Read BORANA BIBLE – KITAABA WAAQA 2 Odu duri 27 Bible Online

2 Odu duri 27 - BORANA BIBLE – KITAABA WAAQA bible

2 Odu duri 27

¹Yothamuni, gaafa gaani isaa diddami shani, hayyu tahe, Yerusalemu keesa ganna kud'ani jaa lafa mohate. Haad'a isaa, maqaani Yerusha, isiini dubra Sadoki.

²Akuma abbaani isaa Uziani tolche, inni waan AABBO Waaqa gammachiisa tolche. Ammo inni aka abba isaa Mana Waaqa seene hit'aana aarse ch'ubbu inseene. Ato akasile tate, biyyiti ch'ubbu illakimne.

³Nami balbala Mana Waaqa ta mirga jaare naabo moga Yerusalemu ta Ofeli jed'anile mid'aase jaare Yothamu.

⁴Gaareeni Yuda keesati inni dira jaare, badda keesati maneeni jajabduufi doofi jaare, ta nyaapa keesati ufiraa eegani.

⁵Ammalle inni hayyu Amonitifi duula isaa had'e dabsate, ganna sadi ch'ufa gibira iraa guurate: qarsi kilo kuma saditifi d'ibba afuri, dargaye kilo kuma maro kuma toko; garbule ta kilo kuma maro kuma toko.

⁶Wonti Yothamuni akasi jabaateefi waan inni kara AABBO Waaqa isaa gula baheefi.

⁷Waan Yothamuni tolche ch'ufa, woraana inni loleefi finna inni nama fide, kitaaba Odu Hayyoota Yudafi ta Israeli keesati t'aafaniti t'aafani.

⁸Gaafa Yothamuni hayyu tahe, ganni isaa diddami shani, ammalle inni ganna kud'ani jaa Yerusalemu keesa lafa mohate.

⁹Inni due jennaani dira Daudi keesati isa awaalani, ilmi isaa Ahazini fulla isaa hayyu tahe.