Read BORANA BIBLE – KITAABA WAAQA 2 Odu duri 19 Bible Online

2 Odu duri 19 - BORANA BIBLE – KITAABA WAAQA bible

2 Odu duri 19

¹Hayyuuni Yuda, ka Yehoshefathi jed'ani, nagayaani mana ufi ka Yerusalemuti gale.

²Jennaani raagi toko, ka Yehu ilma Hanani jed'ani, gara hayyu d'aqe waan jed'eeni, Atini nama, nama ch'ubbicha qarqaare, nama AABBO Waaqi jibbe jaalatu waan inni waan dansa tolche seeta? Waan atini akasi tateefi, dallansuuni AABBO Waaqa ya si qabate.

³Ammo ato atini akasile taate, dansumti diqooni toko siuma keesa jirti. Atini Waaqa d'ara, ka Ashera jed'ani, ya lafa keesaa balleesite haga dandeetu Waaqa d'ugaa barbaadde.

⁴Yehoshefathini, ato worri isaa Yerusalemu tateele, hojja ch'ufa lafa keesa guddo imaltu deema, haguma Beersheba ta bita jirtu iti keeyate lafa Efraimu ta mirga ta gaareenitini bahe, biyya kara AABBO Waaqa ababoota isaani gula deebise.

⁵Inni dira Yuda ka jabeesani jaarani ch'ufa jaallaboota iti tolche

⁶waan jed'eeni, Hojja dubbi qortani, d'uga gula qora, wonti akanatiifi jabeenni isani woini qortani keesaniniti, ka AABBO Waaqati; ammalle hojja isani dubbi murtani, inni isani woliini jira.

⁷AABBO Waaqa sodaad'a, yo wo tolchi taanile ufi qorqorad'a; wonti akanatiifi AABBO Waaqi keenna nama d'uga gula indeemne, ka nama gargari file yokhaani gumbo nyaatu inoobsu.

⁸Yerusalemu keesale Yehoshefathini worra Lawitifi qaaloleefi jaarole Israeli jaallaboota tolche; aka worri nama Seera Waaqa ch'absu laale nama wold'abele dubbi qoruufi.

⁹Inni waan worra sunini jed'e: Isani AABBO Waaqa sodaatani, huji teesani aka dansaa hojja ch'ufa garaa tokooni hojachu maltani.

¹⁰Hojja nami dira keesani toko dubbi nama woli ijeesefa isanitini d'ufe yokhaani dubbi seerafi aada ch'absiitifa isanitini d'ufe, nama suni aka dansaa gorsa, aka hojja dubbi isaa qorani inni wollaale AABBO Waaqa durati ch'ubbu inseene. Yo akasi tahu baatani dallansuuni AABBO Waaqaa isanifi gosa teesani inqabatti. Ammo yo huji teesani guutani, wollaala inseentani.

¹¹Nami dubbi aada AABBO Waaqa muru qaallicha gudda Amaria jed'ani. Ammalle Zebadiani, ilmi Ishmaeli, ka gudda Yuda, dubbi gara hayyu ch'ufa isati mura. Worri Lawi isani jala hojate isanii ergata. Garaa jabaad'a, dubbi tana guuta, AABBO Waaqi nama d'uga gula deemu ha qajeelchu.