Read BORANA BIBLE – KITAABA WAAQA Yudithi 5 Bible Online

Yudithi 5 - BORANA BIBLE – KITAABA WAAQA bible

Yudithi 5

¹Namichi gudda askarti Ashuru ka Holofene jed'ani aka worri Israeli lola kurfefate kaarra gaareeni duuche ollowani fiit'e gaareeni jirtu ch'ufa jabeese jaare kara diida keesa deemule ch'ufa kute d'ageennaani aka

²hama gugubate dallane. Duuba inni hayyoota Moabutifi jara gugurda askarti Amonitifi nama arda afaani Baariini Gudda jiruti mata wolti yaame waan

³jed'eeni, Isani worra Kanaaniti waan worra gaareeni gubba tau kana nati hima. Worri dira kami keesa taa? Duuli worra nama hagami? Irreefi jabeenni worra eesa baha? Hayyuuni askarti worratini deemu eennu?

⁴Worra lafa ila adu keesa maafi worri ch'allaani harka kennate booju na kad'achu dida?

⁵Jennaani Akioroni ka gudda worra Amoni waan Holofeneni jed'e, Aabbo yo sii taate na ch'aqasi, waan worra gaareeni d'aatu bulto teeti tana tau d'uga siti hima, d'ara indubad'u!

⁶Jari kunini d'aloota worra Babiloniti,

⁷ka aada abbooti ufi lakise Waaqa gubbaa kad'ate. Duuba eege waan worri waaqoota abbooti isaani lakisefi lafa worra keesa had'ani baasani. Duuba worri Mesopotamiati baqate ganna heddu achi tae.

⁹ Eegi suni Waaqi worra lafa Mesopotamia keesa baase lafa Kanaaniti galche, duuba achiti guddo hore worqifi qarsifi horile horate.

¹⁰Jennaani oollaani lafa Kanaaniti buute, worri sunini ka eege Israeli jed'anini lafa Misiriti godaane haga lafti sunini sagale qabdu ch'ufa achi tae. Worri lafa suniti guddo hore lafa ira dabre nama heddu tahe henna worrale haga beekhu dad'abani.

¹¹ Ammo hayyuuni Misiri worrati hammate worra dabse, tisse tolfate matofaara mid'aasise.

¹² Jennaani worri Waaqa isaani kad'ate Waaqi isaani sunini gaargala hama worra Misiriti buuse. Gaafa worri Misiri lafa ufi keesaa worra gusse,

¹³ Waaqi worraa galaana Shamu worra dura gogose,

¹⁴duuba kara Sinaitifi ka Kadesh-Barnea gula worra godaansise. Duuba worri Israeli nama lafa Kanaani gama bitaa tau ch'ufa keesa baase,

¹⁵lafa worra Amori ch'ufa fud'ate, worra Heshboni ch'ufa hobaase galaana Yordani taake lafa gaareeni suni ch'ufa fud'ate.

¹⁶Worri gosa Kanaanitifi ta Peresitifi ta Yebusitifi ta Shekemutifi ta Girgashile ch'ufa lafa isaani keesa baase. Duuba worri Israeli kunini lafa gaareeni suni ganna heddu keesa tae.

¹⁷Waaqi worra ch'ubbu guddo jibba haga worri isati ch'ubbu intolchini ch'ufa worri inuma woi horata.

¹⁸Ammo yo worri isaa saalfachu dide isa iraa goru, nami worraa hedduuni woraana keesati raawate, eege nyaapi d'ufe boojie lafa d'ibi geese.

¹⁹Ammo amma eege worri Waaqa ufiti deebinaani, worri lafa qara boojiani iti firfirsani taani keesa gale. Ammalle worri yayu dira Yerusalemu fulla Mani Waaqa isaani jiruti gale lafa gaareeni ta haga worri keesa bahe taka nami iti inqubatini iti qubate.

²⁰Aabbo yo worri kunini amma ato danule taate Waaqa isaniti ch'ubbame yokhaani aka worri wollaala qabu beenne, dandeenne haane dabsanna.

²¹Ammo yo worri Seera Waaqa isaani ch'absu baate, atini worraa lakisu malte hegeri Waaqi worra sunini worra kalche akasini nama lafa ch'ufa durati nu ch'eersani.

²²Akioroni dubbi buufannaani nami d'aatu waaro suni jiru ch'ufti iti gargale dubbi isaa d'aarefate dide. Worri gugurdaani askarti Holofenetifi ammalle worri gosa Moabuti ka afaani Baariini Gudda tauleeni, nama kana gargari ch'iri jed'ani hayyu beesisani.

²³Ammalle waan jed'ani nu worra Israeli kana mani ira d'eenna? Worri laafa woma ufira ind'owu;

²⁴nu yaasa, abba duula Holofene duuli kanke guddaani yoosu worra liqimse hobaasa.