Read BORANA BIBLE – KITAABA WAAQA Bahisa 22 Bible Online

Bahisa 22 - BORANA BIBLE – KITAABA WAAQA bible

Bahisa 22

¹Yo nami looni yokhaani hoola hate qalate yokhaani gurgurate, ha looni shani abba looni toko ira hate baasu, ammalle ka hoola toko ira hate ha hooliye afuri baasuti.

²Hattuuni ha waan hate gati baaftuti. Yo inni woma inqamnele isa ha aka tisse gurgurani aka waan inni hate suni baasani. Yo inni hori hate, looni taanaani, harre taanaani yokhaani hooliye taanaani, ka hori suni ato inni inqalatiinu harkati qabani, inni ha hori lama fulla tokocha hate suni baasu, Yo hattu halkani mana ch'absuu jirtu ijeesani, nami ijeese sunini wollaala inqabu, ammo yo hanni kunini guyya taate nami ijeese wollaala qaba.

⁵Yo nami hori isaa oobru ufii ta zabibu keesati lakise, duuba yo horini suni bade oobru zabibu ta nama d'ibi ta bahu jirtu d'aqe nyaate, inni ha waan dadansa oobruuni isaa baafte, zabibule taanaani, ha waan namicha kaani baasu.

⁶Yo nami oobru isaa keesati ibida bobeese yokhaani huura gube, ka ibidi suni duuba d'aqe mid'aani nama d'ibi ka bahu jiru yokhaani ka tuulani gube, nami qaraa fiit'e ibida suni bobeese ha waan ibidi gube ch'ufa baasu.

⁷Yo nami nama d'ibi beese yokhaani hori olkaye, ka duuba waan suni harka isaati hatani, nami hate suni yo qabani hori haga inni hate suni ha maro lama baasu.

⁸Ammo yo hattu suni inqabini, nama waan suni harka isaati hatani ha fulla Waaqa iti kad'ataniini d'ufani, aka inni hori nama suni inhatiini kakhachiisani.

⁹Dubbi falama keesa, ta looni taanaani, ta harre taanaani, ta hooliye taanaani, ta woya taanaani, yokhaani ta waan d'ibile taanaani, worra lamaani wolfalme suni ha fulla Waaqa iti kad'ataniini d'ufani. Nami Waaqi wollaala iti mure ha waan falme suni maro lama nama falmeeni kaani baasu.

¹⁰Yo nami hori nama d'ibi, looni taanaani, hooliye taanaani, waanuma taatefu fuud'eefi, duuba horiini suni harka isaa keesati due yokhaani madae yokhaani hattuuni faani harka isaati fud'ate, ka ammo nami waan kanati d'uga injirre,

¹¹nami suni ha fulla Waaqa iti kad'atani d'aqe kakhatu, aka hori nama suni inni inhatiini. Yo hori suni inni inhatiini, abbaani horiini suni iraa due ha jibbaatu, aka woma imbaamneefi.

¹²Ammo yo horiini suni ka hatani taate, nami suni ha abbaa wo baasu.

¹³Yo ammo hori suni bineensi nyaate, nami sunini ha reefaani d'ufu, aka d'uga garsiisu; inni hori bineensi nyaate jed'e gati baasu himmalle.

¹⁴Yo nami nama d'ibi iraa hori dabarre fud'ate, duuba horiini sunini madae yokhaani due, nami suni ha abba suni wo baasu.

¹⁵Ammo yo wonti suni ka abbaani arti jiru taate, nami suni waan wo baasufi inqabu. Yo horiini suni hori kirefatani taate, waan inni yake ha beese sila abbaa baasani keesaa kutani.

¹⁶Yo nami intala dubra ta kad'a inqamne hawadate, inni ha qarata baase fuud'uti.

¹⁷Ammo yo abbaani isii aka inni isi fuud'u dide, namichi ha abba intalaati beese haga qarata dubraa baasufi.

¹⁸Nad'eeni waan falfala tolchitu ch'ufa ha fit'ani.

¹⁹Nama horiiti jaalatele ijeesa.

²⁰Nama ana AABBO Waaqa male, waaqa d'ibi sorio baasu, ijeesa.

²¹Nama gosa d'ibi iti ch'ubbamtani indabsina; qaabad'a, aka isanileeni lafa Misirileti keessuma taatani.

²²Haad'a hiyeesatiifi hiyyeeyile ingaargalchina.

²³Yo isani gaargalchitani, anini, AABBO Waaqi, yo worri qarqaarsa nati bohe ind'agayaafi;

²⁴ammalle anini guddo dallane lola keesati harka kiyyaani isani balleese, nad'eeni teesanileeni haad'a hiyyeesaa taate ilmaani teesanileeni hiyyeeyi taati.

²⁵Yo isani hiyyeesa kiyya beese liqeesitani, aka nama nama beese liqeesu ufi tolchitani, beese liqeesitani taani male tirfi womatu ira imfed'atiina.

²⁶Yo isani woya namaa aka qabdo iraa fuutani, ato aduuni ind'iini, deebisaafi;

²⁷wonti akanatiifi wonti inni nafa qabu woya suni ch'alla; maani uyifate maanini rafa? Yo inni qarqaarsa na kad'ate, anini ind'agayaafi, wonti akanatiifi anini naaso, namaa naha.

²⁸Waaqa inabaariina, ammalle nama gosa teesani fidule hamtu isaa indubbatiina.

²⁹Mid'aanifi daad'i teesani keesaa sorio naa baasa; ammalle ilmaani teesani ta d'iira ta angafa naa kenna.

³⁰Loonifi reele waan qara d'alate eegi isiini guyya torba haad'a jala bulte, guyya saddeeteeso naa kenna.

³¹Isani nama kiyya, tanaafi hori bineensi alati ijeese inyaatina, saree kenna.