Read BORANA BIBLE – KITAABA WAAQA Yudithi 16 Bible Online

Yudithi 16 - BORANA BIBLE – KITAABA WAAQA bible

Yudithi 16

¹Jennaani Yudithini nama Israeli ch'ufa durati Waaqa galata deebifte faaru tanaani isa faarsite, biyyitileeni faaru suni isi jala qabde, Faaruuni isii sunini tana:

²Waaqa kiyya faarsa sirbafi; dibbeefi bilbila d'aa Aabbo Waaqa faarsa. Faaru hareetini isa faarsa qarqaarsa kad'ad'a.

³Aabbooni Waaqa woraana balleesu inni nama na reebu dura na baase, nagayaani fulla gumiini isaa jirtutiti na deebise.

⁴Gaareeni mirga ira worri Ashuru gabue, worri askarti kunki kunki kud'ani fud'ate gad'ufe, askartini worra malka lagatifi ta bale kute. Askartini fardaani yaatuleeni gaareeni ch'ufa qabate.

⁵Worri lafa teenna gube, kaima keenna fit'e, daima keenna lafati d'abe ijoolle teenna boojie nad'eeni teenna kaima ch'ufa guurate itini d'aabachu fed'e.

⁶Ammo Aabbo Waaqi guddaani harka niiti d'altitini worra sobe, waan worri tau fed'u ch'ufa hanqise.

⁷Nami jaba worra suni ijeese nama kaimaa jabaaniti, yokhaani nami guddaani aka arba isa inijeemne. Nami isa ijeese Yudithi intala Marari.

⁸Isiini gumi Israeli ta dabsanii kalchite, woya ufi ta hamtuu baafte, woya boofta mid'aadu keeyatte, qayya naqate hagogo matati hid'ate isa d'araasifte.

⁹Kobeeni isii mid'aaduni ila isaa buute, mid'aagumti isii onne isa kute. Duuba akasini sheeftini qaach'era isaa lit'e.

¹⁰Worra gosa Ajemi jannooma isii arginaani hollate, worri Medileeni garaa jabeenna isii madefate.

¹¹Jennaani worri keenna ka qara lalaafe dabsani gammade geerare waan, nyaapi worra mudamsiise baqachiiseefi.

¹²Nu d'aloota tisseeti, ammo nyaapi keenna gargale nu baqate, nu worra suni aka tisse baqatu reemne hobaamne. Worra askarti Aabbo Waaqati hobaase.

¹³ Anini sirba haraa Waaqa kiyya sirba. Ee Aabbo Waaqa atini jaba, ammalle guddo gurra qabda nami takalle si indabsanne.

¹⁴Wonti atini uumte ch'ufti ha si hojatu, jecha kanke gula wonti ch'ufti uumamte, hafuura keetini wonti ch'ufti jiraate. Nami tokoleeni ka jecha kanke dabru injiru.

¹⁵Gaareenifi baariinini hollate, d'akhayeeleeni aka haanch'aa bat'i, yo atini d'aatu baatu. Ammo ato akasile taate nami sii saalfatu naasu sira ind'abu.

¹⁶ Aabbo Waaqi fooni dadansa isaa baasanifi yokhaani ch'iinch'a sorio gubani ira nama isaa saalfatu jaalata.

¹⁷Gochiti gumi tiyya haatu imbadi. Aabbo Waaqi guyya qorsuma worra gaargalcha. Inni ibidaafi raamo nafa worraa ch'irtu iti buusa duuba worri haga jiru jireenna ch'ufa d'ukubsate boha.

¹⁸Biyyiti Yerusalemuti dachaanani ufi qulqulleesite Waaqa kadkad'ate sorio gubanifi waan d'ibi ka Waaqa baasanile Waaqa baafte.

¹⁹Yudithini waan Holofeneni qabu ch'ufa ka biyyiti isiiti kennite fuute Waaqaa baafte. Ammalle sandarwa sire Holofene ira fuute taanile aka waan kakhu gula Waaqa baasani Waaqa baafte.

²⁰Haga jia sadi ch'ufa biyyiti Mana Waaqa ka Yerusalemu jiru durati jila tolfate Yudithileeni worra woliini jirti.

²¹Jilti hobaate jennaani nami ch'ufti worra ufiti gale Yudithileeni Bethulia worra ufiti galte. Isi haga jireenna isii ch'ufa guddo beekhaani.

²²Nami hedduuni isii fuud'u fed'e ammo isi haga d'iirsi isii Manaseni due fuud'a dide.

²³Haga d'iirsi due isiini taka mana isii keesa imbaane ammalle gurri isii lafa suni keesa fulla ch'ufa gae. Isiini ato induini hori isii ch'ufa fiit'a ufitifi ta d'iirsa isiile gargari qoode tissiti isiile balchoomsite isiini ganna d'ibba tokotifi shaniti dira Bethulia keesati doote, jennaani fulla d'iirsa isiiti awaalani. Worri Israelileeni guyya torba isii bohe.

²⁵Haga Yudithini jirtu ch'ufafi eegi isiini doote ganna heddule nami tokoleeni ka worra Israeli gaargalche injiru.