Read BORANA BIBLE – KITAABA WAAQA 1 Odu duri 5 Bible Online

1 Odu duri 5 - BORANA BIBLE – KITAABA WAAQA bible

1 Odu duri 5

¹Kunini nama Reubeniini, angafi Yakobo d'ale. (Waan Reubeni duri gaarayu abba isa barateefi, angaftiti isaa iraa fud'aani Yusufu kennani.

² Ammo hataatuti, gochiti Yuda gosa taani ch'ufa iraa jabaate hayyu iti taate.)

³Angafi Yakobo Reubeniini, ilmaani d'iira afuri qaba: Hanoki, Palu, Hesroni, Karmi.

⁴ Tunini ilmaani Yoeli aka isiini woli gula aante d'alate gula: Shemaya, Gogu, Shimei, Mika, Reaya, Baali, Beera. Hayyuuni Ashuru ka Tiglath-Pileseri jed'ani, gudda gosa suni ka Beara jed'ani qabe boojie.

⁷Kunini maqa worra gugurda balbala gosa Reubeni, ka t'aafani: Yeieli, Zekaria,

⁸Bela, ilma Azazi, ilma Shemaya, ka balbala Yoeli worri balbala tana kunini Aroerifi lafa artini mirga, ta qajeela Nebotifi Beala Meoni, keesa taa.

⁹Worri hori gudda qaba, lafa Gileadi keesa, tanaafi lafa haga lafa gamooji ta ilaboruti ejite haga galaana Efratiti Ejitu ch'ufa fud'ate.

¹⁰Bara Sauloni lafa fide, gochiti Reubeni gosa Hajiri haate, dabsate hobaafte, lafa worra gama Gileadini ilaboru fud'ate keesa qubate.

¹¹Gochiti Gadi, gosa Reubenitini mirgaa, lafa Bashani ta haga Salekati ejite keesa teeti.

¹²Yoelini gudda gosa worraa, isale Shafamuti iti aana, Yanafi Shafathiti, lafa Baashani keesa, worrati aana.

¹³Gochiti Gadi balbala torba d'ibi qabdi: Mikaeli, Meshulamu, Sheba, Yorai, Yakani, Zia, Eberi,

¹⁴worri kunini d'aloota Abiali, ka ilma Huri, ka ababooti isaa tana: Abiaheli, Huri, Yaroa, Gileadi, Mikaeli, Yehishai, Yado, Buzi.

¹⁵Ahini, ilmi Abdieli, ka ilma Guni, gudda balbala gosa tanaati.

¹⁶Worri kunini lafa Bashanitifi Gileaditifi dira d'aatu jirutifi lafa horini oolu ta Sharoni jed'ani keesa taa.

¹⁷(Dubbi tana bara Yothamuni Yuda fideefi Yeruboamuni Israeli fide t'aafani.)

¹⁸Gosa Reubenitifi ta Gaditifi ta Manase ta ilaboru keesa, askarti kuma afurtami afuritiifi d'ibba torbafi jaatamati jira, ta ch'ufti nama wonteefi sheeftifi t'iyaani wohad'u beekhu.

¹⁹Askartini sunini ch'ufti gosa Hajiri, ta Yeturifi Nafishifi Nodabu jed'ani, had'u dat'e.

²⁰Worri Waaqa abbadate qarqaarsa kad'ate, Waaqileeni kad'acha suni d'agaye gosa Hajiritifi goli worrale worra dabsachiise.

²¹Worri nyaapa suni ira, gaala kuma shantamatifi hooliye kuma d'ibba lamafi shantamatifi harrelee kuma lamatiifi nama kuma d'ibba tokole boojie.

²²Waan Waaqi worra qarqaareefi worri nyaapa heddu fit'e, lafa sunile fud'ate keesa tae; duuba eege nyaapa d'ibiini d'ufe worrale boojie.

²³Worri gosa Manase, ka ilaboru lafa Baashani, haga Baal-Hermoni qubate Senirifi gaara Hermoniti eje, achiti worri hore lafa ira dabre.

²⁴Worri kunini abbooti balbala gosa worra: Eferi, Ishi, Elieli, Azrieli, Yeremia, Hodavia, Yadieli. Worri kunini ch'ufti nama woraana jajaba gurra qabu, ka ammalle mata balbala gosa worra.

²⁵Ammo worri Waaqa ababoota isaaniti ch'ubbame, isa iraa gorre waaqa worra gosa d'ibi, ka Waaqi duri worra duraa gusse, kad'ate.

²⁶ Tanaafi Waaqi hayyu Ashuru, ka Pulu jed'ani (ka ammalle maqaani d'ibiini Tiglath-Pileseri) worra haasise. Inni gosa Reubenitifi, ta Gaditifi ta Manase ta ilaboru, boojie Halafi Aburifi Harafi d'aatu galaana Gosanitile qubsise haga arrale worri achuma taa.