Read BORANA BIBLE – KITAABA WAAQA Tobiti 6 Bible Online

Tobiti 6 - BORANA BIBLE – KITAABA WAAQA bible

Tobiti 6

¹Duuba Tobiafi malaikaani taani ka sareeni Tobia worra gula deemtu kaani Mediati iti d'aabatani aduuni d'inaani afaani galaana Tigrisiti bulti tatani.

²Tobiani bisaani miila d'iqata galaanati gadi buunaani qurt'umini guddooni toko bisaani keesa ch'eete diquma miila isaa toko inliqimsini. Tobiani aka male iyye

³jennaani malaikaani taani waan jetteeni qurt'umi suni bau d'owi qabi. Duuba Tobiani qurt'umi taani qabe afaani galaanati hirkise.

⁴Malaikaani waan jetteeni, Qurt'umi suni garaa baqasi tirufi had'ooftufi onnelee keesa fuud'i olkaayi, wonti sunini qorsa ammo miha garaa kaani d'ibi gadi gati.

⁵Tobiani akuma malaikaani jetteeni tolche qurt'umi suni d'aabe gama toko nyaate kaani soodda iti naqe woreega tolfate. Jennaani worri lachu wolumaani yae lafa Mediati d'iate.

⁶Duuba Tobiani wahela isaa gaafate jaala Asaria d'ukubi had'ooftufi tirufi onneeni fayyiftu maani?

⁷Malaikaani waan jetteeni, Onneefi tiru gubani ch'iinch'a isiitini jinnifi qilleensa hama aka ayyaana ka nama gaargalchuni gussani, akasini gaargali hamani suni hojuma suni nama ira bade nami sunini deebie gaargala akana suni inargatu.

⁸Had'ooftu suni nama ila malani adiini keesa yauni fayyisani, aki fayyisanini akana: Had'ooftu suni ilati rigani mala adi kaani ira afuufani duuba inni deebie lafa arga.

⁹Worri Mediani bade dira Ekbatanati d'iannaani,

¹⁰Rafaelini waan jed'e, Jaalala Tobia. Tobiani waan jed'eeni, Yaa mani jetta. Rafaelini waan jed'eeni, Halkani kana nu mana namicha milo teeti ka Ragueli jed'ani bulla. Inni ijoolle toko ch'alla qaba intala Sara jed'ani,

¹¹waan atini milo isii aantitifi isii fuute hori abbale ch'ufa d'aalu malte.

¹²Isiini wobeeti garaa jabdu ammalle guddo mid'aadi. Abbaani isiileeni nama balchicha dansa toko. Halkani kana anini qonqo fuud'a abbaani gae, inni duuba aka atini fuutu ee jed'a. Duuba yo nu dira Rageti galle nu jila fuud'a tolchina. Raguelini aka atini isii fuutu indidu, ammo nama d'ibi ka isii fuud'u ee injed'u. Yo inni nama d'ibii isii kenne, Seera Musa gula isa ijeesu malani. Nami isii fuud'u dandau si ch'allaa inni imbeekha, ammalle aka nami isa d'aalu siuma imbeekhu. Duuba waan taatu anaafi Ragueli galgaluma kana aka atini Sara fuutu mid'aasina, aka gaafa dira Rageti dachaanu isii fuune itini d'aabannu.

¹³Tobiani waan Rafaelini jed'e, Jaala Asaria anini d'iirsota torbaani Sara taani ya d'agaye, ammalle aka worri ch'ufti halkanuma isii fuud'e ato niiti intolfatini raawate ya d'agaye.

¹⁴Aka anini d'agaye worra suni ch'ufa jinniti fit'e. Jinnini sunini Sarati ingamtu ammo nama isi fuud'a iti gamu tokole inlakiftu. Anini jinni tana insodaad'a, anini ilma tokocha, yo anini due, worri keenna dandae laala suni ira inhafu. Worri ilma d'ibi ka worra awaalulle inqabu.

¹⁵Malaikaani waan jetteeni, Atini waan abbe sini jed'e ya dete? Inni dubra gosa teesani ch'alla fuud'i sini jed'e. Duuba waan anini sini jed'u amma ch'aqasi, Jinni suni insodatini Sara fuud'i! Anini imbeekha Raguelini Sara fuud'u si ind'owu.

¹⁶Yo atini d'iibu fuud'a olseentu Tirufi onne qurt'umi taani waan hit'aana irati aarsani irati gubi.

¹⁷Aka akasini ch'iinch'ani isii mana suni ch'ufa guutu. Duuba jinnini sunini mana suni keesa baate deebite Sarati gadi indeebitu. Ammo ato isani woliini imbulle kakaa Aabbo Waaqa gubba kad'ad'a aka inni isani tisse isani qorqoratu. Insodatina Sarani haguma duri uumani teetuma. Atini isii harka jinni suni keesa baafte duuba isiini worra keesaniti galti. Sifi Sarani ijoolle heddu isani guddo jaalatani d'altani. Tobiani dubbi Rafaelini jetteeni ch'ufa aka dansa ch'aqase. Inni aka Sarani gara abba gula isaa fiit'a imbeekha inni guddo jaalate fuud'u heregate.