Read BORANA BIBLE – KITAABA WAAQA Yudithi 10 Bible Online

Yudithi 10 - BORANA BIBLE – KITAABA WAAQA bible

Yudithi 10

¹Yudithini kad'acha Waaqa Israeli kad'atu ira deebinaani,

²olkaate, tissiti isii yaamte, aada Sabatotifi ta guyya jila gula mana ira gabuute olseente.

³Isiini woya ch'arqiitifi ta addeenna taani baafatte nafa d'iqatte, qayya naqatte d'ad'a ibsatte mata filatte, hagogooni hid'atte, woya mimid'aadu duri isiini gaafa d'iirsi isii Manaseni jiru guyya jila keeyattu keeyatte.

⁴Ammalle isiini kobeefi faaya isii ch'ufa naqate. Qube harkatifi ta gurraatifi mirgafi koomele ch'ufa. Isiini aka taka inargini ufi ch'ote, aka nami isii argu ch'ufti iti d'araau ufi tolchite.

⁵Yudithini tissiti ufi gorjo daad'itifi doola d'ad'a iti kennite, garbu akhanifi mid'aani oda gogofi, qit'a heddu worri Yahudi d'aabatu subba guute, isiini sagaleefi miha suni ch'ufa mamarte tissiti ufiti kennite.

⁶Jennaani nad'eeni suni lamaani kaate yaate fulla fulloo dira Bethuliati Uziafi jaarole dira suni Ch'abrifi Ch'armisi ta lafa eeduti d'ufte.

⁷Jari kunini aka Yudithini woya jijirate ufi ch'ote arginaani, mamani mid'aaguma isii saadani waan jed'ani,

⁸Waaqi ababoota teenna si eebise, mala kanke ch'ufa sii guute akanani atini guddinna Yerusalemutinu d'ufte dabsachale worra Israeliti kennita. Yudithini Waaqa kad'ate,

⁹jennaani waan jette, Balbala naa bana anini waan qara jenne kaani tolchu deema. Jennaani worri jara kaima tokooni balbala baanifi jed'e,

¹⁰duuba Yudithifi tissitini isii taani dira keesa baani. Jari kaani haga isiini gaara iraa baleeti gabuute ila dura daate asi inuma laala.

¹¹Ato nad'eeni taani bale gula yaatu worri Ashuru ka dooya yau fuula keesa d'ufe.

¹²Worri Yudithi qabe, atini gosi maani? Eesa baate? Garami deemta? Jed'e gaafate, Isiini waan jetteeni anini nama gosa Ebraniati, ammo anini worra Israeli bira baqachuti jira waan atini d'iotu worra hobaaftufi.

¹³Anini amma gara Holofene namicha abba duula keesani deemu jira aka dubbi d'uga jabdu iti himu. Anini aka inni dandae gaareeni suni ch'ufa nagayaani kore arda kana ch'ufa ka duula isaa nami tokoleeni ira indoone dabsatu iti hima.

¹⁴Jari kaani waan isiini guddo mid'aadufi aka jaba isi daawate, dubbi isii jala qabe waan jed'eeni,

¹⁵Atini ka d'ufte namicha gudda duula keenna argite ya lubbu ufi baafte. Jari keenna kunini hagi toko fuud'e gara waaro isaa si geese, woli isani agarsiisa.

¹⁶Isa insodatini, waan nuni jette kana ch'ufa isati himi, inni woma si intolchu.

¹⁷Duuba nama d'ibba toko ka Yudithifi tissiti isii gara Holofene geesu tolchani.

¹⁸Qonqoni d'ufisa Yudithi sunini waaro ch'ufa geennaani, nami ch'ufti d'uqise wolti baafate, ato isiini waaro Holofene dura ejite isa eedu marsani daawatani.

¹⁹Worri mid'aaguma isii saade, waan jed'e, Gochiti Israeli tunini nami akami? Eennuti dandae gosa nad'eeni mid'aadu akana tana qabdu tuffata, jed'ani wolgaafatani. Nu nama worra ka d'iira ch'ufa hobaasu male, yo nu akasi intolchini hegeri worri Yahudi kunini nama lafa ch'ufa keesa jiru sosobe balleesa.

²⁰Jennaani jari Holofene eegufi hojatuni isaa gadi baani Yudithi fuud'ani waaro olnaqani.

²¹Holofeneni sire gubba sandarwa liilana bule diimaafi worqini hod'ani d'akha doti ch'uluqaafi d'akhaaye ch'uch'ulut'u d'ibiini ch'okhani jala ch'iisa.

²²Jari kaani aka Yudithini d'ufte iti himnaani, dinqa waaro keesa gadi bahe bada eje. Ifse qarsi isa jala baatani.

²³Yudithini isaafi hojatu isaati d'iannaani worri mid'aaguma isii mame. Isiini Holofene durati gajete, jennaani hojatuni isaa isi olqajelchite.