Read BORANA BIBLE – KITAABA WAAQA Bahisa 32 Bible Online

Bahisa 32 - BORANA BIBLE – KITAABA WAAQA bible

Bahisa 32

¹ Biyyiti aka Musani gaara gubbati ture argite jennaani Haruniti d'ufte waan jette, Nu waan Musa ka lafa Misiri keesaa nu baase qabate imbeennu; waaqoota nuuni deemtu nuu mid'aasi.

²Jennaani Harunini waan biyyaani jed'e, Waan nad'eeni teesanifi ilmaani teesani gurrati naqatu iraa yaasa natiini koota.

³Duuba nami ch'ufti qube worqi baafate Haruniti geese.

⁴ Inni qubele suni fuud'e basse tume, korma worqi mid'aase. Biyyiti Israeli waan woliini jette, Kunini waaqa keenna ka lafa Misiri keesaa nuu baase.

⁵Duuba Harunini fulla sorio iti baasani korma worqi suni durati jaare, Jila guddo AABBO Waaqa tolchaniti jira jed'e biyya ch'ufati lalabe.

⁶ Jennaani boriyyaate ganama worri Israeli kae sorio gubani baasanifi ta wold'ageetitiini d'ufe. Duuba biyyiti eegi nyaatte d'udde, kaate tabatte sirbite.

⁷Jennaani AABBO Waaqi waan Musani jed'e, Beeni gabui, wonti akanatiifi worri kanke ka atini lafa Misiri keesaa baafte ya ufi yake;

⁸worri yayu hurrise kara aada tiyya ta anini kenneefi iraa garagale worqi bassani tume jibicha mid'aase waaqa tolfate kad'ate sorio baaseefi waan woliini jed'e, Kuni waaqa keenna ka lafa Misiri keesaa nuu baase.

⁹Ammalle AABBO Waaqi waan Musani jed'e, Anini ya aka worri kunini mataa jaba arge.

¹⁰Duuba amma na lakisi; anini gugubad'e dallane, d'aqe worra balleesa; ammo sifi d'aloota kanke gosa guddo tolcha.

¹¹ Ammo Musani AABBO Waaqa isaa kad'ate waan jed'e, AABBO Waaqa atini maafi worra kanke ka atini lafa Misiri keesaa irre tante guddooni baafte akana iti dallanta?

¹²Atini maalifi aka worri Misiri, Inni maafi worra Israeli lafa Misiri keesaa baase gaareeni jalati lafa iraa balleesa jed'u iti lakifte? Dallansu galfad'u, worra kanke kana lafa iraa imballeesini.

¹³ Hojattu tante Abrahamufi Isaaqofi Yakobo qaabad'i, ammalle kakhu atini worrati kakhatte, ta atini, D'aloota keesani heddeese aka urji garaa waaqaa tolcha jette, ka ammalle atini d'aloota suni ch'ufa kakhatteefi lafa haga jiru jireenna isanii kenna jette, qaabad'i.

¹⁴Jennaani Waaqi herega jijirate balleesa worra imballeesa jed'e taani hanqate.

¹⁵Duuba Musani, ka d'akha hahafalicha lama, ka seeri Waaqa gama lachuti qorisa qabu harkaa qabu, gaara iraa gabue.

¹⁶D'akhaye suni qara Waaqumati mid'aase seerale harkuma ufitiini irati qore.

¹⁷Yoshuaani gohanna biyyaa d'agaye jennaani waan Musani jed'e, Anini qonqo lolaa olla keesa d'agaya.

¹⁸Musani waan jed'eeni, Qonqooni suni aka qonqo nama nyaapa had'e dabsate yokhaani ka dabsatani imfakaattu; isiini qonqo sirba fakaatti.

¹⁹Akuma ollati gad'iaateeni, Musani biyya korma worqi ka mid'aasani kaani durati sirbitu arge jennaani aka hama dallane, gaara jalati d'akha harkaa qabu kaani lafaani d'ae lachu ch'a ch'abse.

²⁰Inni korma mid'aasani kaani fuud'e gube basse riiqe bulleese bulla taani bisaaniti bulbule worra Israeli obaase.

²¹Waan inni Harunini jed'e, Worri kunini maani si tolcheefi ch'ubbu akana hamtu tana keesa buufte?

²²Harunini waan jed'e, Nati indallaniini, atini aka worri kunini waan hamtu tolchu fed'ule imbeeta.

²³Worri waan naani jed'e, Nu waan namicha Musa jed'ani kana, ka lafa Misiri keesaa nu baase qabate imbeennu; tanaafi waaqa nu dura deemu nu mid'aasi naani jed'e.

²⁴Anini, faaya worra ka worqi ch'ufaani koota jed'eeni, nami qabu ch'ufti guure natiini d'ufe. Anini duuba faaya kaani ibidati d'abbe jennaani jibichi kormaa kunini keesaa bahe.

²⁵Musani aka Harunini laafe, biyyiti harka isaa keesaa baate nyaapa worra durati ufi daallesite arge.

²⁶Duuba inni fullo olla keesa eje lalabe waan jed'e, Nami ch'ufti ka gara AABBO Waaqaa jiru ha gara kiyya gad'ufu. Jennaani ilmaani Lawi ch'ufti gara isaa d'ufte,

²⁷inni waan jed'eeni, AABBO Waaqi Israeli waan jed'u, Isaniini kuni ch'ufti sheefti teesani guurad'a, olla kana ch'ufa keesa haga fullo tana iti keeyattani taani d'ibi d'aaba oboleyaani teesani taanaani, jaallowaani teesani taanaani, olla keesani taanaani ch'ufumayu hobaasa.

²⁸Ilmaani Lawi akuma jed'ani suni tolchite guyya suni nama kuma sadi hobaafte.

²⁹Musani waan ilmaani Lawitini jed'e, Arra isani ya Waaqa keesani ufi gabaaftani, aka qaalole huji AABBO Waaqaa hojattu, maro ilmaani teesanifi oboleyaani teesani ijeeftanii. Tanaafi AABBO Waaqi ya eeba isaa isanii kenne.

³⁰Boriyya diirama Musani waan biyyaani jed'e, Isani yayu ch'ubbu hamtu tolchitani. Ammo anini ammalle gaara kore gara AABBO Waaqa d'aqa; hegeri araarama dabafi ch'ubbu teesani iraa argad'afa.

³¹Musani duuba AABBO Waaqati deebie waan jed'eeni, Worri kunini yayu ch'ubbu hamtu tolche, yayu waaqa worqi mid'aafatani kad'atani.

³² Amma ch'ubbu worraa araaramiifi; yo araaramuu baate, anini si kad'ad'a, maqa kiyya kitaaba maqa gumi tante keesati t'aafte keesaa baasi.

³³AABBO Waaqi waan Musani jed'e, Nami maqa isaa kitaaba kiyya keesaa baasani nama ch'ubbu tolche.

³⁴Amma beeni deemi, gumi tana lafa anini siini jed'e taaniti geesi. Ammo beekhi, malaikaani tiyya si tissite si woliini deemti. Ammo hojaani anini worra kana maro ch'ubbu worraatifi gaargalchu inuma d'ufti.

³⁵Duuba AABBO Waaqi d'ukuba biyyati buuse, wonti akanatiifi worrati Haruni korma worqi irreeni mid'aasise.