Read BORANA BIBLE – KITAABA WAAQA Yudithi 13 Bible Online

Yudithi 13 - BORANA BIBLE – KITAABA WAAQA bible

Yudithi 13

¹Eegi guddo waariani keesumani kaate galte. Jennaani Bagoani balbala waaro alaani hid'e hojatu Holofene keesa seenu d'owe. Duuba nami ch'ufti ka dad'abi injire kae rafe, wonti akanatiifi jilti suni guddo d'eerate.

²Yudithi Holofene ka machae sire ufi gubba ch'iisu waaro keesati woliini hafte.

³Tissitini isii taani waaro ala ejite Yudithi eedi aka isiini bale taani d'at'e Waaqa kad'atu. Yudithini qara Bagoani akuma kaani alati bahe Waaqa kad'ad'a jette.

⁴Keesumafi hojatuni ch'ufti iti d'abanaani Yudithifi Holofeneni waaro keesati woliini hafani. Yudithini sire Holofene d'aatu ejite garaa isii keesati Waaqa kad'ate waan jette, Ee Aabbo Waaqa gudda waan anini amma tana maro guddinna dira Yerusalemu kana jed'e tolchu keesati na qarqaari.

⁵Hojani atini gumi fohate tana baafte mala anini nyaapa tae nu mudamsiisu kanani balleesu guutu tana.

⁶Yudithini fulla mata sire Holofeneti hiit'e mata isaa gubbaa sheefti fuute,

⁷iti gadi d'iate rifeensa mata isaa qabde, Ee Aabbo Waaqa Israeli amma irre naa kenni jette.

⁸Duuba Yudithini sheefti olfud'atte haga dandeetu ch'ufa maro lama morma isaa d'oofte ira kutte.

⁹Duuba reefa isaa sire ira gangalchite, sandarwa taani mata sire ira buufte. Jennaani gadi baate mata Holofene tissiti isiiti kennite,

¹⁰isiileeni subba sagale kaani keesa keete. Duuba nad'eeni taani lamaani akuma d'ieenna hojja Waaqa kad'atani woliini yaatu kaani kaate woliini yaate. Worri bulto duula Ashuru keesa dabre, bale taake gaara kore fullo dira Bethuliatini bahe.

¹¹Worri fullo dira suniti d'iannaani Yudithini lalabde worra fullo eegu yaamte waan jette, Fullo nuu bana! Fullo nuu bana Waaqi keenna nu woliini jira arra, inni ammalle irre isaa Israeli garsiise jabeenna isaatini nyaapa keenna dabsata.

¹²Jari qonqo isii d'ageennaani fulloti oriani jaarole dira wolti yaamani.

¹³Nami ch'ufti diqaafi guddaleeni fulla fullo dirati wolti bahe; wonti akanatiifi nami tokoleeni ka aka Yudithini galtu sehu injiru. Duuba worri isiifi tissiti isiiti fullo bane, gammade nagaya fuud'e. Ammalle ibida bobeesani lafa guyyaasisani nad'eeni lamaani taani marsani.

¹⁴Jennaani Yudithini lalabde waan jette, Waaqa faarsa guddisa faarsa! Waaqa ka worra Israeliti nahu inlakimne faarsa! Inni halkani kana ya harka kiyyaani nyaapa keenna balleese.

¹⁵Jennaani isiini mata kaani subba sagale keesa fuute biyya garsiifte, waan jetteeni matani gudda askarti Ashuru ka Holofene jed'ani kuno kana, amma sandarwani sire isaa ta inni machae ira rafuleeni tana. Aabbo Waaqi yayu harka niiti d'altitini isa ijeese.

¹⁶Aabbo Waaqa ha guddisani ka na qorqorate waan anini tahe ch'ufa keesa na qarqaare. Holofeneni taka tuqe na t'ureese na inch'eersine ato mid'aagumti tiyya isaa sobde isa balleesitele.

¹⁷Nami dira suni ch'ufti guddo mame jilbiifatani waan woliini jed'ani, Ee Waaqa atini ka faarsu malani arra atini nyaapa gumi teeti ya dabsate.

¹⁸Jennaani Uziani waan Yudithini jed'e, Intala Waaqi guddaani ya nad'eeni lafa keesa jirtu ch'ufa ira si eebise. Waaqa ka lafafi gubba uume akami faarsu malani. Qarqaarsa isaatini atini gudda nyaapa keenna mata ira kute.

¹⁹D'ugefacha atini Waaqa d'ugefate nami guddinna Waaqa odeesu haguma jirule inded'u.

²⁰Waaqi maro huji atini hojate tana jed'e gurra haga jiru jireenna si kenninna. Waan atini dabsacha gosa tante dabsatani jette lubbu tante jibbaatte, ammalle guyya ch'ufa Waaqaa saalfateefi inni ha si eebisu. Jennaani nami ch'ufti fulla taka Amini Amini jed'e.