Read BORANA BIBLE – KITAABA WAAQA 2 Odu duri 24 Bible Online

2 Odu duri 24 - BORANA BIBLE – KITAABA WAAQA bible

2 Odu duri 24

¹Yoashini gaafa hayyu Yuda tahe ganni isaa torba; duuba ganna afurtama Yerusalemu keesa lafa mohate. Haad'a isaa maqaani Sibia, isiini dira Beersheba keesati d'alate.

²Inni waan AABBO Waaqa gammachiisa, haga qaallichi Yehoiyadani jiru, tolche.

³Yehoiyadani dubra lama fuusise, isiini ilmaani d'iiratifi ta dubrale d'alteefi.

⁴Yoashini haga hayyu tahe diqo ture jennaani, Mana Waaqa, fulla ch'abt'e, aka mid'aase jaaru malate.

⁵Duuba inni qaaloleefi worra Lawi wolti yaame waan jed'eeni, dira Yuda keesa yaa, biyya ch'ufa iraa beese guura, aka ganna ch'ufa Mana Waaqa fulla hammateni mid'aasani. Huji tana hurrisa tolcha. Ammo worri Lawi huji suniti injabaanne,

⁶tanaafi inni Yehoiyada, gudda worraa, yaame waan jed'eeni, Atini maanifi worra Lawi kana, ka gibira hojattuuni Waaqa Musani biyya iraa guura, huji Waaro Woyyumatiini hojad'a, jed'e, Worra Yudatifi ka Yerusalemu iraa ingursisini?

⁷(Jari niiti hamtu Atalia jed'ani gula yau kaani duri Mana Waaqa ch'ach'abse miha woyyuma heddu fuud'e huji waaqa Baali jed'anitini hojate.)

⁸Hayyichi seera baase worra Lawitini, sanduqa beese keesa buusani mid'aasa, fulla balbala Mana Waaqa kaya jed'e,

⁹Worri duuba qonqo lafa Yerusalemutifi ta Yudati erge, nama ch'ufaani, gibira AABBO Waaqa ka hojatuni Waaqa Musani duri lafa gamoojiti nama iraa guure, amma baasa jed'e.

¹⁰Qonqooni tunini biyyaafi jaarole worrale gammachiifte, duuba gibira suni baasani sanduqa suni guutani.

¹¹Duuba guyya ch'ufa worri Lawi sanduqa suni fuud'e nama hayyuuni fohate, ka huji suni harkaa qabuti, kennani. Hojja sanduqa suni guutani ch'ufa, namicha tatabe hayyu t'aafufi namichi qaallichi guddaani fohateleni beese suni sanduqa keesaa fuud'ani, sanduqale fulla qarati deebisani. Duuba akanaani beese guddo wolti guurani.

¹²Jennaani hayyichaafi Yehoiyadani beese suni nama jara Mana Waaqa mid'aasuti matati kennani, worri sunini hogeeyi d'akhatifi ta baotifi tumtule beese kenneefi hojachiise.

¹³Nami achi hojattu ch'ufti aka dansaa hojate, Mana Waaqa mid'aasani, akuma qara kaaniti deebisani jabeesani.

¹⁴Huji suni hobaasani jennaani beese ira hafte hayyufi Yehoiyadati deebisani, worri worqifi qarsi sunini qorifi miha mana Waaqa keesani hojatani ch'ufa mid'aase. Haga Yehoiyadani jiru ch'ufa sorio akuma dansa guyya ch'ufa Mana AABBO Waaqa keesati baasani.

¹⁵Inni jaare hobae ganna d'ibbafi sodoma geennaani dulloome.

¹⁶Waan inni waan dansa worra Israelitiifi Waaqafi Mana Waaqale tolcheefi, irreesa hayyoota ka Dira Daudi keesati isaa awaalani.

¹⁷Ammo Yehoiyadani due jennaani jaaroleeni gosa Yuda hayyuti d'ufte sosobde gama ufi gula isaa deebifte.

¹⁸Duuba biyyiti Mana AABBO, Waaqa ababoota isaani, lakifte, Waaqa harkaani mid'aasanifi akheekha Ashera jed'ani kad'atte. Maro wollaala worra kanatifi dallansuuni AABBO Waaqa worra Yudatifi ka Yerusalemu ira buute.

¹⁹AABBO Waaqi raagoota sila worra gorsite gara isaa deebiftu iti erge, ammo biyyiti raaga suni ch'aqasu didde.

²⁰Jennaani lubbuuni Waaqa Zekaria ilma qaallicha Yehoiyada ira buute, inni fulla biyyiti isa agartu eje waan worraani jed'e, Waaqi waan jed'u, Isani maanifi seera AABBO Waaqa ch'absitani ufi balleesitani? Waan isani isa lakiftanifi innileeni ya isani lakise!

²¹Worri qonqo suni d'agaye kaani Zekariati malate, jecha hayyu gula, naabo Mana Waaqa keesati, d'akhaani d'aanaani isa ijeesani.

²²Akanaani hayyichi huji dansa Yehoiyadani abbaani Zekaria tolcheefi ded'e, ilma isaa ijeese. Zekariani ato lubbuuni keesaa imbahini, waan jed'e, AABBO Waaqi waan kana arge ha haalo na baasuti!

²³Eegi ganni ch'aame, duuli worra Shamu d'ufe Yudafi Yerusalemu had'e jaarole worrale ch'ufa fit'e waan heddu boojie Damaskitini gale.

²⁴Duuli worra Shamu nama diqa, ammo hataatuti, AABBO Waaqati duula gudda worra, Yuda, maro worri AABBO, Waaqa ababoota isaani, lakiseefi, harka worra Shamuti kenne worri worra dabsate. Akanaani hayyu Yoashini gati ch'ubbu ufi argate.

²⁵Had'iisa suni keesati isa aka hama madeesani; nyaapi kae gale jennaani jari hojattu isaa, nami lama, isati malate, ato inni sire ufi ira ch'iisu, ijeese, akasiini haalo gurba qaallicha Yehoiyada baase. Isa Dira Daudi keesati awaalani, ammo irreesa hayyoota keesati inawaalle.

²⁶(Jari isa ijeese sunini Zabadi, ilma niiti gosa Amoni, ta maqaani Shimeathi, ammalle kaani d'ibileeni Yehoizabadi, ilma niiti gosa Moabu ta Shimrithi jed'ani.)

²⁷Kitaaba Odu Hayyoota namaa diigu keesa, odu ilmaani Yoashitifi waan isaa ka faganifi, aka inni Mana Waaqa ka ch'ach'abe mid'aase jaareti jira. Ilmi isaa Amaziani fulla isaa hayyu tahe.