Read BORANA BIBLE – KITAABA WAAQA Bahisa 19 Bible Online

Bahisa 19 - BORANA BIBLE – KITAABA WAAQA bible

Bahisa 19

¹Guyya qara ka jia sadeeso, eegi worri Israeli lafa Misiri keesaa bahe, worri lafa aloo ta Sinai qubate.

²Worri Refidimu kae lafa aloo ta Sinaitiini baanaani achiti gaara jalati qubate.

³Duuba Musani gaara kore Waaqa argu d'aqe. Achiti AABBO Waaqi isaani dubbate waan jed'eeni, Waan atini worra Yakobo ka gosa Israelitini jettu,

⁴Isani yayu waan anini worra Misiri tolche agartani; ammalle aka anini aka qore worra dura isani bute worra duraa isani fuud'e ufitiini isani d'ufe.

⁵Amma waan kanafi hojja isani qonqo tiyya d'ageetani wold'aqisa kiyya guuttani, isani nama kiyya ka nati aanu taatani, nama lafa tana keesa jiru ch'ufa ira, ato lafti ch'ufti tiyyale taate.

⁶Isani gumi qaaloleetifi gosa qulqullo naa taatani.

⁷Jennaani Musani deeme jaarole worra ch'ufa yaame dubbi AABBO Waaqi jed'eeni ch'ufa iti haasae.

⁸Worri ch'ufti woligale waan jed'e, Waan AABBO Waaqi jed'e ch'ufa intolchina. Duuba Musani qonqo worraa ch'ufa AABBO Waaqati deebise.

⁹Ammalle AABBO Waaqi waan Musani jed'e, Anini baldo dumansaa keesa siti d'ufa, aka biyyiti aka anini siini dubbad'u d'ageete haga jiru jireennale si d'ugeefattu. Musani dubbi worra suni AABBO Waaqaati hime

¹⁰ammalle AABBO Waaqi waan Musani jed'e, Beeni, gara biyya d'aqi waan jettuuni, Arrafi bori ufi qulqulleesa, woya miich'ad'a.

¹¹Duuba iftani kurfo taha; wonti akanatiifi guyya suni, ka nami ch'ufti argu, anini gaara Sinai gubbaa d'ufa.

¹²Gaara suni woini marsi, seera kayi, waan biyyaani jettu, Ufi eegad'a, gaara iyyaabatiina, hunda gaarale iti ind'iaatiina. Nama tokole ka gaarati d'iaate inijeesani.

¹³Waan seera suni dabre gaara t'uqe, nama taanaani, hori taanaani, ka harkaani inqabanne gamati d'akhaani yokhaani t'iyaani ijeesani. Ammo yo magalata d'aani, nami ha gaarati d'iaatu.

¹⁴Duuba Musani gaara ira gadibue waan biyyaani jed'e, Ufi qulqulleesa; duuba biyyiti woya miich'atte.

¹⁵Jennaani inni waan jed'eeni, Guyya sadi kurfefad'a, nad'eeni eegad'a, iti ind'iaatiina.

¹⁶ Diirama guyya sadeeso baldooni dumansaa gaara ira mullatte, angaasu argani, mandisule d'agayani, ammalle magalata lalabani d'aani. Nami olla suni keesa jiru ch'ufti nahe hollate.

¹⁷Musani nama ch'ufa worra keesaa yaame gara Waaqa geese. Duuba worri golba gaara Sinai ejaanje.

¹⁸Aari gaara suni duuche, wonti akanatiifi AABBO Waaqi ibida keesa gaara suniti d'ufe, aari sunini aka aara boola faara iti gubani olbahe; jennaani gaari sunini aka jaba chochoe.

¹⁹Ammalle akuma qonqooni magalata guddattuuni, Musani dubbate, Waaqi mandisuuni jalaa qabe.

²⁰AABBO Waaqi fiit'e gaara Sinai gubbaa d'ufe Musa yaame, Musani iti olkore.

²¹Jennaani AABBO Waaqi waan Musani jed'e, Beeni, gabui, biyya gorsi, aka worri seera taake na laaliti ind'umne; yo worri seera kana ch'abse, nami hedduuni daara d'aba.

²²Qaaloleeni ta nati d'iaachu feetu ha ufi qulqulleesitu, yokhaani anini worrale imballeesa.

²³Musani waan AABBO Waaqaani jed'e, Biyyiti dandeete gaara Sinaiti gadind'uftu, wonti akanatiifi atini yayu seera baafte, gaara woini marsa, seera kaya, iti olinkoriina, woyyoomsa nuuni jette.

²⁴AABBO Waaqi waan jed'eeni, Beeni, amma gabui, Haruni woliini koota; ammo qaaloleefi worri kaani d'ibiini fulla seera suni nati gadintaakiini; yo worri taake, inhobaasa.

²⁵Duuba Musani gaara ira gabue waan AABBO Waaqi jed'eeni kaani ch'ufa worrati hime.