Read BORANA BIBLE – KITAABA WAAQA 2 Odu duri 5 Bible Online

2 Odu duri 5 - BORANA BIBLE – KITAABA WAAQA bible

2 Odu duri 5

¹ Hayyu Solomonini huji ijaarsa Mana Waaqa ch'ufa hobaase jennaani Mana Waaqa keesa fulla woiti olkayani, waan abbaani isaa Daudini duri AABBO Waaqaa olkaye ch'ufa, achiti olkaye — qarsifi worqifi miha kaani ch'ufale.

²Jennaani Solomonini jaarole Israeli ta balbala gosa isaani ch'ufaa mataa Yerusalemuti ufiti yaame, aka Sanduqa Wold'aqisa AABBO Waaqa dira Daudi, ka Sioni jed'ani fuud'ani, Mana Waaqatini d'ufani.

³Worri ch'ufti guyya jila Hoosa wolti d'ufe.

⁴Jaaroleeni sunini ch'ufti wolgeete jennaani worri Lawi Sanduqa kaani olfuud'e

⁵Mana Waaqati geese. Jennaani qaaloleefi worri Lawileeni Waaro Woyyumatiifi miha isii guure, Mana Waaqati geese.

⁶Duuba hayyu Solomonifi worri Israeli ch'ufti Sanduqa Wold'aqisa durati wolti bahani, loonifi ree hedu muumme inqamne sorio baasani.

⁷Duuba qaaloleeni Sanduqa Wold'aqisa AABBO Waaqa Mana Waaqa olnat'e, Fulla Fulla Ch'ufa Ira Qulqullootiini d'ufte, akheekha waan koola ka lubbu qaba kaani jala keete.

⁸Kooli isii ka ballisani gubba Sanduqafi kalcho baataniini d'osse.

⁹Nama Fulla Fulla Ch'ufa Ira Qulqullo dura eju male, nami d'ibiini dandae fiit'e kalcho inargu. (Kalchooni sunini arrale achuma jirti.)

¹⁰ Sanduqa Wold'aqisa suni keesa d'akha hahafalicha lamaani Musani gaara Sinaiti keesa kaye, gaafa AABBO Waaqi worra Israeli lafa Misiriti baase, wold'aqisa woliini tolfate male wonti d'ibiini keesa injirtu.

¹¹ Qaaloleeni arti jirtu ch'ufti, ato fulla heddu qoodamtele, nami ufi inqulqulleesini injiru. Ammalle sirbituni worra Lawi — Asafu, Hemani, Yeduthuni, ammalle nami balbala gosa worraleeni — woya boofta naqata. Worri Lawi ka bilbilafi kiraari harkaa qabu, d'aatu waan sorio irati baasani gama ilaboru ejaanja, ammalle worra woliini qaalole d'ibbafi diddama, ta magalata d'ooftuti jira. Worri sirbufi ka magalatafi bilbilafi waan d'ibi d'auleeni qonqo takaani sirbe AABBO Waaqa faarse waan jed'e: AABBO Waaqa faarsa, inni waan dansa, jaalalti isaaleeni haga jiru jireenna jirti. Ato qaaloleeni Mana Waaqa keesaa bau jirtu, maro tokotu duumansi bibiliqu, ka aka AABBO Waaqi arti jiru garsiisu, Mana guute, qaaloleeni huji eeba tolchu dad'abde.