Read BORANA BIBLE – KITAABA WAAQA Nehemia 7 Bible Online

Nehemia 7 - BORANA BIBLE – KITAABA WAAQA bible

Nehemia 7

¹Amma eegi naabo jaarani hobaasani balbalale ch'ufa iti mid'aasani worra Mana Waaqa eegufi Sirbitufi worra Lawile huji worra iti kennani,

²anini jara kana lamaani fohad'e gudda dira Yerusalemu tolche — oboleesa kiyya Hananifi Hanania ka askarti mana jajaba keesa teetu iti mataa. Hananiani jara kaani ira nama d'uga, ka Waaqa sodaatu.

³Anini waan worraani jed'e Balbala Yerusalemu tokole imbanina, haga aduuni gubba d'uftuti. Ammalle haga nami dira eegu ch'ufti achi jiru balbala naqatooni ch'ufa. Ammalle worra Yerusalemu keesaa nama fohad'a, nama ch'ufa huji inni hojatu iti qooda, d'aatu mana isaani taanaani, yokhaani fulla d'ibile taanaani.

⁴Yerusalemuni dira gudda, ammo nami keesa tau diqa, ammalle maneeni hedduleeni ta haga isiini ch'ach'abt'e jaaranileeni injirtu.

⁵Waaqi herega kana garaa keesa na kaye, anini biyyaafi jaaroleefi worra gugurda wolti yaame, d'aloota worra gula maqa worraa t'aafe. Anini kitaaba keesa barbaade, maqa worra qara eegi boojiani gale, arge:

⁶Worri boojiani hedduni lafa Babiloniti bahe Yerusalemufi Yuda d'ufe namu dira ufiti gale. Worri isaani haguma Nebukadrezani duri boojie lafuma Babiloni keesa taa.

⁷Jaaroleeni worraa tana: Zerubabeli, Yoshua, Nehemia, Azaria, Raamia, Nahamani, Mordekai, Bilshani, Misperethi, Bigwai, Nehumu, Baana.

⁸Kunini maqa balbala gosa Israelitiifi henna nama boojiani, ka eege lafa ufiti gale: Paroshi - 2,172 Shefatia - 372 Ara - 652 Pahath-Moabu (d'aloota Yeshuafi Yoabu) - 2,818 Elamu - 1,254 Zatu - 845 Zakai - 760 Binui - 648 Bebai - 628 Azgadi - 2,322 Adonikamu - 667 Bigwai - 2,067 Adini - 655 Ateri (ka maqaani d'ibiini Hezekia) - 98 Hashumu - 328 Bezai - 324 Harifu - 112 Gibeoni - 95

²⁶Jari duri worri isaani dira kana keesa d'ufeleeni hagana: Bethlehemufi Netofa - 188 Anathothi - 128 Beth-Azmawethi - 42 Kiriath-Yearimu, Kefira, Beerothi - 743 Ramafi Geba - 621 Mikimashi - 122 Bethelifi Ai - 123 worri Nebo kaani - 52 worri Elamu kaani - 1,254 Harimu - 320 Yeriko - 345 Lodi, Hadidi, Ono - 721 Senaa - 3,930

³⁹worri balbala qaalole, ka achi gale kana: Yedaya (ka d'aloota Yeshua) - 973 Imeri - 1,052 Pashuri - 1,247 Harimu - 1,017

⁴³worri balbala Lawi, ka achi gale, kana: Yeshuafi Kadnieli (d'aloota Hodafa) - 74 Sirbitu Mana Waaqa (ta d'aloota Asafu) - 148 worra Mana Waaqa eegu (ka d'aloota Shalumutifi Ateritifi Talmonitifi Akubutifi Hatitatifi Shobai) - 138

⁴⁶Balbala nama worra Mana Waaqa hojattu ka achi gale: Siha, Hasufa, Taboathi, Kerosi, Siaha, Padoni, Lebana, Hagaba, Shalmai, Hanani, Gideli, Gahari, Reaya, Resini, Nekoda, Gazamu, Uza, Paseya, Besai, Meunimu, Nefusimu, Bakbaki, Hakufa, Harhuri, Baslithi, Mehida, Harsha, Barkosi, Sisera, Tema, Nesiafi Hatifa.

⁵⁷Balbala hojattu Solomoni, ta achi galte: Sotai, Soferethi, Perida, Yaala, Darkoni, Shefatia, Haatili, Pokerethi, Hasebaimu, Amoni.

⁶⁰Nami balbala worra Mana Waaqa eegufi ka hojattu Solomoni, ka achi gale, wolti nama 392.

⁶¹Ammalle nama 642, ka balbala Delaya, Tobiafi Nekoda, ka dira Tel-Mela, Tel-Harsha, Kerubu, Adani, Imeri keesaa galeti jira; ammo worri aka Israeli keesaa d'alate ufi agarsiisu dad'abe.

⁶³Worri balbala qaalole, ka aka balbala suni keesaa d'alate ufi agarsiisu dad'abe, kana; Habaya, Hakosi, Barzilai. (Namichi toko ka d'aloota balbala qaalole, ta Barzilai jed'ani, dubra Barzilai worra Gileadi, fuud'e, balbala soda isa himate.) Waan worri aka balbala qaalole keesaa d'alate ufi agarsiisu dad'abeefi, qaalole tahu d'owani.

⁶⁵ Namichi guddaani Yahudi waan worraani jed'e, sagale Waaqa baasani inyaatina, haga qaalluuni Urimufi Thumimuni wohimu d'ufuti.

⁶⁶Nami eegi boojiani gale ch'ufti wolti nama - 42,360. Hojattuuni worraa, d'iirafi nad'eeni, nama - 7,337 Sirbituni d'iirafi nad'eeni - 245 Fardooleeni - 736 Gaangeleni - 245 Gaali - 435 Harreleeni - 6,720

⁷⁰Nami hedduni hori Mana Waaqatini jaarani baase: Namicha gudda lafa Yuda - worqi kilo saddeeti qori shantama ubaara qaalolee ka d'ibba Shanifi Sodoma worra mata balbala gosaa - worqi kilo 168 qarsi kilo 140 ubaara qaalole 67.

⁷³ Qaaloleefi worra Lawitifi worra Mana Waaqa eegufi sirbitufi hojattu Mana Waaqatifi gumiini Israeli ta iraa hafte taani hedduni dira ufiti qubate.