Read BORANA BIBLE – KITAABA WAAQA Yudithi 1 Bible Online

Yudithi 1 - BORANA BIBLE – KITAABA WAAQA bible

Yudithi 1

¹Gaafa Nebukadrezani dira gudda Ninawi keesa tae, lafa Ashuru fide, Afakasadini dira gudda Ekbatana keesa tae lafa Media fide.

²Hayyuuni Afakasadi jed'ani dira gudda Ekbatana naabo d'akhaatini marse jaare, ta old'eerinni d'und'uma torbatama furdinni isiileeni d'und'uma shantama. D'akha naabo tanaani jaarani furdinni isaa d'und'uma sadi. D'eerinni d'und'uma jaa.

³Fullo naabo suni ch'ufa inni doofi d'eerinni isii d'und'uma d'ibba toko ta yayabi isii furdinni d'und'uma jaatama jaare.

⁴Balbala fullo ch'ufa old'eerinni isii d'und'uma torbatama ballinnileeni d'und'uma afurtama. Fullooni tunini guddo ballo askartini ch'ufti yo wold'aatu yaatu gaargala male keesa dabru dandeeti.

⁵Nebukadrezani ganna kud'ani lameeso ka hayyuma isaa keesa hayyu Afakasadini diida gudda d'aatu dira Rageti wolhad'ani.

⁶Gochiti hedduuni hayyu Afakasadi jed'ani suni goli taate kalchiteefi. Gochiti isaa kalchite suni tana: Worra lafa gaareeni keesa godaanufi worra afaani galaana Tigiritifi Fratitifi Hidaspe godaanule, ammalle worra lafa diida ta hayyuuni Elamu ka Arioko jed'ani fidule keesa godaanu. Gochiti hedduuni worra Kaldayo kana goli taate.

⁷Jennaani hayyuuni Ashuru ka Nebukadreza jed'ani qonqo gara worra Ajemitifi worra lafa ila adu jiru, arda Kilikiatifi ka Damaskitifi ka Lebanonitifi ka Antilebanonitifi worra afaani baariini taufi,

⁸arda Karmelitifi ka Gileaditifi ka lafa Galilaya mirgatifi ka bale Yezreeli keesa tauleti erge.

⁹Ammalle qonqo gara worra Samariatifi dira d'aatu jiru ch'ufafi worra galaana Yordanitini ila adu taufi haga dira Yerusalemu, Bethania, Ch'elusi, Kadeshi, ammalle arda Goshani ch'ufa ergani. Ammalle qonqo gara dira lafa Misiri ka Tapanesi, jed'anifi Ramesesifi Taanisifi Memfisifi ammalle arda afaani galaana Misiri haga seera lafa Sudanileeti ergani.

¹¹Ammo nami lafa maqa d'aani suni ch'ufa keesa godaanu, qonqo Nebukadreza suni jala qabu dide, nu goli sii intaanu jed'e qonqo deebise. Worri waan Nebukadrezani lola suni dabsatu insehu, tanaafi, isa sodaachu dide nama ergaa isa yau ch'eerse harka duwa galche.

¹²Dubbini tunini aka taka inargini Nebukadreza dallansiifte, jennaani inni aka worra Kilikiatifi ka Damaskitifi ka Shamutifi ka Moabutifi ka Amonitifi ka Yudatifi ka Misiri haga Baariini Gudda fuud'e Baariini Mediti d'aabe balleese haalo baafatu, lafa ufitifi hayyuma isaatini kakhate.

¹³Ganna kud'ani torbeeso ka hayyuma isaa keesa hayyu Nebukadrezani duula ufi fud'ate hayyu Afakasadi had'u d'aqe. Inni askarti Afakasadi ch'ufa ta fardatifi ta gaarini yaatule dabsate.

¹⁴Jennaani Nebukadrezani dira lafa Media ch'ufa dabsate iti qubate dira Ekbatanaleti fuula deefate. Inni dira suni doofi isaa ch'ufa qabe gabaya isaale saame dira mid'aaga suni balleese ona tolche.

¹⁵Inni hayyu Afakasadi gaareeni Ragee keesati qabe ijeese. Eegi Afakasadini due,

¹⁶Nebukadrezafi askartini isaa ch'ufti waan saamte kaani ch'ufa fuud'ani dira Ninawiti dachaani, jia afuri ch'ufa ufira tataani hafuura baafatani jila tolfatani.