Read BORANA BIBLE – KITAABA WAAQA Tobiti 3 Bible Online

Tobiti 3 - BORANA BIBLE – KITAABA WAAQA bible

Tobiti 3

¹Anini aka hama ch'eere hafuuri na ch'ite laalefad'e, bohu ufi d'owe, Waaqa kad'ad'e waan jed'e:

²Ee Aabbo Waaqa atini ka d'ugaati! Waan ch'ufa keesa namaa naata, ammalle huji tante ch'ufa d'ugaani tolchita. Dubbi lafa tana ch'ufa sumati qora.

³Anini si kad'ad'a naa nahi, aka dansa na fidi. Ch'ubbu tiyya jette na ingaargalchini, ch'ubbu anini beekha intainile nati inheregini. Ababootini tiyya si didde Seera kanke ch'absite, ammo ch'ubbu worrati jette na ingaargalchini. Atini aka worra keenna saamatani boojiani fit'ani iti lakifta. Atini worra keenna akheekha waan tuffi ka nama ch'eersa gosa atini keesati nu firfirsite durati nu tolchite.

⁵Atini maro heddu ababoota tiyya wollaala iti murte, anale wollaala kiyya jette na gaargalchita. Nu seera ch'absine aada tante guutu dinne, tanaafi gaargali nu argannu sunini ka d'ugaati woma nuu male.

⁶Amma waan feetu na tolchi, lubbu na keesa baasi lafa tana ira na ijeesi, nafa kiyya biyyeti deebisi, yo duu ira naa jirti. Araba anini sila argachu himmaliniti na gaargalche akasini ufi na jibbachise. Aabbo Waaqa dubbi dubbad'i d'iba kiyya nara hobaasi fulla d'ugaa na geesi. Kad'acha tiyya indidini, fulla anini gaargalafi araba hama akana kanani tau sila yo duu ira naa jirti.

⁷Guyyuma suni dira Ekbatana ka lafa Media keesa, intala Sara jed'ani ta dubra Ragueli intalti hojattu abba isii toko arabsite.

⁸Sara nama torbati fuud'e ammo worri kunini torbaani ato isi niiti intolfatini duani; wonti akanatiifi jinni hamtu toko ta Asmodeo jed'aniti d'iirsota isii suni toktokooni ijeese. Jennaani intalti hojattu taani waan Sarani jette, D'iirsota tante ch'ufa sumati fit'e! Me laali! Nama torbati qara si fuud'e, ammo tokoleeni ka woliini turtani ilme siraa d'ale injiru.

⁹Atini maafi teete nu gaargalchita? Gara d'iirsota tante ta raawate d'at'e, woliini teetani ho? Ilme atini d'altu Waaqi nu ingarsiisini!

¹⁰Sarani aka hama laalefate boote, gara mana abba olkorte t'urura ufi keete ufi ijeesu feete. Ammo eege heredde laki ufi inijeesu ufiini jette, hegeri yo anini akasi tae biyyiti aabbo miite waan jettuni atini intala toko ch'alla d'alte ammalle guddo jaalata, ammo isiini aka hama laalefate t'urura keete ufi ijeefte, laalalti hamtuni akana tunini abba kiyya ka jaare arrae lubbule inijeefti, duuba wonti sunini kara kiyyaani isati d'ufte. Anini harka kiyyaani ufi inijeesu ammo Aabbo Waaqa kad'ad'a aka inumaani na ijeesu, duuba yo due deebie araba suni ind'agayu!

¹¹Jennaani Sarani deresha keesa ejite harka ballifte Waaqa kad'ate waan jette, Waaqa abba naasu, ka faarsu malani, maqa kanke hojja ch'ufa ha guddisani, wonti atini uumte ch'ufti ha haga jiru jireenna si faarsitu.

¹²Aabbo, anini qarqaarsa kanke fed'a.

¹³Dubbi dubbad'i lafa tana ira na fuud'i; duuba anini deebie araba akana kana ind'agayu.

¹⁴Ee Aabbo atini imbeeta, anini ammalle dubruma, taka d'iirti na bira geete int'uromne.

¹⁵Haguma lafa iti nu boojiani tana keesa teenne, anini taka maqa kiyyafi ka abba kiyyale taka inch'eersine. Abbaani kiyya ilme d'ibi inqabu ta isa d'aaltu, ammalle nami milo tiyya ka na fuud'uleeni injiru. Anini d'iirsa torbati nara due, wonti anini gubba ira deemufi maani yo duu ira naa injirtu? Yo atini naa ijeesu infeene, yoosi naa nahi araba hama akasi suni d'agayu na d'owi.

¹⁶Ato Tobitifi Sarani taani Waaqa kad'atanu, Waaqi gubba kad'a worraa d'aagayeefi

¹⁷ malaika isaa ta Rafaeli jed'ani erge akanani isiini mala adi kaani ila Tobiti iraa haat'e aka inni lafa argu, ammalle aka isiini fuud'a Saratifi ka Tobia ilma Tobiti kurfeesite wolfuusifte, jinni Asmodeo jed'ani taanile Sara keesa baaftu. Akuma Tobitini ch'icha mana isaati kae mana seeneni, Saraleeni mana abba isiiti gad'ufte.