Read BORANA BIBLE – KITAABA WAAQA Yudithi 12 Bible Online

Yudithi 12 - BORANA BIBLE – KITAABA WAAQA bible

Yudithi 12

¹Holofeneni jara isaa yaame waan jed'e, Intala tana fuud'a mesa kiyya ka miha qarsi irati afaani geesa sagaleefi daad'i anini d'ugu kennafi.

² Ammo Yudithini dide waan jetteeni anini sagale tante inyaad'u; wonti akanatiifi anini yo nyaad'e ya Seera Waaqa kiyya ch'abse. Anini sagaluma d'ufeeni tana ch'alla nyaad'a.

³Holofeneni waan jed'eeni, Hojja sagaleefi daad'ini tante hobaate mal taata? Nu sagale d'ibi eesa sii fuuna? Fulla teenna nami gosa Israeli tokoleeni injiru.

⁴Ammo Yudithini waan jetteeni Aabbo anini sagale ta haga mala Aabbo Waaqi nani erge kana guutu na geetu inqaba.

⁵Jennaani hojatuni Holofene Yudithi fuute waaro tokoti geesite. Isiini haga lafti bariu geetuti achi rafte, duuba kaate,

⁶qonqo gara Holofene ergite waan jette, anini gara bale d'aqe Waaqa kad'achu fed'a na gad'iisi.

⁷Holofeneni waan nama isa eeguni jed'e, Intala tana ga d'iisa ha fulla feetu deemtu. Duuba Yudithini guyya sadi achi teete halkani suni sadeenu bale d'aatu dira Bethulia d'aate, maddo toko keesa bisaani d'iqate.

⁸Isiini yo bisaani d'iqate iraa deebitu ch'ufa Aabbo Waaqa kad'ate, aka inni mala isii qajeelche worra Israeli nyaapa dabsachiisu.

⁹Duuba isiini eegi suni ka qulqulloofte waaro ufiti deebite haga sagale galgala nyaatu asi achuma teete.

¹⁰Guyya afreeso ka Yudithini achiti oolte Holofeneni nama askarti isaati mata ch'ufa jilati yaame, ka hojja suni huji keesa jiru male.

¹¹Inni namicha sangicha toko ka Bagoa jed'ani ka waan isaa ch'ufa inni harka qabu yaame waan jed'eeni, beeni niiti Ebrania ta atini qorqoratu taani sosobi waaro tiyyatini kooti aka nu nyaanne woliini d'unnu. Yo anini niiti akana tana bira inraafini akanumati gad'iise wonti sunini guddo ch'eera naa taati.

¹²Yo anini isi dubbifachu baad'e isiini na kofalti.

¹³Duuba Bagoani Holofene bira deeme waan jed'eeni, Niiti mid'aadu namichi abbaa duula kooti farso woliini d'unna jed'e si yaama. Tanaafi kooti aka nad'eeni Ashuru ta mana Nebukadreza keesa hojatu gammadu gammadi wonti kunini ulfinna gudda toko.

¹⁴Yudithini waan jetteeni, Anini inuma d'ufa qara akami dandae waan inni fed'u dida. Halkani gammada kana haga jiru inuma qaabad'a.

¹⁵Jennaani Yudithini olkaate woya isii ta ch'ufa ira mid'aadu naqate. Tissitini isii taani isii dura deemte fulla Holofene d'umnaani qoola hoola ka Bagoani isii kenne yo sagale nyaatu ira tai jed'eeni kaani afteefi.

¹⁶Yudithini waaro olseente teete jennaani Holofene lubbuuni d'ufte ufi d'owu dad'abe ch'ee isi qabu fed'e. Haguma gaafa qara isi argeeti inni qoomnuma iti barbaada aka dubbifatu.

¹⁷Inni waan jed'eeni kooti farso d'ugi na woliini gammadi.

¹⁸Yudithini waan jetteeni aabbo inuma tae d'uga, anini haguma d'alad'e haga arra kana ingamanne.

¹⁹Ammo tatule Yudithini woma tissitini isii mid'aasiteefi ch'alla nyaate d'udde.

²⁰Holofeneni maro isiitifi guddo gammade, farso haga taka jireenna ufi keesa ind'ugini ira d'uge.