Read BORANA BIBLE – KITAABA WAAQA 1 Odu duri 17 Bible Online

1 Odu duri 17 - BORANA BIBLE – KITAABA WAAQA bible

1 Odu duri 17

¹Gaafa toko Daudini, ka mana isaa keesa jiru, raaga Nathani jed'ani yaame waan jed'eeni, Anini mana hind'eesani jaraniti gala, ammo Sanduqi Wold'aqisa AABBO Waaqa waaro keesati gala!

²Nathanini waan jed'eeni, Waan atini hereddu ch'ufa tolchi, wonti akanatiifi Waaqi si woliini jira.

³Ammo halkani suni Waaqi waan Nathanini jed'e,

⁴Beeni, hojatu tiyya Daudini waan jettu, nami mana anini keesa tau na jaaru siiniti.

⁵Anini haguma gaafa worra Israeli lafa Misiri keesaa baase, haga arrale, taka manati ingalle, anini fulluma qubatani ch'ufati waarumati gale.

⁶Anini, haga worra Israeli woliini godaanu, taka nama anini fohad'e worra Israelitini deemu tokoleeni, maanifi mana hind'eesani jaarani na injaarini? Jed'e ingaafanne.

⁷Duuba waan hojatu tiyya Daudini jettu, Anini, AABBO Waaqi guddaani, akana sini jed'a, Anini hooliye atini tissitu keesaa si fuud'e, hayyu worra Israeli si tolche.

⁸Anini fulla atini deemte ch'ufa si woliini deeme, nyaapa kanke ch'ufa si duraa balleese. Anini gurra gudda hayyooti lafa keesa jirtu ch'ufti qabdu sii keenna.

⁹Anini yayu lafa worri kiyya ka Israeli keesa tau, ka nami deebie worra indabsine fohad'eefi keesa qubsise. Haguma worri lafa tana d'ufe nyaapi worruma had'a, ammo wonti kunini deebite intaatu. Anini nyaapa keesani ch'ufa isani iraa d'owe isani horsiisa.

¹¹Gaafa atini doote ababooti tante si awaaltu, anini ilma kanke toko hayyu tolche lafa isale jabeesa.

¹²Nami mana naa jaaruleeni isuma, anini ammalle hayyuma isaa haga jiru jireenna iraa infuud'u.

¹³ Anini abba isaa tahe, innileeni ilma naa taha. Anini isa qarqaaru illakisu aka duri Saulo lakise fulla isaa hayyu si tolche.

¹⁴Anini haga jiru jireenna isa gudda gumi tiyyaatiifi lafa tiyya tolche, hayyumti isaleeni muumme inqabdu.

¹⁵Nathanini waan Waaqi daayya keesa isati hime kaani ch'ufa Dauditi hime.

¹⁶Jennaani hayyu Daudini Waaro Woyyuma ta AABBO Waaqa d'aqe, gatae kad'ate waan jed'e, Anaafi worri kiyyaleeni qara eenu, ee AABBO Waaqa, ka atini armaani nu geete waan kana ch'ufa nuu tolchite?

¹⁷Aka wonti kunini ingahiini, atini ammalle waan hagasi ira jira nuu tolchuu jirta; atini yayu waan d'aloota kiyya ka d'ufu kakhate. Ammalle, ee AABBO Waaqa, atini aka nama gudda na heredda.

¹⁸Wonti d'ibiini anini sini jed'u maani? Atini ana hojatu tante guddo beeta, ammo hatatuti na ulfeesita.

¹⁹Atini fed'umafi hereguma keetiini waan kana na tolchite, guddinna kiyya ka gad'ufu na garsiifte.

²⁰AABBO, nami tokoleeni ka aka keeti injiru; nu yo ch'ufa imbeenna, aka atini ch'allaani Waaqa.

²¹Gochiti lafa gubba jirtu, ta aka gosa Israeli, ta atini tissooma jalaa baafte nama kanke tolfate injirtu. Wonti mama guddooni ta atini worraa tolchite yayu gurra kanke lafa ch'ufaani qit'eesite. Atini worra kanke lafa Misiri keesaa baafte, ammalle ato worri d'ufu, gosa d'ibi worra kanke duraa gussite.

²²Atini yayu worra Israeli haga jiru jireenna nama kanke tolfate, ammalle, atini AABBO Waaqa, yayu Waaqa worraa taate.

²³Duuba amma, AABBO Waaqa, waan atini anaafi d'aloota kiyya kakhatte, Intolcha jette guuti,

²⁴aka maqaani kanke haga jiru jireenna guddate, duuba namileeni, AABBO Waaqi guddaani Waaqa Israeli jed'u! Akanaani worri hojattu tante Daudileni si durati hore bulu.

²⁵Atini yayu waan kana hojattu tanteeti mullifte waan jette, Anini mana sii jaara. Tanaafi, ee Waaqa kiyya, anini hojattuuni tante garaa jabaad'e waan kana si kad'ad'a.

²⁶Atini, Ee, AABBO Waaquma, dubbini tante ch'ufti d'uga, atini yayu kakhu dansa tana hojattu tanteeti kakhatte.

²⁷Anini amma si kad'ad'a, d'aloota kiyya eebise, aka worri naasu tante hojja ch'ufa argatu. Atini, ee AABBO Waaqa, yayu worra eebifte, ammalle eebiti tante haga jiru jireenna d'aaloota suni iraa imbaatu.