaboru namaani duucha jed'e.

²⁵Ganna ch'ufa keesa maro sadi Solomonini sorio gubanifi sorio wold'ageeti, waan mesa fakaata ka inni AABBO Waaqa jaare, irati baase. Ammalle inni hit'aana AABBO Waaqaa aarse. Duuba akanaani Mana Waaqa jaare hobaase.

²⁶Hayyu Solomonini ammalle hobolo heddu Ezion-Geberi, ta d'aatu dira Eliothi, afaani galaana Diima, lafa Edomu keesa, jaare.

²⁷Hiramuni nama gari, ka huji hobolo beekhu, Solomonii, erge aka worri hojattu isaa woliini hojatu.

²⁸Worri suni gara lafa Ofiri hojattu Solomoni woliini hobolooni d'aqe, worqi kilo kuma kud'ani afuri Solomonii geese.