Read BORANA BIBLE – KITAABA WAAQA Tobiti 11 Bible Online

Tobiti 11 - BORANA BIBLE – KITAABA WAAQA bible

Tobiti 11

¹Tobiani ka gammachu injire kae iti d'aabate inni Aabbo Waaqa gubba hayyu lafa ch'ufa faarse; wonti akanatiifi imaltuni isaa guddo tolte; ammalle aka Raguelifi niiti isaa haga worri jiru saalfatufi worrati kakhate. Worri dira Kaserini ka d'aatu Ninawi geennaani,

²Rafaelini waan jed'e, Tobia atini gaafa nu bira yaane aka abbe jiru imbeetayu?

³Nu Sila niiti tante dura dabare mana mid'aasina ato nami kaani tokoleeni ind'umne,

⁴had'ooftu qurt'umi taani inded'ini fuud'i nu yaasi. Duuba worri kae dura dabre Sareeni Tobialeni faana worraa utalte.

⁵Hojja suni Annani teete kara gurbaani isii qara gula deeme doofati.

⁶Jennaani maro tokotu isa gadi d'ufuti jiru argite, Tobititi lalabde waan jette, ilmi keenna d'ufuti jira jaala isaa woliini.

⁷Ato worri fulla Tobiti ingaini Rafaelini waan Tobiani jed'e, Abbe deebie lafa arga.

⁸Had'ooftu qurt'umi taani ila isaa lumut'i ibsi, qorsi sunini malaa kaani gogosa, duuba atini ira baasi akasini duuba abbe deebie lafa arga.

⁹Annani ch'eete ilma ufiti mamarate ilma kiyya amma ka sii jirtu arge yo duele dubbi inqabu jette gammachuni boote.

¹⁰Tobitini olkae gugufacha balbala naabotini bahe.

¹¹Tobiani ka had'ooftu qurt'umi taani harka qabu fuula keesa d'ufe, had'ooftu suni ila abbaati afuufe, abba qabe jabeese waan jed'eeni aabbo amma insodatini.

¹² Jennaani Tobiani had'ooftu taani ila abba isa ibse moga tana fuud'e taaniti d'aabe malaa iraa baase.

¹⁴Tobitini Tobiati mamarate gammade bohe waan jed'e, Anini amma si arga! Ilma kiyya, jireenna kiyya! Waaqa ha faarsani. Guddinna isaatifi ha isa faarsani. Malaika qulqullo ch'ufa ha faarsani. Inni haga jiru jireenna ch'ufa ha nu eebisu, malaika isaa haga jiru jireenna ha faarsani.

¹⁵Inni fayyad'aba kana natiini d'ufe, ammo amma ilma kiyya Tobia argu dandaa! Jennaani Tobiani gammachuni mana seene qonqo guddooni lalabe Waaqa faarse. Inni waan abbaani jed'e, Imaltuni tiyya guddo tolte anini beese taani ch'allaani ind'umne intala Ragueli ta Sara jed'anile fuud'e isiini fago injirtu amuma tana olseenti.

¹⁶Tobitini gammade Waaqa faarse intala gurba isa fulla fullo dirati yoyo d'aqe. Worri dira Ninawi aka inni ufumati deemu ka namu ule inqamneefi arginaani guddo mame.

¹⁷Tobitini Waaqa faarse, aka Waaqi naasu isaatini ila isa baane nama ch'ufati hime. Tobitini Sara arge nagaya fuud'e intala tiyya maqaani Waaqa ha guddatu waan inni worra keennatini si d'ufefi. Waaqi siifi ilma kiyya Tobiafi abbeetile eebisinna. Waaqi worra kanke ka atini iti d'ufte kana keesati sii eebise fayyafi gammada sii keenna. Intala tiyya olseeni! Worra Yahudi ka dira Ninawi keesa jiru guyyaani sunini guyya gammada gudda tahe.

¹⁸Ahikarifi Nadabuni ilmaani oboleesa Tobiti d'ufani worraani woliini gammadani.