Read BORANA BIBLE – KITAABA WAAQA Yudithi 14 Bible Online

Yudithi 14 - BORANA BIBLE – KITAABA WAAQA bible

Yudithi 14

¹Jennaani Yudithini waan biyyaani jette, Jaallani tiyya na ch'aqasa, bori diirama mata kana fuud'a naabo dirati rarasa.

²Nama toko ka isani dura deemu fohad'a, yo lafti bariite woraana fud'ad'a isani nami irre qabu ch'ufti dira keesa nama fohatani suni ch'ufa gula yaa, aka waan worra Ashuru ka bale keesa ch'iise lafa eegu had'u d'aatani yaa.

³Worri Ashuru ka lafa eegu sunini duuba woraana ufi guurate gara fulla askartini taani jirtu d'aqe worra isaani gugurda kaasa. Jennaani jaari gugurdaani kaani gara waaro Holofene orie isaa keesa d'aaba; duuba askartini ch'ufti mumudamte isani dura baqati.

⁴Duuba isanifi worri Israeli d'ibileeni akuma worri isani baqatu suniti hobaasu dandeetani.

⁵Ammo ato waan kana tokole intaane namicha Akioro jed'ani ka gosa Amoni kaani nati gadi erga. Anini aka inni Holofene namicha Israeli tuffate Akioroleeni worra woliini si ijeesa jed'eeni beekhu laala.

⁶Duuba Akioro mana Uzia keesa yaamani inni d'ufe mata Holofene harka nama toko keesati arginaani gagabe lafa d'ae.

⁷Akioro lafa olfuud'ani jennaani inni miila Yudithiti jige, waan jed'e, Nami lafa Yuda keesa jiru ch'ufti ha si faarsu. Ammalle gochiti ch'ufti hojja maqa kanke ka d'aani d'ageetu ha mumudamte hollatu.

⁸Amma kara waan kanani tolchite nati himi. Ato biyyiti ch'ufti marsite isi bira ch'iiftu Yudithini waan gaafa dira suni baate tolchite haga guyya suni ch'ufa iti himte.

⁹Isiini dubbi suni biyyati odeesite ira deebite jennaani biyyiti ch'ufti gammade lafa gargalchite.

¹⁰Akioroni waan Waaqi Israeli tolchu d'ageennaani aka jaba isa d'ugefate, qabanqaba qabate gosa Israeliti gale. Haga arrale d'alooti isaa achuma jira.

¹¹Boriyyaate worri Israeli mata Holofene naabo dirati rarase, worri ch'ufti woraana ufi guurate wolguure gaara ira gabue.

¹²Worri Ashuru waan tae kana arginaani qonqo gugurda worrati erge, jari kunileeni dubbi tana nama worra ira gugurdaati erge.

¹³Jari kunini gara waaro Holofene d'aqe waan Bagoani jed'e, Abba duula kaasi! Worri Israeli ka woma keesa injire kaani ya garaa jabaate d'ufe nu had'e; worri hobau fed'aafi d'ufe nu had'a.

¹⁴Bagoani waaro olseene waan Holofenefi Yudithini rafuti jirani sehe dinqa dura eje harka d'ae.

¹⁵Qonqo womatu d'amnaani golla kutaa saaqe iti olseene reefa mata inqamne ka lafa ch'iisu arge.

¹⁶Bagoani iyye woya, tatarsase ooe bohe lafa gargalche.

¹⁷Inni waaro Yudithini iti galtu d'aqe isiile d'abe, duuba gara jara gugurda utaale iyye waan jed'e,

¹⁸Worri ya mala nuti d'aate, niitini Israeli toko ya lafa Nebukadrezani fidu ch'ufa ch'eersite. Me, waaro tana keesa laala! Holofeneni ka matani iti injire due ufuma ch'iisa!

¹⁹Worri gugurdaani nami ch'ufti lalabe bohe lafa gargalche.