Read BORANA BIBLE – KITAABA WAAQA Tobiti 5 Bible Online

Tobiti 5 - BORANA BIBLE – KITAABA WAAQA bible

Tobiti 5

¹Jennaani Tobiani waan abba isaatini jed'e, Aabbo waan atini nani jette ch'ufa inguuta.

²Ammo anini dandae beese suni Gabaeli ira fuud'a? Nu taka woli ingarre fuulale wolimbeennu. Anini akami dandae ufi beesisa, aka inni na d'ugefate qarsi suni nati kennu? Suni malele anini kara Media imbeekhu.

³Tobitini waan jed'eeni anaafi Gabaelini tatabe t'aamne beesisa keenna ira keeyane. Jennaani anini gargari tarsase, nu namu ta ufi fud'ate. Anini tatabe isaa suni beeseni woliini olkaye wonti sunini waan arra kaleetini arti asi ganni amma diddama! Amma beeni nama wahela dansa ka atini d'ugefatu ka lafa Media woliini yaatani dachatani barbaadi, duuba yo isani gadeebitani beese kenninafi. Ammo qarsi anini harka Gabaeli lakise fuutu male ingalini.

⁴ Duuba Tobiani kae nama wahela ka kara Media beekhu barbaadu d'aqe. Akuma mana baheeni Rafaelini fuula keesa wold'ufani, Tobiani aka Rafaelini malaika Waaqa imbeekhu,

⁵tanaafi Atini eesa d'ufte jed'e gaafate. Rafaelini waan jed'eeni, Anini nama gosa Israeliti miiluma teeti, wonti anini dira Ninawi kana d'ufefi huji barbaadu deema. Tobiani waan jed'eeni Atini kara Media beeta?

⁶Rafaelini waan jed'eeni, Ee anini imbeekha, anini maro heddu achi d'aqe kara ch'ufa aka dansa beekha. Anini yo achi d'aqu ch'ufa mana nama milo teenna ka Gabaeli jed'ani ka dira Rage keesa tau taa. Yo dira gudda Ekbatana jed'ani baani Rage d'aqani deemani sunini guyya lama fud'ati, wonti akanatiifi diri Rage, sunini gaara gubba jira.

⁷Jennaani Tobiani waan Rafaeli jed'e, Jaali asuma na eegi haga anini olseene aabbooti himu, anini aka atini naa wahelchitu fed'a hori karale sii baasani.

⁸Rafaelini waan jed'eeni, Dansa si eega ammo guddo inturini.

⁹Tobiani olseene waan abbaani jed'e, Namicha gosa Israeli toko yayu wahelaa argad'e. Tobitini waan jed'eeni me gayyaami me? Gosa isaatifi worra inni keesa d'alateefi ammalle aka inni nama d'abatani ka wahela dansa sii tau beekhu fed'a. Jennaani Tobiani alati bahe Rafaeli gayyaame waan jed'eeni, Kooti aabbooni si argu fed'a. Rafaelini olseennaani Tobitini jaba fayya jed'e, Nagaya fuud'e. Rafaelini fayya, Atini fayya? jed'eeni. Ammo Tobitini waan jed'eeni, Fayyani anini qabu, ta maani? Anini ufiftu ballaa lafa inargu anini nama due ka ifsa womatu ingarre fakaad'a. Anini seruma nama dueti nama dubbatu ind'agaya, ammo woma inargu. Rafaeli waan jed'eeni, Womaniti garaa jabaad'i Waaqi d'iotu si fayyisa waan kana iyaadini! Tobitini waan jed'eeni, Ilma kiyya Tobiani lafa Media d'aqu fed'a dandeete wahelchitefi kara ingarsiifta? Beesele inuma sii kenna. Rafaelini waan jed'eeni, Ee inuma wahelchafi. Anini kara diidatifi ka gaarale guyya heddu gula deeme lafa imbeekha.

¹⁰Tobitini ammalle waan jed'eeni, Jaali gosa teetifi worra keesa d'alate nati himi.

¹¹Ammo Rafaelini waan jed'eeni, Atini manifi waan suni beekhu feeta? Tobitini waan jed'eeni, D'uga dubbad'i, maqa keetifi ka abba keetile nati himi.

¹²Rafaelini waan jed'eeni, Maqaani kiyya Asaria anini ilma Anania gudda ka milo teesani.

¹³Jennaani Tobitini waan jed'eeni, Ilma kiyya yo akasi taate mani kunini keeti Waaqi si eebisinna! Waan kankeetifi ka worra keesani ka anini si odeefad'e suni jette garaa inhammatini. Amma yayu arge worri worra dansa ammalle nu milo taka! Anini Ananifi Natani ilmaani lamaani Shamaya gudda imbeekha. Worri hojja ch'ufa aada worraa guddo jabeesa. Nu duri guddo woliini Yerusalemu d'anne achiti Waaqa kad'anna. Worri keesani worra dansa atini worra dansa keesa d'alate, kara nagaya deemi.

¹⁴Ammalle Tobitini waan jed'eeni, Beese kira ta atini argatufi woreega karale isani lachuyu inkenna.

¹⁵Wahela dansa Tobia tahi duuba beese d'ibile iti sii dara.

¹⁶ Rafaeli waan jed'eeni insodatini anini isaa wahelcha. Karaani nagaya deemafi deebile nagayumani yaana. Tobitini waan jed'eeni, Waaqi isani woliini jiraatinna. Inni Tobia yaame waan jed'eeni, Ilma kiyya waan woreega feetani ch'ufa kurfeesi isani lachu kaa yaa. Waaqafi malaikaani isaa isani tissite nagayafi fayyani isani galchinna. Deema kaanani Tobiani abbaafi haad'a d'ungate nagayati jed'eeni abbaleeni beena kara nagaya jed'eeni.

¹⁷Jennaani haati boote waan jette, Atini akami gurba kiyya koba gad'iifta, nami nu qamnu isuma, eegi inni nu bira deeme eennuti nu qorqorata?

¹⁸Beese suni waan isiini gurba keenna ira waan guddo seeta? Ka isii jette gurba bale keetu.

¹⁹Wonti Aabbo Waaqi nuu kenne nu ingeetu? Woma suni sifefanne teenne ho?

²⁰Tobitini waan isiini jed'e, Teete waan hamtu akana kana inheregini inni nagayumani deeme nagayumani gala atini iluma teetini agarta aka inni nagayafi fayyani galu.

²¹Amma waan worra iyaadini, malaikaani dansaani isa wahelchite inni nagayaani fulla iti deemu ch'ufa gae fayyani gala. Dubbi suni gula Annani bohu lakifte ch'allifte.