Read BORANA BIBLE – KITAABA WAAQA Bahisa 33 Bible Online

Bahisa 33 - BORANA BIBLE – KITAABA WAAQA bible

Bahisa 33

¹AABBO Waaqi waan Musani jed'e, Beena, armaa yaa, sifi worri kunini ka atini lafa Misiri keesaa d'ufteeni; gara lafa anini Abrahamufi Isaaqofi Yakobofi d'aloota worrati Inkenna jed'e kakhad'e d'aqa.

²Anini malaika tiyya ta isani tissitu isanii erge worra Kanaanitiifi ka Amoritifi ka Hititifi ka Perizitiifi ka Hivitiifi ka Yebusi ch'ufa isani duraa gussa.

³Isani lafa aananifi dammi aka lolaa yauti godaantani, Ammo anini isani woliini indeemu, wonti akanatiifi isani guddo mataa jajabo, hegeri anini karafati isani balleesa.

⁴Biyyiti odu hamtu tana d'ageete jennaani guddo laalefatte boote, faaya ufii ka worqile naqachu didde.

⁵AABBO Waaqi waan Musani jed'e, Worra Israelitini, Isani worra mataa jajaba jed'i. Yo anini jiddu teesani seene, maruma toko isani hobaasa. Duuba amma tana faaya keesani baafad'a, aka anini waan isani tolchu malad'u.

⁶Duuba worri Israeli, eegi gaara Sinaiti godaane, deebie faaya ufii innaqanne.

⁷Hojja worri Israeli qubate ch'ufa Musani Waaro Woyyuma fuud'e olla hanqise jaare. Waaro suni Waaro Woyyuma ta AABBO Waaqaa jed'aniini. Duuba nami AABBO Waaqa wo gaafachu fed'e ch'ufti achi d'aqe.

⁸Hojja Musani gara Waaro d'aqu ch'ufa biyyiti waaro ufii dura ejaanjite Musaa ilaalte, haga inni arti olseenuti.

⁹Yo Musani Waaro olseenu, baldooni dumansaa gabuute balbala Waaro suni d'ossite. Duuba AABBO Waaqi dumansa suni keesa Musani dubbate.

¹⁰Biyyiti akuma baldo dumansa ta balbala Waaro d'ossitu agarteeni, gajejette Waaqa kad'atte.

¹¹AABBO Waaqafi Musani akuma jaallowaani lamaani woliini haasooftu woli dura ejaanjani woliini haasani. Duuba Musani kae ollati deebia, ka nami isa jala hojatu ka Yoshua ilma Nuni jed'ani Waaro keesati hafe.

¹²Musani waan AABBO Waaqaani jed'e, D'uguma atini yayu, Worra kana lafa suniti geesi nani jette, ammo atini nama na wahelchu naa intolchine. Atini, Anini guddo si beekha, ammalle ya si maache naani jette.

¹³Amma yo akasi taate, mari tante nati himi, aka anini si hojad'e akuma kaani si gammachiisu. Gosa atini fohatte nama kanke tolfatte tanale qaabad'u.

¹⁴Jennaani AABBO Waaqi waan jed'e, Anini si woliini deeme waan ch'ufa keesa si qarqaara.

¹⁵Musani waan jed'eeni, Yo atini nuu iwahelchine, lafa tanaa nu ingodaansisiini.

¹⁶Eegi atini nu woliini indeemne, nami d'ibileeni akami aka atini anaafi worra kankele iraa gammade si beekha? Waheli atini nu wahelchitu gosa taani d'ibiini gargara nuu baasa.

¹⁷AABBO Waaqi waan Musani jed'e, Waan atini jette kana anini intolcha, wonti akanatiifi anini guddo si beekha ammalle ya si maache.

¹⁸Jennaani Musani waan jed'eeni, Aabbo, anini si kad'ad'a, guddinna ke naa garsiisi.

¹⁹Duuba AABBO Waaqi waan jed'eeni, Anini dansuma tiyya ch'ufa si garsiise si durati maqa kiyya qulqullo d'aa. Anini AABBO Waaqa, nama anini fed'u naheefi eebisa.

²⁰Anini fuula kiyya si ingarsiisu, wonti akanatiifi nami fuula kiyya arge jiraatu injiru.

²¹Ammo arma d'aatu tiyya rabsu d'akhati jira, ta atini dandeete gubaa ejitu.

²²Ato guddinni kiyya si d'aatu dabru anini si fuud'e goda d'akha keesa si kaye harka kiyyaani siti ch'ufa, haga anini dabruti.

²³Duuba anini harka siraa fud'ad'e, atini fuula kiyyaniti dudda kiyya garta.