Read BORANA BIBLE – KITAABA WAAQA Bahisa 36 Bible Online

Bahisa 36 - BORANA BIBLE – KITAABA WAAQA bible

Bahisa 36

¹Bezalelifi Oholiabufi ogeeyi taani ch'ufti, ta AABBO Waaqi ogumafi hubacha kenneefi, ta waan ijaarsa Waaro qulqulloo male ch'ufa tolchu beetu, ha waan ch'ufa akuma AABBO Waaqi, Tolcha jed'e tolchaniti.

²Musani Bezalelifi Oholiabufi ogeeyi taani ch'ufa, ta AABBO Waaqi qalbi kenneefi, ammalle ta huji suni ee jette fud'atte, yaame, Huji hojad'a jed'e.

³Worri waan worri Israeli ijaarsa Waaro Woyyumati baase Musa iraa fuud'e. Ammo worri Israeli diirama ch'ufa waan fed'i ufii gula baase Musatiini d'ufe.

⁴Jennaani ogeeyiini ta huji aka aka hojattu taani d'at'e

⁵waan Musani jette, Biyyiti ya haga AABBO Waaqi jed'e ira dabarsite woini d'ufte.

⁶Duuba Musani seera baase gumi ch'ufaani waan jed'e, D'iirafi nad'eenileeni, waan Waaro Woyyumati baasani d'ibiini ind'ufina. Duuba eegi suni biyyiti deebite womaani ind'umne.

⁷Wonti akanatiifi wonti qara d'ufaniini ya huji hobaafte ira hafte.

⁸Worri huji suni hojatu, ka ch'ufa ira ogeeyi, Waaro Woyyuma mid'aase. Waaro suni woya boofta kud'ani ta liilana bulefi bule diimafi diimaleeni d'aahani mid'aasani, akheekha waan lubbu qaba ka koolatiini ch'okhani.

⁹Woya golla suni ch'ufa wolqit'eesani, ta d'eerinni isii d'und'uma diddami saddeeti, ta ballinni d'und'uma afuri,

¹⁰Shani wolti hod'ani, shani d'ibile wolti hod'ani.

¹¹Tarsaa woya bubule fanno iti mid'aasani afaani golla lamaani suni gama alati hod'ani.

¹²Tarsaa woya bubule ta aka fanno mid'aasani suni shantama golla qarati hod'ani, ammalle shantama d'ibile ta akasi golla kaani d'ibileti hod'ani.

¹³Ammalle worqi hohookiti shantama mid'aasani, aka golla lamaani wolti hookisani takaa tolchani.

¹⁴Golla d'ibi ka woya kud'ani toko ka rifeensa laleesatiini mid'aasani Waaro suniti gollaani.

¹⁵Woya kud'ani toko suni, ta d'eerinni isii d'und'uma sodoma, ballinni d'und'uma afuri, wolqit'eesani mid'aasani.

¹⁶Shani wolti hod'ani, jaani taanile wolti hod'ani.

¹⁷Fanno shantama ta mid'aasani afaani golla eege ka alati hod'ani, ammalle shantama d'ibile akasuma golla kaani d'ibileti hod'ani.

¹⁸Sibiila diima shantama hohookicha mid'aasani fannoti hookisani, aka golli takaa tahu.

¹⁹Golla lama d'ibi, toko ka goga elemiye ka hallu diimtu qabu, kaanile ka d'iisisani mid'aasani, golla kaani iraani iti gollaani.

²⁰Utuba d'adachatiini balbala Waaro suni mid'aasani.

²¹D'eerinni utuba suni ch'ufti d'und'uma kud'ani, ballinni ammo d'und'uma tokofi taaku toko.

²²Utuba suni ch'ufa gama lachu fulla woltiini d'aabani mid'aasani, utuba Waaro suni ch'ufa akanuma mid'aasani.

²³Utuba diddama ka gama bitaa mid'aasani,

²⁴ammalle waan utuba suni ira d'ad'aabani afurtama qarsiini mid'aasani, utuba ch'ufa lama lama jala d'aabani, aka isiini fulla utubaani suni woltiini eju jabeesitu.

²⁵Utuba diddama gama mirga ka Waaro suniti mid'aasani;

²⁶ammalle akuma kaani waan utuba suni iraa d'ad'aabani afurtama qarsiini mid'aasani, utuba ch'ufa lama lama jala d'aabani.

²⁷Gama Waaro ka ila adu dudda duuba utuba jaa mid'aasani, ammalle utuba jaani suni utuba toko moga mogaani d'ad'aabani,

²⁸aka moga lamaani taani wolti d'aabani.

²⁹Utuba moga lamaani kaani jalafi gubbale wolti d'aabani. Akasuma gama lachu tolchani.

³⁰Duuba akanaani utubaani saddeeti tahe, ka kamu waan qarsiini mid'aasani ka iraa d'ad'aabani lama lama qabu, ta wolti kud'ani jaa.

³¹Dareera mukha d'adacha, ka utuba ira dadagalchani kud'ani shani Waaro gama tokoti mid'aasani,

³²shani utuba gama toko ira dadagalchani. Ammalle shani d'ibile utuba moga ila adu gama duubatiini ira dadagalchani.

³³Dareera shanani utuba ira dadagalchani suni keesa, ka jiddu, Waaro gama kana eje gama kaaniti eja.

³⁴Nafa utuba suni ch'ufa mullachu d'owani worqiini duuchani, ammalle qube worqi iti naqani, aka dareera kaani keesa naqani, dareera sunile nafa isaa mullachu d'owani worqiini duuchani.

³⁵Golla woya boofta, ka liilana bulefi bule diimafi ammalle diimani d'aahani mid'aasani, golla sunile akheekha waan lubbu qaba ka koolatiini barreesani ch'okhani.

³⁶Ammalle dongora d'adacha afuri ka nafa isaa ch'ufa mullachu d'owani worqiini duuchani, hooko worqi iti mid'aasani golla kaani iti fannisani. Duuba waan afuri qarsiini mid'aasani, dongora suni jala d'ad'aabani.

³⁷Balbala Waaro Woyyuma golla woya boofta, ka liilana bulefi bule diimafi ammalle diimani d'aahaniini ch'okhani mid'aasani.

³⁸Dongora shani, ka hooko iti mid'aasani, golla kana mid'aasani; fiit'e isaatiifi ule ira dagalchanile nafa isii ch'ufa mullachu d'owani worqiini duuchani; ammalle waan shani ka sibiila diimani mid'aasani ka dongora jala d'ad'aabani mid'aasani.