Read BORANA BIBLE – KITAABA WAAQA Tobiti 9 Bible Online

Tobiti 9 - BORANA BIBLE – KITAABA WAAQA bible

Tobiti 9

¹Jennaani Tobiani Rafaeli yaame waan jed'eeni,

²Asaria hojattu afurifi gaala lama fuud'i dira Rage gara mana Gabaeli d'aqi. Tatabe besisa ira kayani taani fuud'i iti kenni aka inni qarsi siti kennu. Duuba isale jila fuud'ati woliini koota.

³Atini imbeeta aabbooni guddo tae bulti hede na eeguti jira, yo anini guyya inni na eegu kaani guyya tokole dabarse heregati qabata. Ammalle atini aka Raguelini na gad'iisu infeene imbeeta, anini dandae dubbi isaa indabru.

⁵Jennaani Rafaelifi hojatuni afrani taani dira Rage d'aqani mana Gabaeli bulani Rafaelini tatabe beesisa ira kayani taani iti kenne ammalle aka Tobiani ilmi Tobiti ka d'io dubra fuud'e jila isa yaamele iti hime. Jennaani maro tokotu Gabaelini kintaala qarsi ka taka inhiikhini ka akuma ufi kaani beesisa qabu hede gaalati faefi.

⁶Boriyyaate ganama kaani jila taani d'aqani. Rafaelifi Gabaelini mana Ragueli d'umnaani Tobia sagale nyaatu argani, Tobiani yoma suni lafa kae Gabaeli nagaya fuud'e. Gabaeli ka imimaani ila keesa yaani nagaya jala fuud'e waan jed'eeni, Atini akuma abba kanke arja balchicha kaani jirta. Aabbo Waaqi ka gubba jiru siifi niiti teetifi jaarti sodda teetifi abbeetile eebisinna. Maqaani Waaqa ha guddatuti waan inni lubbu na d'eerese ilma Tobia ka aka male abba fakaatu na garsiiseefi.