Read BORANA BIBLE – KITAABA WAAQA 2 Odu duri 16 Bible Online

2 Odu duri 16 - BORANA BIBLE – KITAABA WAAQA bible

2 Odu duri 16

¹Ganna sodomi jaeeso ka Asani lafa mohate, Baashani, hayyuuni Israeli, lafa Yuda had'e, dira Rama jabeese jaare, aka nami tokoleeni dira suni keesaa bahe yokhaani inseene.

²Duuba hayyu Asani qarsifi worqi Mana Waaqatifi ka mana hayyu keesaa guure, Damaskiti gara Benhadadi hayyu Shamuti erge waan jed'eeni;

³kooti, aka abbooti teenna goli woli taana qarsifi worqiini tunini waan anini sii ergu. Amma tana wold'aqisa siifi Baashani hayyuuni Israeli woliini qabdani ch'absi, aka inni askarti isaa lafa tiyya keesaa baasu.

⁴Benhadadini dubbi Asa d'agaye, askarti isaatiifi worra gugurda askarti isaa dira Israeliti had'iisaa erge. Jennaani worri dira Iyonitifi Danitifi Abel-Beth-Maakatifi dira Naftali ka sagale keesati olkayani ch'ufa dabsate fud'ate.

⁵Hayyu Baashani waan tahe suni ch'ufa d'agaye jennaani dira Rama, ka jabeesani jaaru jirani kaani, lakise biraa deeme.

⁶Jennaani hayyichi Asani qonqo lafa Yuda ch'ufati erge nama ch'ufa wolti yaame, aka nami ch'ufti haguma gaunu d'ufe, d'akhaafi mukha Baashani dira Ramatini jaare guure, dira Gebaatifi ka Mispa sunumaani jabeesani jaarani.

⁷Gaafasi raagi Hanani jed'ani toko gara Asa d'aqe waan jed'eeni, Waan atini AABBO Waaqa kanke lakifte hayyu Shamu qarqaarsa heregateefi, duuli hayyu Israeli ya baqate si duraa bahe.

⁸Worri gosa Kushitifi ka Lubi, askarti heddufi gaari heddufi yaabatu fardale heddu inqabu? Ammo maro atini AABBO Waaqa qarqaarsa heregateefi inni si dabsachiise.

⁹AABBO Waaqi lafa ch'ufa ilaale tisse nama isa d'ugeefatu jabeesa. Waan atini aka daale tateefi, armaa achi worraani lafa tante keesaa imbahu.

¹⁰Dubbini tunini aka male Asa dallansifte jennaani inni raaga suni fuud'e sansalatani hid'e. Duuba bara suni Asa garaani hammate, nama gari, naasu male, aka hama gaargalche.

¹¹Waan hayyu Asani tolche ch'ufa, haguma geetunu, kitaaba Odu Hayyoota Yudatifi ta Israeli keesati t'aafaniti t'aafani.

¹²Ganna sodomi sagaleeso ka Asani lafa mohate inni, d'ukuba hama fuud'e miilaa naafate; ammo tatule inni qarqaarsa AABBO Waaqa ira infed'anne, ch'ireeyyi iraa fed'ate.

¹³Inni ganna lama teennaani due

¹⁴awaala goda d'akha ka inni mid'aafate, dira Daudi keesati, isa awaalani. Inni doonaani qumbifi d'ad'a urgaa nafa isaa ibsani, ibida gudda goolani isaa bohani.