Read BORANA BIBLE – KITAABA WAAQA Yudithi 3 Bible Online

Yudithi 3 - BORANA BIBLE – KITAABA WAAQA bible

Yudithi 3

¹Gochiti taani ch'ufti nama hayyu Nebukadrezati ergite booju kad'ate waan jette:

²Nu nama keeti ee hayyu gudda Nebukadreza; waan atini jettu ch'ufa intolchina, atinileeni waan feetu ch'ufa nu tolchi.

³Maneeni teennafi lafa teennafi oobru teenna ta dargayetifi hori keennafi waaroni teenna ch'ufti teetuma. Atini waan feetu tolfad'i.

⁴Nami keenna ch'ufti tisse tante taa, atinileeni dira keenna waan feetu tolfad'i.

⁵Eegi worri booju kad'atu kaani dubbi taanaani d'ufe,

⁶Holofeneni askarti Nebukadreza d'aatu afaani Baariini Guddatini d'ufe. Inni dira naabo qabu ch'ufa askarti lafa eedu iti tolche, dira ch'ufa keesa nama fohate sabanya iti tolche.

⁷Nami diraafi arda dira suni keesa jiru ch'ufti waan aka daraara kalala matati marate dibbe d'aane sirbe Holofene yoyo fuula keesa yae.

⁸ Ammo Holofeneni fulla worri waaqa iti kad'atu ch'ufa balleese, mukeeni woyyu ch'ufa ch'ire balleese. Qara duru Nebukadrezani waan isaani jed'e waaqoota lafa haate dabsatu ch'ufa balleesi aka gochiti sunini ch'ufti na male waaqa d'ibi inkad'anne.

⁹Jennaani Holofeneni bale Yezreeli ta d'aatu dira Dothani ka fuula dirra gaareeni Yudati deefatu keesa dabre,

¹⁰Gebafi Skathopoli jidduti qubate, Jia afuri arti tae woregafi miha d'ibi darate.