Read BORANA BIBLE – KITAABA WAAQA Tobiti 2 Bible Online

Tobiti 2 - BORANA BIBLE – KITAABA WAAQA bible

Tobiti 2

¹ Jennaani anini worra kiyya fulla niitini tiyya Annafi gurbaani kiyya Tobiani jiraniti gale, guyya jila mid'aani ta Yokhaani jila torbaani jed'ani worra kiyya woliini sagale dansa soorad'e.

²Anini sagale muumme inqamne mesa irati arginaani waan Tobiani jed'e, ilma kiyya, beeni nama Yahudi hiyyeesa ka boojiani arma jiru, ka Seera Waaqa jabeese guutu ga yaami, armaani kooti aka inni sagale tana nu woliini nyaatu; haga atini gadi deebituti aninileeni woma inyaad'u si eega.

³Jennaani Tobiani kae nama akasi suni barbaadu d'aqe, ammo inni Yoosu keesa deebie iyye na yaame waan jed'e, Aabbo aabbo, jennaani anini owad'e waan jed'eeni, Maani isi gurba kiyya inni waan nani jed'e, Nama gosa teenna toko ya hud'ani ijeesani reefa isaa ballinna gabaya keesa buusani!

⁴Jennaani anini mesa kaani ira olch'ee sagale tiyya artumati lakise reefa kaani ballinna gabaya keesa fuud'e mana diqa toko keesa haga aduuni d'iite awaaluti achumati lakise.

⁵ Duuba kae manati gale bisaani d'iqad'e ufi qulqulleese, ka laalala guddo qabu sagale soorad'e.

⁶ Jennaani dubbi duri raagi Amosi worra Bethelitini jed'e qaabad'e; inni waan jed'e, Guyyaani keesani ka jila gargale guyya dua tahe, faaruuni teesani ta gammada gargalte boha taati. Dubbi tana qabannaani anini laalefad'e bohe.

⁷Aduuni d'inaani anini kae boola awaala qote namicha kaani keesati awaale.

⁸Jennaani jari olla kiyya maraata na sehe, waan nani jed'e, Atini ammalle woma imbaranne, atini duru nama awaalte jennaani gaargala keesa seente ato sila baqachu baate yona ya si ijeesani. Ammo amma woma akasi suni deebite taata.

⁹Halkani suni anini bisaani d'iqad'e ufi qulqulleese ch'ichaati gabae dao naabo rafe. Halkani suni lafti guddo owiti tanaafi ka woya fuulati inni uyyifatini akasumati rafe.

¹⁰Simpirre tokoti naabo gubba qajeela mata kiyya taa ammo anini ingarre. Udaani isii owoni ila lachu keesa na buani ila na malesani. Anini ch'irreesa ch'ufa ira mare, ammo akuma worri qorsa naa kennuni ilti tiyya iti amati; duuba eege ilti taani sukumi jette na duude. Ganna afuri anini woma argu dad'abe. Fiit'ani tiyya ch'ufti guddo waan kana ira laalefate. Anini ganna lama Ahikarumani jira haga lafa Elamu ind'aqini.

¹¹Eegi Ahikarini deeme niitini tiyya Annani huji qabate, isiini woya d'oofte huji gaafasi nad'eeni hedduuni lafa suni keesa hojattu.

¹²Worri isiini hojattufi sunini yo isiini woyaani d'uftuni beese keennaafi. Guyya torbeeso ka jia sadeeso keesa isiini woya toko ta d'auti jirtu hobaafte worra bitachu fed'uti geesite. Worri beese woya sunini bitani kenneefi reeti tokole kenneefi.

¹³Annani reeti sunini galte jennaani reetini marrate. Anini isii yaame waan jed'eeni, Reetini suni eesa d'ufte? Atini inhatteyu? Amuma tana abba deebisa nu sagale hanna insorannu!

¹⁴Isiini waan nani jette, Hiyo anini inhanne worra anini woya iti gurgureti beese woya suni male naa kenne. Ammo anini d'ugefachu dide maro waan sunitifi ch'eeri na ijeese, reeti abbaa deebisi jed'eeni. Ammo isiini afaani qabachu didde waan nani jette, Anini amma waan kanke ch'ufa ya hubad'e, naasuni atini akana namaa naatu taani ch'ufti meeti? Hujini dansaani atini duri tolchite ch'ufti mal sii baate?