Read BORANA BIBLE – KITAABA WAAQA Ezra 8 Bible Online

Ezra 8 - BORANA BIBLE – KITAABA WAAQA bible

Ezra 8

¹Kunini maqa worra balbala gosa worrati mata ka eegi boojiani Babiloni geesani Ezra woliini Yerusalemuti gale, bara Artashastani hayyu:

²Gershomu, ka balbala Finehasi Danieli, ka balbala Ithamari Hatushi, ilma Shekania, ka balbala Daudi Zekaria, ka balbala Paroshi, isaafi nama d'ibbaafi shantama ka balbala isaa (wonti worra isaani ka t'aafani olkayani injirti) Eliehoenai, ilma Zerahiya ka balbala Pahath-Moabu, isaafi nama d'ibba sadi. Ebedi, ilma Yonathani, ka balbala Adini, isaafi nama shantama. Yeshaya, ilma Athalia, ka balbala Elamu, isaafi nama torbatama Zebadia, ilma Mikaeli, ka balbala Shefatia, isaafi nama saddeetama. Obadia, ilma Yehieli ka balbala Yoabu, isaafi nama d'ibba lamafi kud'ani saddeeti. Shelomithi, ilma Yosifia, ka balbala Bani, isaafi nama d'ibbaafi jaatama. Zekaria ilma Bebai, ka balbala Bebai, isaafi nama diddami saddeeti. Yohana, ilma Hakatani, ka balbala Hazgadi, isaafi nama d'ibbaafi kud'ani. Elifeleti, Yeuelifi Shemaya, ka balbala Adonikamu, worraafi nama jaatama (worri eege biyyaa gale) Uthaifi Zakuri, ka balbala Bigwai, worraafi nama torbatama.

¹⁵Anini worra kana ch'ufa afaani galaana dira Ahavati yauti wolti baase duuba halkani sadi achi bulle. Anini worra suni keesa, qaalole male, worra Lawi d'abe.

¹⁶Jennaani jaarole nama sagali yaame: Eliezeri, Arieli, Shemaya, Elnathani, Yaribu, Elnathani, Nathani, Zekaria, Nteshulamu ammalle jara wobarsiisu nama lama yaame: Yoyaribufi Elnathani.

¹⁷Anini jara kana ch'ufa gara namicha gudda gumi Kasifia, ka maqaani isaa Ido, erge, aka isaafi wahela isaa, jara Mana Waaqa keesa hojatu, d'aqani nama Mana Waaqa keesa hojatu barbaadani.

¹⁸Qarqaarsa Waaqatini worri sunini Sherebiya, nama gosa Lawi, ka balbala mali, ka guddo wo guutu nuu erge; ammalle ilmaani isaatiifi oboleyaani isaa nami kud'ani saddeeti isani woliini d'ufe.

¹⁹Worri ammalle Hashabiafi Yeshaya, ka balbala gosa Merari, fiit'a worraa nama didaamatiini woliini nuu erge.

²⁰Worra kana malele, nama d'ibba lamafi diddama ka Mana Waaqa hojatuti jira, ka duri Daudifi jari isaa file, worra Lawi qarqaara jed'eeni. Jara kana ch'ufa maqa t'aafani.

²¹Jennaani fulluma galaana Ahavati anini seera baase, aka nu ch'ufti ufi agabsine Waaqa kenna durati ufi diqeesine, inni nuufi ilmaani teennafi hori keenna kara nagaya qajeelchu.

²²Anini sila ch'eeraafu dandae hayyichaani, askartiti farda, ta karaati nu qorqorate, nyaapa nura d'owartu nuu kenni, injed'uuni; wonti akanatiifi anini qara hayyuuni, Waaqi nama isa barbaadu ch'ufa ineebisa, ammo nama isa iraa gore, inni jibbeti gaargalcha jed'eeni.

²³Tanaafi nu ufi agabsine, Ee Waaqa keenna, nuu qorqorad'i jenne, innileeni kad'acha nu d'agaye.

²⁴Jennaani anini qaalole gugurddo keesa jara kana fohad'e: Sherebiafi Hashabiafi jara kud'ani d'ibi.

²⁵Ammalle anini qarsifi worqifi miha ka, hayyichaafi jara mala isaa d'aufi hojattufi worri Israeli huji Mana Waaqati baase, ch'ufa biime, harka qaaloleeti kenne.

²⁶Wonti anini worrati kenne kana: qarsiini — kilo kuma diddami lama mihi d'ibba toko ka qarsi — kilo torbatama worqiini — kilo kuma saditifi d'ibba afuri qorini worqi diddama — kilo saddeetifi woi qorini sibila diima lama, ta gatini isii haguma qori worqi.

²⁸Anini waan worraani jed'e, Isani AABBO, Waaqa ababoota teesaniti qulqullo, ammalle mihi qarsitiifi ka worqi, ka nami fed'i ufi gula isaa baaseleeni qulqullo.

²⁹Haga Mana Waaqatini baataniti aka dansaa jabeesa qorqorad'a. Duuba miha baasani kana ch'ufa mana qaalole keesati biima, qaalole gugurdofi worra Lawitifi jaarole gosa Israeli, ta Yerusalemutileti, kenna.

³⁰Tanaafi qaaloleefi worri Lawi qarsifi worqifi miha kaani fuud'ani, aka mana Waaqa ka Yerusalemuu geesani.

³¹Guyya kud'ani lameeso ka jia qara, nu galaana Ahavatii kaane Yerusalemuti iti d'aabanne Waaqi keenna nu qarqaare, nyaapa keenna ka d'okhate kara keesati nu eegatu duraa nu baase,

³²Yerusalemuni baane jennaani guyya sadi hafuura baafanne,

³³jennaani guyya afreeso nu Mana Waaqa d'anne, qarsifi worqifi miha kaani biimine harka qaallicha Merimothi, ilma Uriati, kennine. Nami isa woliini jiru Eleazari ilma Finehasitifi jara lama ka gosa Lawi, ka Yozabadi ilma Yeshuatifi, Noadia ilma Binui, jed'ani.

³⁴Waan kana ch'ufa hedani biimani, hojuma suni kitaaba keesati t'aafani.

³⁵Jennaani worri eegi boojiani gale kaani ch'ufti waan gubani Waaqa Israeliti sorio baasanini d'ufe. Horini worri baase — koromi looni kud'ani lama ta maro gosa Israeliti baasanifi elemiye sagaltami jaatiifi ilmoole hoola ta torbatami torba; worri ammalle korbeeyyi kud'ani lama sorio dabaani ufi iraa baasani baase. Hori kana ch'ufa gubani sorio AABBO Waaqaa baasani.

³⁶Ammalle worri tatabe hayyichi iti kenne taani fuud'e jara gugurdafi jaarole lafa Efrati ta ila aduti kenne, akanaani worri sunini biyyaafi Mana Waaqale qarqaare.