Read BORANA BIBLE – KITAABA WAAQA 2 Odu duri 11 Bible Online

2 Odu duri 11 - BORANA BIBLE – KITAABA WAAQA bible

2 Odu duri 11

¹Rehoboamuni Yerusalemu gahe jennaani, askarti jajanna nama filani ch'alla, ta gosa Yudatifi ta gosa Benjamini, nama kuma d'ibba tokotifi saddeetama, wolti yaame worra Israeli had'e, aka sila mootuma ufi deefatu.

²Ammo AABBO Waaqi raaga Shemaya yaame waan jed'eeni,

³waan atini worra Yudatifi ka Benjaminitini jettu;

⁴oboleyaani teesani ta Israeli inhad'ina, isani ch'ufti kaa gala, waan tahe suni ch'ufa anumati tolche. Duuba worri dubbi AABBO Waaqa ch'aqase kae worra ufiti gale.

⁵Rehoboamuni Yerusalemuti hafe, dira kana ch'ufa jabeese jaare, lafa Yudatifi ta Benjamini keesa:

⁶Bethlehemu, Etamu, Tekoa,

⁷Beth-Suri, Soko, Adulamu,

⁸Gathi, Manesha, Zifu,

⁹Adaraimu, Lakishi, Azeka,

¹⁰Sora, Ayaloni, Hebroni.

¹¹Inni dira suni ch'ufa jabeese jaare, dira ch'ufa nama gudda askarti iti tolche, ammalle dira ch'ufa keesa sagale, d'ad'a, daad'i,

¹²wonteefi woraanale olkaye. Akanaani worra Yudatifi ka Benjamini harka ufi keesaa bahu d'owe.

¹³Qaaloleefi worri Lawi, ka lafa Israeli keesa jiru ch'ufti, lafa Yudati d'ufani.

¹⁴Wonti worri Lawi lafafi arda horini worraa oolu ch'ufa lakise Yudafi Yerusalemuti godaneefi, hayyu Yeroboamufi ilmaani isati waan jed'eeni, isani qaalole AABBO Waaqa intaatani.

¹⁵ Yeroboamuni qaalole ufi ta fulla Waaqa d'ara iti kad'atanifi jinnifi akheekha looni ka inni mid'aase hojattu, fohate.

¹⁶Gosa Israeli ch'ufa keesa nami garaa tokooni AABBO Waaqa Israeli kad'achu fed'e, worra Lawi haga Yerusalemu gula yae, achiti sorio AABBO Waaqa ababoota isaniti baase.

¹⁷Akanaani worri hayyuma Yuda jabeese, ganna sadi Rehoboamu, ilma Solomoni, jalati bule, akuma duri Daudifi Solomoni jalati bulani, akasuma tahani.

¹⁸Rehoboamuni intala toko, ta Mahalattu jed'ani fuud'e. Isiini intala Yeromoti, ilma Daudi. Haati isii Abihaili, isiini dubra Eliabu, ka ilma Yese.

¹⁹Worri ilmaani sadi qaba: Yeushi, Shamaria, Zahamu,

²⁰inni intala Basalomu, ta Maaka jed'ani, fuud'e. Worri ilmaani afuri d'ale: Abiya, Atai, Ziza, Shelomithi.

²¹Nad'eeni inni fuud'e kud'ani saddeeti, ammo ta inni barate ilmaani iraa d'ale jaatama. Nad'eeni tunini ch'ufti ilmaani d'iira diddami saddeetifi dubra jaatama d'alteefi. Nad'eeni tana ch'ufa ira inni Maaka jaalate,

²²ilma isii Abiyale ijoolle taani ch'ufa ira jaalate nama fulla isaa hayyu tahu isa fohate.

²³Rehoboamuni mala dansa d'aate, ilmaani isaa dira jajaba lafa Yudatifi ta Benjaminiti qubsise waan guddo kenneefi nad'eenile heddu fuusise.