Read BORANA BIBLE – KITAABA WAAQA Tobiti 4 Bible Online

Tobiti 4 - BORANA BIBLE – KITAABA WAAQA bible

Tobiti 4

¹Guyyuma suni Tobitini aka qarsi ufi harka namicha Gabaeli jed'ani ka dira Rage ka lafa Mediati lakise qaabate.

²Inni herege waan jed'e, Anini yayu Waaqani na ijeesi jed'e kad'ad'e, tanaafi ilma kiyya Tobia yaame waan qarsi tiyya suni iti himu male.

³Jennaani Tobiti Tobia yaame waan jed'eeni yo anini due aka dansa na awaali, haatetile saalfad'i haga isiini jirtu ch'ufa jabeesi qorqorad'i yo isiini dootele fulluma iti na awaalteti isiile awaali. Qaabad'i aka isiini d'ibamte si d'alte, tanaafi haga dandeetu isi gammachiisi, waan isi laalefachisa tokole iti intolchini.

⁵Haga jirtu, guyya ch'ufa Aabbo Waaqa keenna qaabad'i, beekha ch'ubbu intolchini, yokhaani seera isaale inch'absini. Guyya ch'ufa waan dansa tolchi waan hamtu lagad'i.

⁶D'uga gula deemi duuba wonti atini tolchitu ch'ufti ineebifamti.

⁷ Nama Waaqaa saalfatu ch'ufa arjoomani woi kennifi. Yo atini harka gogofate hiyyeesa woi kennu didde Waaqileeni harka siti indiriru.

⁸Waan humniti tante d'aqabdu namaa kenni, humnuma tante gula woi kenni yo waan diqole qaabate haguma d'aqabdu kenni.

⁹Wonti kunini akuma hori olkeeyatani woi sii baati, taka tana yo atini d'ipatele. Galata sii taati.

¹⁰Hiyyeesa qarqaaritini waan Waaqi gubba guddo jaalaatu, waan kana tolchi, duuba akasini dukana dua ta lafa tana dura baata.

¹²Ilma kiyya sharmut'a ufiraa eegad'i. Yo dubra fuute, ta gosa teenna ch'alla fuud'i, wonti akanatiifi nu ilmaani raagati. Dubra nuu milo male ta d'ibi infuud'ini. Ababoota teenna ta duri Nuhufi Abrahamufi Isaaqofi Yakobole qaabad'i worri ch'ufti miluma ufi fuud'e. Waaqi eebiseefi ilmaani kenneefi akasini d'alooti worraa lafa Israeli d'aala.

¹³Ilma kiyya milo tante ira ingorini, kiyyibde dubra worra fuud'u indidini, kiyyibi akasi sunini akuma laafinni hiyyuma hamtufi beelaani namati d'ufu waan hamtu gaargalche si balleesatini siti d'ufa.

¹⁴Nama kira sii hojattu hojuma suni beese isaa kennifi ira imbulchini, kara kanani Waaqa guddisi duuba inni waan sii male sii kenna. Ilma kiyya waan taatu ch'ufa keesati ufi eegad'i guyya ch'ufa adaba dansaani deemi.

¹⁵ Waan yo si tolchani atini infeene nama d'ibile intolchini. Farso d'udde ufira dabarsite imachaani, d'ugiiti farso amala intolfatini.

¹⁶Nama sagale inqamne sagale kennifi ka daara qabule daara baasi, yo atini dureesa taate gammadafi arjoomani woi namaa kenni.

¹⁷Yo nami d'uga qajeelani due worra isaati sagale kenni ammo yo nami ch'ubbichi due waan akasi suni intolchini.

¹⁸Gorsa nama qaro ira fud'ad'i. Gorsa dansa tokole intuffatini.

¹⁹Qoomni argattu ch'ufa keesa maqa Aabbo Waaqa keeti faarsi. Waan atini tolchitu ch'ufa keesa, Waaqa na qarqaari eebisi jed'i Waaqa kad'ad'i, Inni qarooma ufi nama gosa d'ibiti inkennu. Wonti dansaani ch'ufti isaa iraa baati, ammo inni yo fed'e dandae si balleese maro tokotu si ijeesa. Gorsi kiyya garaa kanke keesa imbaini hojja ch'ufa qaabad'i.

²⁰Tobia anini duri qarsi guddo dira Rage ka lafa Media keesa jiru keesati harka Gabaeli ilma Gabriati lakise beekhi.

²¹ Nu amma ya hiyyoomane ammo womaniti yo atini Waaqaa saalfate ch'ubbu lagate, inni sira gammade si duroomsa.