Read BORANA BIBLE – KITAABA WAAQA Ezra 5 Bible Online

Ezra 5 - BORANA BIBLE – KITAABA WAAQA bible

Ezra 5

¹Gaafasi raagooti lama, Hagaifi Zekaria, ilma Ido, maqa Waaqa Israelitini Yahudi Yudatifi ta Yerusalemuti wo fadde.

²Jennaani Zerubabeli, ilmi Shealtielitifi Yoshua ilmi Yosadaki kaani, Mana Waaqa ka Yerusasalemu keesa jiru ijaarsa jala qabatani, raagooti lamaani taanileeni worra qarqaarte.

³Jennaani namichi guddaani lafa Efrati, ta ilaadu, ka Talenai jed'anifi Sherthar-Bozenaifi waheli worraleeni Yerusalemu d'ufani waan jed'ani, Eenuti, Mana kana mid'aasa jaara isanini jed'e?

⁴Ammalle worri, Nami Mana kana jaaru eenufa? Jed'e gaafate.

⁵Ammo Waaqi jaarole Yahudi suni qorqorate, worri kaani, ka woma worra intolchini kae biraa yae, tatabe gara hayyu Dario t'aafe, qonqo isaa eegate.

⁶Qonqooni worri hayyuti erge tana:

⁷Ee hayyicha, Dario, nu nagaya si fuuna.

⁸Ee hayyicha, atini beekhu malte, aka nu lafa Yuda d'anne, Mana Waaqa gudda ka d'akhaa gugurdafi mukhaani jabeesani jaaru jirani argine. Huji suni guddo jabeesani dura deemsisu jirani.

⁹Duuba nu jaarole suni, Eenuti Mana kana mid'aasa jaara isaniini jed'e? jenne gaafanne.

¹⁰Nu ammalle maqa worra Mana suni jaara gaafanne, aka maqa huji suniti mataa t'aamne si beesimnu.

¹¹Worri waan nuni jed'e, Nu hojatu Waaqa lafafi gubba uumeti, nu Mana duri hayyuni jabaani Israeli toko jaare mid'aasine jaaru jira.

¹²Ammo maro ababooti teenna Waaqa gubbaa dallansiifteefi, inni harka Nebukadreza hayyu Babiloni ka gosa kaldayoti, Mana kana balleese gosa teenna boojie lafa Babiloni geese.

¹³Duuba eege, ganna qara ka Koreshini, hayyuuni Babiloni, lafa Mohate, inni seera baase, Mana Waaqa jaara jed'e.

¹⁴Inni miha worqitiifi ka qarsi, ka duri Nebukadrezani mana Waaqa isaa ka Babiloni jiruti geese, deebise, miha suni gudda lafa Yuda tolcheti kenne.

¹⁵Waaq jed'eeni, miha kana fuud'i, Mana Waaqa ka Yerusalemu jiruti geese, Mana Waaqa fulluma qara inni eju taaniti mid'aasi jaari.

¹⁶Jennaani Sheshbazani d'ufe, Mana suni yayabe, Mana suni arti asi haga arra jarumati jirani ammo inhobaane.

¹⁷Tanaafi amma tana, Ee hayyicha, fulla dubbi hayyoota t'aafani iti olkayani, ha keesa barbaadani, aka d'uguma dubbini ijaarsa Mana Waaqa ka Yerusalemu, ta hayyu Koreshini jed'e, jirtu laalani. Yo hubatani, qonqo nu ergi, waan nu tolchu malle nuti himi.