Read BORANA BIBLE – KITAABA WAAQA Yudithi 9 Bible Online

Yudithi 9 - BORANA BIBLE – KITAABA WAAQA bible

Yudithi 9

¹Yudithini daara matati naqate hubbaara d'eera keeyatu ufira saatt'e ch'arqi jalati keeyatu mullifte, lafati gajete. Hojani sunini galgala ka Mana Waaqa ka Yerusalemu keesati hit'aana aarsani. Jennaani Yudithini lalabde Waaqa kad'ate waan jette,

² Ee, Aabbo Waaqa ababo kiyya Simioni, aka atini Simioni duri sheefti iti kennite, nyaapa intala Dinna jed'ani woya ira tatarsase buufate haalo baafachifte qaabad'i. Nyaapi sunini isii woya ira baase aka hama ch'eerse gurra balleese, ato atini waan kana duri seertele.

³Sunifi atini worra nyaapa suni mataa harka nama worra fit'uti kennite, akasini siruma worri intala irati buufate taani irati worra hobaasani. Atini worra suni ch'ufa tissele jaarole, worra gugurdale fit'e.

⁴Atini nad'eeni nyaapa sunitifi dubra worratifi waan worri qabu ch'ufa harka worra Israeli ka atini fohate worrileeni fed'i tante ch'alla guutu fed'uti kennite worri boojie, lafa ufiti geese. Oboleyaani Dina waan worra isaani akasi ch'eersanifi guddo laalefate dallante qarqaarsa si kad'ate. Ee Waaqa kiyya, kad'acha tiyya ta niiti hiyyeeti naa d'agayi.

⁵Waan duri taheefi ka amma taheefi ka taka tana tahale ch'ufa sumati tolcha. Waan kana ch'ufa sumati herege mid'aasa waan amma tahatifi waan hegeri tahale. Heregi kanke hojja ch'ufa inguutama.

⁶Wonti atini heredde buufate ch'ufti waan tahati. Atini waan tolchu feetufi waan garaa qabdu ch'ufa ato wonti sunini ingaini beeta.

⁷Amma worri Ashuru kunini guddo irre qaba; worri askarti fardatifi ta miilani yaatuni koora. Worri woraanafi wonte ufi d'aabate ammo ee Aabbo Waaqa worri aka atini nama woraana ch'ufa dandae lafa keesa balleesu imbeekhu, maqaani kanke Aabbo Waaqa.

⁸Dallansu tante keesa duula worra gudda suni irre teetini balleesi. Worri aka Mana kanke t'ureese gaafa mesa kanke ka sorio ch'ufa sheeftini iraa ch'iru malata.

⁹Aka worri kiyyibe tae ufi d'aadu laali! Gugubad'i worrati dallani anini niiti hiyyeeti irree naa kenni aka heregi kiyya guutamu.

¹⁰Dubbi tiyya ta sobaatini worra ch'ufa hobaasi, abbaafi tisse isaale. Harka niiti d'altini kiyyiba worra ira kuti.

¹¹Irree teetifi ta duula guddaleeni waan waan, teetumati ira jira. Ee Waaqa atini nama ufi ingudimne qorqorate ka dabsanile qarqaarta. Atini d'ipata woma inqamnele jabeesite qarqaarte, nama ufi jibbaatele baafta.

¹²Ee Waaqa ababo kiyya Simioni, Waaqa worri Israeli d'aabatu, ka lafafi gubba fidu, ka galaanafi baariini ch'ufa uume, abba uumama ch'ufa, kad'acha tiyya naa d'agayi,

¹³ dubbi tiyya ta sobaatini worra waan hamtu tae wold'aqisa kankeetifi Mana kanke qulqulloofi gaara Sioni jed'anifi lafa atini gumi teeti kenniteleti malatu woraanani balleesi.

¹⁴Nama gosa teeti ch'ufa aka atini Waaqa gudda irre qabu ka atini ch'allaani gosa Israeli qorqoratu hubachisi.