Read BORANA BIBLE – KITAABA WAAQA Yudithi 7 Bible Online

Yudithi 7 - BORANA BIBLE – KITAABA WAAQA bible

Yudithi 7

¹Boriyaate Holofeneni askarti isaa ch'ufafi askarti isaa goli taatele wolti baase. Duuli sunini wolti nama muumme qabuuni, askartini miila ch'allaani nama kuma d'ibbaafi torbatama ta fardaani yaatuleeni nama kuma kud'ani lama, askarti miha qorqoratu male. Duuba Holofeneni waan askarti isaa tana ch'ufaani jed'e, Kaa Bethulia d'aqa kaarra gaara taani ch'ufa qaba worra Israeli had'a. Duuba worri kae

³d'aatu maddo bale Bethulia keesa jirtuti bule. Bultoni worra suni guddo ballo, ballinni isii haga dira Dothaniti eje dira Belmaimuti eja, ammalle guddo d'eertu Bethulia ejite Kiamoni ka bale Yezreeliti fuula deefatuti ejiti.

⁴Worri Israeli haga duuli suni gau arginaani mudame waan woliini jed'e, Askartini tunini sagale waan lafa teenna keesa jira ch'ufa nyaateti fit'i, gaareenifi baleleefi kupile tanale keesa sagaleeni duula hagana gau kana fiddu injirtu.

⁵ Ammo ato akasi d'eetanile worri Israeli ch'ufti woraana guurate doofi ch'ufa ibida gubati bobeese, halkani ch'ufa eega bulani.

⁶Boriyaate Holofeneni askarti isaa ta farda ch'ufa diidati gabaase, aka worri Israeli ka dira Bethulia keesa jiru ch'ufti argu.

⁷Inni kara dirati deemufi maddo worri dira suni woraabatu qorqorti iti erge. Duuba maddo suni qabe nama eedo iti tolche, ammo ufi bultoti deebie.

⁸Jari askarti Edomutifi ka Moabuti matatifi ammalle jari gugurda askarti afaani Baariini Guddaati d'ufte, gara Holofene d'ufe waan jed'e,

⁹Aabbo yo atini mala keenna d'ageete, askartini tante woma intaatu.

¹⁰Jari Israeli kunini woraani ufi ind'aabatu ammo wonti worri d'aabatu old'eerinna gaareeni worri ira tau. Wonti akanatiifi gaareeni suni aka tabati inkorani.

¹¹Tanaafi abba duula Holofene, yo atini qajeelumati fuula iti deebite inhad'ini, askartini tante tokoleeni woma intaatu.

¹²Bulto tante keesa imbaini, askarti tanteleeni inchochoina jed'i. Askarti tante nama haga gari maddo hunda gaara jirtu ta worri woraabatuti ergi marsa ira taa jed'iini.

¹³Wonti akanatiifi fullaani worri Bethulia bisaani woraabatufi sunuma. Duuba yo worra d'eebuni balleesite worri ufiini d'ufe booju kad'ata. Nu yo suni askarti teennaani woliini fiit'e gaareeni d'aatu dira jirtu ch'ufa korre fulla bulti mid'aafanne nama tokole dira keesa alati bau d'owara.

¹⁴Duuba akanani nami ch'ufti beelaani raawata, d'iiraafi nad'eenifi ijoolleeni. Ato nu inhaane karaani dira worra ch'ufti reefani guutama.

¹⁵Akanani atini waan worri si dide nagayaani harka siti inkennatinifi haalo baafata.

¹⁶Holofenefi jari askarti isaa gugurdaani ch'ufti dubbi tana quufe, jennaani inni worraani akuma tolcha jettani kana tolcha jed'e.

¹⁷Worri Moabutifi ka Ashuru ka kuma shani fulla qara bulani kaani baleeti gabuani maddo bisaani qabani nama ira eegani.

¹⁸Worri Edomutifi ka Amoni gaareeni kore d'aatu dira Dothaniti bule. Duuba nama worra haga toko qajeela ilaborutini bita gara Akerebeli ta d'aatu Ch'usi ka galaana Mokmuritini gama ergani. Askartini Ashuru d'ibiini bale keesa jirti. Fulla worri bule sunini ballo, lafa ch'ufa fud'ate, wonti akanatiifi waaroofi mihi duuli hagana gau ch'ufti qabu waan muumme qabatiniti.

¹⁹Jennaani worri Israeli aka nyaapi isaani worra marse fiigu d'owu arginaani garaa laafe, Aabbo Waaqa isaani nu qarqaari jed'ani iti bohani.

²⁰Duuli Ashuru ch'ufti askarti miilatifi ta gaaritifi fardaleeni bulti sodomi afuri haga dira Bethulia suni bisaani keesa d'abaniti marsani nama keesa bau d'owani.

²¹Haroofi eellani ch'ufti gogogani, bisaani afaaniti d'uganile qusatani.

²²Ijoolleeni lalaafte, nad'eenifi nami diqaani ch'ufti fulla ch'ufati gagabe, nama irre qabu d'abani.

²³Nami dira suni ch'ufti d'iiraafi nad'eenifi ijoolleeleni, Uziafi jaarole dirati baafate iyye waan,

²⁴jed'e, Waaqi ha nuufi isani wolti qoru nami waan kana ch'ufa nutini d'ufe isani, waan isani worra Ashuriti nagayaani harka iti kennachu didanifi.

²⁵Amma nami nu qarqaaru tokoleeni injiru Waaqi ya harka nyaapa suni keesa nu buuse, nu amma ya ufi jibbaanne d'eebuni raawanne.

²⁶Amma yaa worra Ashuru yaama harka iti kennad'a, Holofenefi askartini isaa ha dira kana fud'ate saamatuti.

²⁷Hojja sila qaqabani nu boojiani ira nu jirti fulla nu akana raawannu. Tisse nu tolfatani male nu inijeesani yo akasi taane nad'eenifi ilmaani teenna ta ila teenna durati raawatu ingarru.

²⁸Lafafi gubbaleeni arra d'uga teenna Waaqi abba ababoota teenna ka maro ch'ubbu worratifi teennale tae nu gaargalchu kunileeni d'uga teenna. Amma woni nu tau male d'ibiini injirtu, yo isa kad'anne abdanne, waan hamtu kana bira nu dabarsi jennuni male.

²⁹Nami achi jiru ch'ufti aka hama bohe Aabbo Waaqa isaani kad'ate.

³⁰Jennaani Uziani waan worraani jed'e ufi injibatina jaallowani tiyya guyya shani d'ibi eenne aka Aabbo Waaqi keenna nu nahu laalla. Inni dandae akanumati nu inlakisu.

³¹Yo qarqaarsa guyya shani keesati d'amne, dubbi teesani gula deebia.

³²Duuba akanani Uziani biyya galche. Nami d'iira ch'ufti doofifi naabo qara ira taatani eegani taaniti dachae, nad'eenifi ijoolleeleni worra ufiti galte. Nami dira suni keesa jiru ch'ufti ya ufi jibbaate ufi ira bahe.