Read BORANA BIBLE – KITAABA WAAQA Tobiti 12 Bible Online

Tobiti 12 - BORANA BIBLE – KITAABA WAAQA bible

Tobiti 12

¹Jilti fuud'a hobaate jennaani Tobitini ilma isaa Tobia yaame, waan jed'eeni, Ilma kiyya waheli kanke kana inded'ini hori baasifi ammalle woi iti darifi.

²Tobiani waan jed'eeni, Aabbo waan hagami kennafi, anini ufi woma ira inqabu ato waan galleeni kana ch'ufa gama toko kenneefi.

³Inni nagayaani na galche; beese taanile d'aqe Gabaeli ira naa fuud'e; niiti tiyyale jinni ira balleese; ammalle sile ila fayyise. Ammo waan hagami iti daraafi.

⁴Tobitini waan jed'eeni, Yoosi waan galtanini kana wod'akumati gargari qoodi kennifi inni waan hagasi argachu male.

⁵Jennaani Tobiani Rafaeli yaame waan jed'eeni, Waan atini na qarqaarte galleeni kaani ya qit'umati gargari qoode, qoodi toko keeti ho fud'ad'i, nagayaani gali.

⁶Jennaani Rafaeli jara lamaani qofati yaame waan jed'eeni, Waaqa faarsa, waan dansa inni isaanii tolche ch'ufa namati odeesa, aka worrileeni isaa ulfeese faarsu. Akasini nami ch'ufti waan Waaqa ha beekhu haga jirtani faaru isaa inlakisini.

⁷Aka dubbi d'ossa ta hayyuuni jed'e jabeesani dansa, ammo waan Waaqi tolche yo nama ch'ufati odeesani dansa, aka akasini isaa faarsani ulfeesani. Yo atini waan dansa tolchite wonti hamtuni siti ind'uftu.

⁸ Fulla atini dureesa hama ch'ubbicha taatu sii garaa tokooni Waaqa kad'ate hiyyeesa qarqaarte akasini Waaqa gammachiiftuti ira jira. Fulla worqi olkeeyatani yo hiyyeesani qarqaarani ira jirti.

⁹ Arjoomi akasi sunini duu si d'owe ch'ubbule sira d'iqa. Nami hiyyeesa wo kennu lubbu bula.

¹⁰Ammo nama jireenna dabaafi ch'ubbu keesati fidamu, nyaapi worraa hamani worruma.

¹¹Anini qara aka dubbi d'ossaa ta hayyuuni jed'e jabeesani dansa, ammo waan Waaqi tolche yo nama ch'ufati odeesani dansa isaanini jed'e. Anini ammo woma isaani ind'ossu d'uga ch'ufa isaniti mullisa.

¹²Tobiti, gaafa sifi Sarani Waaqa kad'atani anati kad'acha teesani suni Waaqa duraani d'ufe anini yo atini nama duu ch'ufa awaaltule akasuma tolche.

¹³Guyya atini sagale tante ira kaate nama awaalu d'at'e, Waaqi siti na erge aka d'ugefacha tante ilaalu.

¹⁴Ammo inni ammalle sii fayyise niiti gurba keeti Sarale gaargala keesa baase.

¹⁵ Anini Rafaelini malaika torbaani guddinna Aabbo Waaqa dura ejite kurfefate isaa hojattu keesa jira.

¹⁶Tobitifi Tobiani akasi d'ageennaani rifatani mudamani hollatani lafaani ufi d'aani.

¹⁷Ammo Rafaelini waan jed'eeni insodatini wonti ch'ufti nagaya hojja ch'ufa Waaqa faarsa.

¹⁸Anini ufiini ind'umne isumati na erge aka isaani qarqaaru. Tanaafi haga jirtani ch'ufa sirba Waaqa faarsa.

¹⁹Yo isaani fulla sagaleti waan anini wo nyaad'u seetani ufuma akasi jira male woma inyaad'u.

²⁰Haga lafa tana gubba jirtani Aabbo Waaqa keesani faarsitani galata deebisu maltani, amma anini fulla nama na ergeeti deebia, waan isaaniti tahe ch'ufa t'aafa.

²¹Jennaani Rafaeli gubbati oli iti d'aabate, worri olkakae milate isi d'abe.

²²Sirbe Waaqa faarse waan mama jabdu inni haga malaikaani isaa worra woliini jirtu tolcheefi galata deebise.