Read BORANA BIBLE – KITAABA WAAQA 1 Odu duri 11 Bible Online

1 Odu duri 11 - BORANA BIBLE – KITAABA WAAQA bible

1 Odu duri 11

¹Nami gosa Israeli ch'ufti Hebroniti gara Daudi d'ufe waan jed'eeni, Nu foonifi d'iiga taka.

²Duri gaafa Sauloni hayyu keennale, atini worra Israelitini duulte; AABBO Waaqi kankeleeni atini gumi tiyya dura deemte, hayyu iti taata sini jed'e.

³Jennaani jaaroleeni Israeli ch'ufti Daudi ka Hebroni jiruti d'ufte. Inni AABBO Waaqa durati wold'aqisa worra woliini tolfate, duuba worri isa muude, hayyu Israelile isa tolche, akuma AABBO Waaqi duri Samuelini biyyaati hime.

⁴Hayyu Daudifi worri Israeli ch'ufti d'aqani dira Yerusalemu had'ani. Dira suni gaafasi maqaani isaa Yebusi, ammalle worri gosa Yebusi ka lafa suniti d'alate gaafasi achuma jira.

⁵Worri Yebusi waan Daudini jed'e, Atini dandeete dira keenna inseentu, ammo Daudini dira jaba Sioni suni dabsate, qabe duuba diri sunini ka isaa tahe, dira Daudi jed'aniini.

⁶Daudini waan biyyaani jed'e, Nama nama ch'ufa durati nama Yebusi ijeese, gudda askarti tolchani! Jennaani Yoabuni, ilmi Seruya, nama ch'ufa durati nama Yebusi toko ijeese gudda askarti tahe.

⁷Waan Daudini dira jajaba suni qubateefi dira sunini dira Daudi jed'ani.

⁸Inni dira suni fulla d'ooqa ta gaarani ilaborutini jala qabate baallise marse jaare, Yoabuleeni dira suni moga isaa d'ibi mid'aase jaare.

⁹Waan AABBO Waaqi guddaani isaa woliini jirufi, Daudini jabaate, gurri isaa fulla ch'ufa gahe.

¹⁰Kunini maqa askarti Daudi ta gurra qabdu. Jari kunini worra gosa Israeli kaani d'ibi woliini isaa qarqaare, akasiini inni hayyu tahe, dubbi AABBO Waaqi qara jed'e gula, ammalle worri finna lafa isaale guddo jabeese.

¹¹Nami qara Yashobeamu, ka balbala Hakmoni, inni worra sadeeni gugurda kaaniti mata. Inni woraana isatini nama d'ibba sadi had'iisa guyya toko keesati hobaase.

¹²Nami worra sadeeni suni keesa nama matati aanu Eleazari ilma Dodai, ka balbala Ahohoi.

¹³Inni gaafa Daudini worra Filisti Pasdamimuti had'e goli isati. Hojja worri Israeli baqate, inni oobru garbu keesa eja.

¹⁴Jennaani isaafi jari isaa jiddu oobru suni keesati baqachu, dide d'owatte worra Filisti had'e hobaase, AABBO Waaqi worra qarqaare, akasiini worri worra dabsate.

¹⁵Guyya toko worra sodoma kaani keesa nami sadi gara rabsu d'akha ka Daudini jalati d'okhatu ka d'aatu goda Adulamu, d'aqani, ka duuli Filisti bale Refaimu keesa jiru.

¹⁶Gaafasi Daudini gaara jabeesani jaarani gubba jira, duuba askartini Filisti d'ufte dira Bethlehemu keesa qubate.

¹⁷Daudi hoodooni worraa qabate, jennaani waan jed'e, Ato nami bisaani anini d'ugu eela fullo Bethlehemu d'aatu jiru keesa naa fuud'e, akami dansa!

¹⁸Worri askarti ka gurra qabu kaani sadeeni olla Filisti duude, eela kaani keesaa bisaani woraabe, Dauditini gale. Ammo inni d'ugu dide, fulla d'ugu AABBO Waaqa d'ibaayu baase

¹⁹waan jed'e, Anini bisaani kana dandae ind'ugu! Yo d'uge, nama d'iiga worra lubbu ufi jibbaate kana d'uge fakaad'a jed'e, d'ugu dide. Wonti jabduuni worri askarti sadeeni gura qabdu taani tolchite tana.

²⁰Abishaini, oboleesi Yoabu, gudda askarti nama sodoma suni. Inni woraana ufiitini nama d'ibba sadi had'e fit'e, akanaani worra sodoma kaani keesa gurra baafate.

²¹Inni worra sodoma kaani ch'ufa ira jabaate, gudda worraa tahe, ammo ha taatuti, gurri isa haga worra kaani sadeeni ind'umne.

²²Benaiyani ilmi Yehoyada, ka lafa Kabseeli d'ufeleeni nama askarti toko ka guddo gurra qabu; inni waan jannooma heddu tolche, askarti Moabu jajannale nama lama ijeese. Guyya toko, ka lafti aka hama d'aamotu, inni boola toko seene keesati nyeench'a ijeese.

²³Ammalle inni namicha Misiri gudda toko, ka d'eerinni d'und'uma shani, ka woraana bode gudda qabu, bokuuni d'ae qabe, woraana iraa fud'ate, woraanuma isa sunini ijeese.

²⁴Sunini ch'ufti waan Benaiyani, ka askarti nama sodoma taani keesa jiru, jannoomaani tolche.

²⁵Inni askarti sodoma suni keesa guddo maqa qaba, ammo haga jara kaani sadeeni ingahu. Daudini isa fuud'e, gudda jara isa eegu tolche.

²⁶Jari askarti jajabaani kana: Asaheli, oboleesa Yoabu Elhanani, ilma Dodo, ka Bethlehemuu d'ufe Shama, ka Harodi d'ufe Helesi, ka Peloni d'ufe Ira, ilma Ikeshi, ka Tokea d'ufe Abiezeri, ka Anathothi d'ufe Sibekai, ka Hushati d'ufe Ilai, ka Ahoho d'ufe Maharai, ka Netofathi d'ufe Heledi, ilma Baana, ka Netofathi d'ufe Itai, ilma Ribai, ka Gibea lafa Benjamini keesaa d'ufe Benaiya, ka Pirathoni d'ufe Hurai, ka bale lafa Gaashiti d'ufe Abieli, ka Arba d'ufe Azmawethi, ka Baharumi d'ufe Elizba, ka Shaalboni d'ufe Hashemu, ka Gizoni d'ufe Yonathani, ilma Shagei ka Harori d'ufe Ahiamu, ilma Sharari, ka Harari d'ufe Elifeleti, ilma Urri Heferi, ka Maakathi d'ufe Ahiya, ka Peloni d'ufe Hezro, ka Karmeli d'ufe Naarai, ilma Ezbai Yoeli, oboleesa Nathani Mibhari, ilma Hagri Seleki, ka Amoni d'ufe Naharai, ka Beerothi d'ufe(...)