Read BORANA BIBLE – KITAABA WAAQA Tobiti 14 Bible Online

Tobiti 14 - BORANA BIBLE – KITAABA WAAQA bible

Tobiti 14

¹Tobiti gaafa inni ila d'abe ganni isaa jaatami lama. Ammo eegi ilti banamtele inni ganna heddu aka dansa tae. Ammalle akuma kaani arjoomani hiyyeesa qarqaare, Waaqa faarse guddinna isaa odeese Tobitini jaare fulla gae ganna d'ibba tokofi kud'ani lamati dulloome, dira Ninawi keesati aka dansa iti baani awaalani.

³Ammo Tobitini ato inch'ichinu ilma isaa Tobia yaame waan jed'eeni,

⁴Ilma kiyya, ijoolle tante guuri amuma tana hurisi lafa Media d'aqi, waan anini sehu dubbini duri raagi Waaqa ka Nahumu jed'ani waan dira Ninawi kana fage ya guutamu geete. Wonti dira Ninawitifi ka lafa Ashuru ta raagooti Aabbo Waaqa worra Israelitini jette ch'ufti inguutamti, hojja guyyaani suni gau. Anini imbeekha aka wonti Waaqi jed'e ch'ufti guutamtu male inteenne Waaqi kakhu isaa inch'absu. Hojja atini lafa Media d'at'e achi teetu ira sii jirti fulla atini lafa Ashurutifi ta Babiloni keesa teetu. Nama Yahudi ka gosa teenna ka lafa Israeli keesa ta tau ch'ufa gargari bitineesani lafa dansa suni keesa boojiani lafti Israeli ch'ufti aloo taate, diri Samariatifi ka Yerusalemuleeni bade ona taha. Mana Waaqale haga gabaaba toko balleesani daara tolchani.

⁵Ammo Waaqi deebie gumi ufiti nahe fuud'e ammalle lafa Israeliti deebisa. Worri Mana Waaqa deebie jaara, ammo Mani sunini haga ka qaraa kaani imid'aagu, haga guyyaani gauti. Hojja guyyaani suni gau gumiini Israeli ch'ufti lafa iti boojiani keesa galti, duuba worrumati dira Yerusalemu mid'aase akuma duri kaani jaara. Worri Mana Waaqa akuma raagooti Israeli qara fadde kaani deebie Yerusalemu keesati jaara.

⁶Duuba gochiti lafa keesa jirtu ch'ufti Waaqati deebite, Waaqa d'uga tokocha kad'ate, waan harkani boch'ani kad'atani ka worra balleese jibbite lakifti.

⁷Gochiti lafa keesa jirtu ch'ufti Waaqa jiru jireenna faarsite waan inni fed'u tolchiti. Gaafasi Waaqi worra Israeli ka isaa saalfatu ch'ufa imbaasa. Inni worra ch'ufa Yerusalemuti wolti deebise lafa ababoo isaani Abrahamu d'aalchisa, duuba worra haga jiru jireenna nagayaani teesisa. Nami garaa tokofi qalbi tokooni Waaqa kad'atu ingammada ammo dabdichaafi ch'ubbicha lafa tana gubba balleesani.

⁸Amma tana ilmaani tiyya dubbi tiyya gula deema, Waaqa garaa tokooni kad'ad'a waan isa gammachiisa tolcha.

⁹Ilmaani teesani kara dansa keesa guddisa, aka worri hiyyeesaa nae hojja ch'ufa garaa tokooni Waaqa faarsu barsiisa.

¹⁰Ilma kiyya Tobia arma intaini amuma tana dira Ninawi keesa deemi, akuma haate na birati awaaltuni, dira kana keesa deemi halkani tokole keesa imbulini. Diri kunini dira hameennafi ch'ubbuuni guute ka nami isaa tokoleeni ch'eera foko inqamne. Waan Nadabuni Ahikari nama isa guddise tolche qaabad'i, inni Ahikari ijeesu fed'e, ammo inni boola awaala keesati isa dura d'okhate. Ahikarini indoone boola ifsa taani keesa bahe, ifsa guyya arge ammo Waaqi Nadabu waan inni Ahikari waan hamtu tolchu fed'eefi boola dukana ta haga jiru jireenna keesa buuse. Waan Ahikarini arjoomani hiyyeesa qarqaarefi inni t'urura hama Nadabuni kaefi nagayaani jala bahe. Ammo Nadabuni t'urura suni ufuma seene badii ufitini d'ufe.

¹¹Tanaafi ilmaani tiyya aka nami nama d'ibii nahe qarqaaru woi argatu ya gartani, ammalle aka nama nama dabsu dooti eegatule ya agartani. Anini amma ya laafe ch'ichu gae hafuurale baafachu dad'abe, jennaani worri isa fuud'e sire ira ch'iibsise. Inni doonaani aka dansa awaalani.

¹²Eegele niitini Tobiti doonaani d'aatuma d'iirsati awaalani. Jennaani Tobiafi niitini isa dira Ekbatana ka lafa Mediati godaanini sodda isaa Ragueliti qubatani.

¹³Tobiani Ednaafi Ragueli ka jaarani hobaani saalfate qorqorate, duuba eege worri doonaani dira Ekbatanati awaale. Duuba Tobiani hori worrale ch'ufa akuma hori abbaa d'aale d'aale.

¹⁴Tobiani ka jaare hobae ganna d'ibba tokofi kud'ani torbati dulloome.

¹⁵Inni ato induinu aka dira Ninawi hayyuuni Media ka Chiakaresi jed'ani balleese nama isaa ch'ufa boojie arge. Tobiani maro Waaqi dira Ninawitifi lafa Ashuru balleesefi Waaqa galata deebise inni haga jiru ch'ufa waan Waaqi worra Ninawi tolche jed'e, Waaqa galata deebise.