Read BORANA BIBLE – KITAABA WAAQA 1 Odu duri 16 Bible Online

1 Odu duri 16 - BORANA BIBLE – KITAABA WAAQA bible

1 Odu duri 16

¹Duuba worri Sanduqa Wold'aqisa d'ufeeni waaro Daudini jaareefi keesa kaye. Jennaani worri waan gubani sorio baasanifi sorio wold'ageeti AABBO Waaqaa baase.

²Daudini eegi sorio suni ch'ufa baase, maqa AABBO Waaqatiini biyya eebise,

³sagale tana nama ch'ufa d'iirafi nad'eeni Israeliti qoode: Sagaleeni sunini qit'a, fooni wot'alaati, zabibu gogoddu.

⁴Daudini worra gosa Lawi haga toko fohate, aka worri huji kad'acha AABBO Waaqa Israeli, Sanduqa Wold'aqisa durati, tolche galata deebiseefi isaa faarsu.

⁵Nami huji suniti mata Assafu, ka iti aanu Zekaria. Worri kirari d'auleeni kana; Yeieli. Nami bilbila d'au Asafu;

⁶ammo nami hojja ch'ufa Sanduqa Wold'aqisa durati magalata d'au, qaalole lama ta Benaiyafi Yahazieli jed'ani.

⁷Guyyaani sunini guyya qara ka Daudini Asafufi oboleyaani isaa, faaru AABBO Waaqa tana d'ad'a jed'aniini.

⁸Koota AABBO Waaqa galata deebisa, isaa yaamad'a; waan inni tolche gosa ch'ufati hima.

⁹Sirba, isaa faarsa, waan jabdu inni tolche odeesa.

¹⁰Waan nu nama isaa taanefi gammada, nami isa yaamatu ch'ufti ha gammaduti.

¹¹AABBO Waaqa d'aqa, qarqaarsa kad'ad'a, hojja ch'ufa isa yaamad'a.

¹²Isani d'alooti Yakobo, hojatu Waaqa, d'aloota Israeli ka Waaqi fohate, waan mama ka Waaqi tolche qaabad'a, dubbi inni mure inded'ina.

¹⁴AABBOONI Waaqa keenna, jechi isaa ka gosa lafa ch'ufaati.

¹⁵Wold'aqisa Waaqaa, ka inni haga jiru jireenna tolche, indidina,

¹⁶ wold'aqisa inni Abrahamuuni tolfateefi kakhu inni Isaaqo kakhate.

¹⁷ Inni wold'aqisa haga jiru jireenna jiru Yakobo woliini tolfate.

¹⁸Waan jed'eeni, Anini lafa Kanaani sii kenne, isiini hand'ura ke taati.

¹⁹Gumiini Waaqa diqo, lafa Kanaani keesaleti keessuma.

²⁰Worri fulla tau d'abe, lafafi gosa d'ibi ch'ufa keesa mare.

²¹ Ammo Waaqi gosa d'ibi worra dabsu d'owe, maro worraatifi hayyoota gorse waan jed'eeni:

²²gumi anini fohad'e woma intolchina, raagoota tiyyale intuqina.

²³Lafti ch'ufti ha AABBO Waaqa faarsitu! Ha guyya ch'ufa, aka inni nu baase, odeesitu.

²⁴Guddinna isaa gosa ch'ufati odeesa, huji isaa ta mama gosa ch'ufati hima.

²⁵AABBO Waaqi gudda, isa guddisani faarsu malani; Waaqa ch'ufa ira isa sodaachu malani.

²⁶Waaqi gosa d'ibi kaani ch'ufti waan harkaani mid'aasani, ammo AABBOONI ka gubba uume.

²⁷Guddinnaafi ulfinni kama isaati, jabeennaafi gammadi fulla inni tau jira.

²⁸Isani nami lafaa ch'ufti, guddinnaafi jabeenni ka AABBO Waaqa jed'a.

²⁹Guddinni waan maqa AABBO Waaqati male jed'a; waan baasu maltani baasafi, mana isaa keesa isa duraani koota. Hojja inni qulqullooma isatini d'ufu AABBO Waaqa durati gajed'a;

³⁰lafti ch'ufti ha isa durati hollatu! Lafa fulluma iti uumani jirti, dandaani inchochoosani.

³¹Lafafi gubbaleeni ha gammaddu! Gosa ch'ufati AABBO Waaqi hayyu jed'a hima.

³²Bisaani baariinitifi wonti iti gala ch'ufti ha dibbiftu; oobrufi wonti keesa jira ch'ufti ha gammadu!

³³Duuba mukeeni badda ch'ufti gammade AABBO Waaqa durati sirbiti, gaafa inni lafa fidu d'ufu.

³⁴ AABBO Waaqi dansa, galata deebisaafi; jaalalti isaa haga jiru jireenna jirti.

³⁵Waan isani jettaniini, Ee Waaqa, baafama keenna, nu baasi; wolti nu yaami, gosa d'ibi jalaa nu baasi, aka nu galata si deebifne maqa kanke qulqullo faarsinu.

³⁶AABBO, Waaqa Israeli, faarsa! Haga jiru jireenna ch'ufa isa faarsa! Jennaani gumiini ch'ufti Amini jette, AABBO Waaqa faarsite.

³⁷Duuba Daudini Asafufi oboleyaani isa huji kad'acha ta fulla Sanduqa Wold'aqisa kayaniti kad'atani worra iti mataa tolche, waan jed'eeni, Huji tana guyya ch'ufa tolcha.

³⁸Ammalle Obed-Edomu ilma Yeduthunitifi nami jaatami saddeeti, ka balbala gosa isaa, ha worra suni qarqaare, Hosafi Obed-Edomuni ha fullo eegani jed'e.

³⁹Ammo qaallichi Sadoki jed'anifi qaaloleeni oboleyaani isaa taani, huji kad'acha ta AABBO Waaqa Gibeoniti kad'atani, ha gubbaa worraa taatu.

⁴⁰Worri diiramafi galgala ch'ufa ha hori gube waan aka mesa kaani irati sorio baasu, aada Seera AABBO Waaqi t'aafe worra Israeliti kenne gula.

⁴¹Worra woliini Hemanifi Yeduthunifi worra maqesani fohataniti jira, aka worri maro jaalala AABBO Waaqa ta haga jiru jireennatiifi isa faarsu.

⁴²Hemanifi Yeduthunini, magalatafi bilbilafi miha sirba d'ibi, ka hojja Waaqa faarsani d'aani, olkaya. Ammalle nami balbala gosa Yeduthuni ch'ufti fullo eega.

⁴³ Jennaani nami ch'ufti kae worra ufiti gale, Daudileni gale worra ufi woliini tae.