Read BORANA BIBLE – KITAABA WAAQA 2 Odu duri 22 Bible Online

2 Odu duri 22 - BORANA BIBLE – KITAABA WAAQA bible

2 Odu duri 22

¹Worri Arafti toko d'ufe, ilmaani Yehoramu, gurba maand'icha Ahazia jed'ani male, ch'ufa fit'e. Tanaafi worri Yerusalemu fulla abba isaa hayyu tolche.

²Ahaziani ganna diddami lamati hayyu tahe, ganna toko Yerusalemu keesa lafa mohate. Maro haati isaa Ataliani, ta dubra Ahabu, ta akhaakhuni isii Omri, waan hamtu isa barsiifteefi, Ahaziani faana worra Ahabu gula bahe.

⁴Inni AABBO Waaqa durati ch'ubbu tolche, wonti akanatiifi abbaani isaa doonaani, worri Ahabu ka gari mala hama isaa d'ae, isa balleese.

⁵Ammalle inni mala worraa gula bahe, Yoramu, ilma Ahabu, ka hayyu Israelitini goli tahe. Duuba d'aqani, Hazaeli hayyu Shamu Ramothi ka Gileaditi had'ani, had'iisa suni keesati Yoramu madeesani.

⁶Jennaani inni aka wollaanate fayyu dira Yezreeli d'aqe achi tae; ato inni achi jiru, Ahaziani isa argu d'aqe.

⁷Imaltu Ahazini gara Yoramu d'aqe suni gula, Waaqi badi isatini d'ufe. Ato Ahaziani arti jiru, isaafi Yoramuni, namicha Yehu ilma Nimshi jed'ani toko, ka AABBO Waaqi aka inni worra Ahabu balleesu fohate, argu d'aqani.

⁸Ato Yehuni jecha AABBO Waaqa gula worra Ahabu balleesu deemu, inni gumi jaarole Yudatifi ilmaani oboleesa Ahazia, ta Ahazia woliini yaatu, fuula keesa d'ufe ch'ufa hobaase.

⁹Nama Ahazia barbaadule ergani, ato inni dira Samaria keesati d'okhachu jiru, isa argani, fuud'ani, Yehutini d'ufani ijeesani. Maro akhaakhu isaa Yehoshefathi ka garaa tokooni AABBO Waaqa hojateefi, isaa awaalani. Nami worra Ahazia, ka dandae lafa mohatu, inhamne.

¹⁰Haati Ahazia akuma lubbu ilma isii d'ageeteni kaate, nama fiit'a hayyu Yuda ch'ufa fit'a jette.

¹¹Ahaziani oboleeti toko qaba, ta Yehosheba jed'ani, ta qaallichi Yehoyada jed'ani fuud'e. Isiini d'ossani Yoashi, ilma Ahazia, oboleyaani isaa ta fit'u fed'ani taani keesaa fuute, isaafi intala qabdu isaa d'iibu keesati d'ossite. Akanaani isiini isa harka Atalia jalaa baafte.

¹²Duuba ganna jaa ch'ufa, Mana Waaqa keesati ka Ataliani lafa mohate isa d'ossani.