Read BORANA BIBLE – KITAABA WAAQA Yudithi 4 Bible Online

Yudithi 4 - BORANA BIBLE – KITAABA WAAQA bible

Yudithi 4

¹Worri Yudea waan namichi gudda askarti Nebukadreza ka Holofene jed'ani gosa d'ibi tolche d'agaye. Ammalle aka inni maneeni waaqa isaani balleese saame d'ageennaani.

²Waan inni Yerusalemufi Mana Aabbo Waaqa isaani tolchu heregani, sodaatani mudamani.

³Worri d'io eegi boojiani lafa Yudati gale Mana Waaqatifi miha isaatifi mesa sorio irati qalani ka qara t'ureesani qulqulleese eebise.

⁴Tanaafi worri qonqo arda Samariatifi dira Konatifi ka Beth-Horonitifi ka Belmaimutifi ka Yerikotifi ka Ch'obatifi ka Esorotifi bale Salemuti erge.

⁵Worri yoosu fiit'e gaareeni ch'ufa askarti iti qubsise, ollowani gaareeni suni gubba jirtu ch'ufa jabeese jaare, sagale worega ta yo woraani bahe nyaatani olkeyate. Worri guddo ayyaani qaba, waan d'io mid'aani galfatefi.

⁶Qaallicha guddaani Yoakimu jed'ani ka gaafasi Yerusalemu keesa tau tatabe gara dira Bethuliatifi Betomesthaimu ka bale Yezreeli ta d'aatu Dothaniti fuula deefatuti erge.

⁷Inni waan worraani jed'e, kaarra gaareeni ta lafa Yudati baasiftu ch'ufa qabad'a, wonti inni akasi jed'eefi kaarriti sunini d'ipo nama lama male nami d'ibiini dandae wolbira indabru. Tanaafi hirba nyaapa ka kaele dandaani ufira d'owani.

⁸Worri Israeli waan qaallichi guddaani Yoakimu jed'anifi jaarole Yerusalemu keesati korate buufate tolche.

⁹Worri Israeli aka jaba Waaqa kad'ate ufi agabse.

¹⁰ Worri ch'arqi naqate, nad'eenifi d'iiraafi ijoolleefi hori worra ch'ufafi nama gosa d'ibi ka worra keesa godaanufi tissefi hojatu worrale ch'ufa ch'arqi iti naqani.

¹¹Worri ammalle mesa sorio irati baasanile ch'arqi irati afani jennaani d'iiraafi nad'eenifi ijoolleeni ta Yerusalemu keesa jirtu ch'ufti Mana Aabbo Waaqa durati lafati gogombifamani; worri achi Aabbo Waaqa dura ch'arqi naqate daara matati ufi naqe ch'iisa. Duuba garaa tokooni, ee Waaqa Israeli ijoolle teenna duu d'owi nad'eeni teennale nama boojiu d'owi dira keennale badu d'owi jed'ani. Ammalle guddo isa kad'atani, aka inni nyaapa gosa d'ibi ka d'ufe Mana isaa balleese ch'eersu d'owu.

¹³ Aabbo Waaqi kad'a worraa d'agaye gaargala worra arge naheefi haga guyya heddu worri Yudatifi ka Yerusalemu Mana Aabbo Waaqa gudda durati ufi agabsu inlakimne.

¹⁴ Qaallicha gudda Yoakimu jed'anifi qaalole d'ibifi jari Mana Aabbo Waaqa keesa hojatu kaani ch'ufti hojja sorio guyya ch'ufa gubani Waaqa baasanifi waan fed'i gula Waaqa baasanifi waan kakhu gula Waaqa baasani, baasanile ch'arqi naqatani huji suni hojatani.

¹⁵Worri sure daara iti naqate, Aabbo Waaqati bohe, gosa teenna ch'ufa nahi jed'e kad'ate.