Read BORANA BIBLE – KITAABA WAAQA Bahisa 39 Bible Online

Bahisa 39 - BORANA BIBLE – KITAABA WAAQA bible

Bahisa 39

¹Woya liilana buletiifi bule diimafi diima mimid'aadu, ta qaaloleeni hojja huji fulla qulqullo suni hojattu keeyattu mid'aasan. Ammalle woya qaallu, akuma AABBO Waaqi Musani jed'e gula Harunii mid'aasani.

²Woya boofa toko ta aka korrbo hid'atani, liilana bulefi bule diimafi liilana worqitiini mid'aasani.

³Worri worqi baballo tume, duuba qaqallise ch'ire, aka liilana boofta bule, bule diima, diimale wolti fohe.

⁴Ammalle worri haada gurmu lamaani ira bahu, ka woya aka korrbo jirtu taaniti eju hod'e, aka haada suniini hid'atani.

⁵Gurda mid'aaga toko, ka liilanuma kaaniini mid'aasani, woya aka korrbo suniini wolti hod'ani, akuma AABBO Waaqi Musani jed'e.

⁶D'akha ch'ululuqa fuud'ani worqiini marsani; duuba maqa ilmaani Yakobo kud'ani lamaani, akuma ogeesi d'akha qube beesisa irati qoru, akasuma irati qorani.

⁷D'akha suni haada gurmu iraa baasani kaani lamaani, ka woya aka korrbo mid'aasani kaaniti hod'ani, aka gosa kud'ani lamaani Israeli yo ch'ufa qaabatani, akuma AABBO Waaqi Musani jed'e kaani.

⁸Ukha qoma liilanuma woya aka korrbotini ch'okhani mid'aasani kaaniini mid'aasani.

⁹Qoti isaa ch'ufti haga takaa, ammalle wolti dachaasani, d'eerinnafi ballinnileeni taaku toko.

¹⁰D'akha ch'ululuqa ch'ororsani dachaa afuri iti hod'ani; dachaani qara ta d'akha diimatifi barricha, ammalle diima d'iigaa;

¹¹dachaani lameeso ta d'akha dotifi chulkicha aka dulo dooqaati, ammalle adi chulkicha;

¹²dachaani sadeeso d'akha bule had'icha, haama, ammalle bule diima;

¹³ta afreeso d'akha doti, diima, ammalle chulkicha. D'akhaye tana ch'ufa worqiini marsani.

¹⁴D'akhaye kud'ani lama tana irati maqa ilmaani Israeli toko tokooni qorani, aka gosa Israeli kud'ani lamaani agarsiifu.

¹⁵Looti worqi qulqullo aka museensa fohani ukha qomati mid'aasani.

¹⁶Museensa worqi lamafi qube worqi lama mid'aasani, ukha suni afaani isaa gubba qota lachutu hod'ani.

¹⁷Museensa worqi kaani lamaani qube taani lamaaniti kayani,

¹⁸ammalle museensa kaani lamaani fiit'e isaa worqiini marsani taaniti kayani, aka akanaani haada gurmu ira bahu, ka woya aka korrbo taanitiini hod'ani.

¹⁹Eegi suni qube suni ukha kaani qota jala, moga lamaaniti, woya aka korrbo mid'aasani suni qota garaa keesa kayani.

²⁰Qube worqi lama d'ibi mid'aasani, qube suni haada woya aka korrbo taani, fuula dura, fulla qoma jalati, d'aatu fulla haada woya aka korrbo suniini wolti hod'ani, ta qurdaani oliti, hod'ani.

²¹Akuma AABBO Waaqi musani jed'e, qube ukhatiifi ta woya aka korrbo taani haada buleeni wolti hid'ani, aka ukhi gurda gubbaa tau kaani inchochoone.

²²Ubaara d'eera, woya aka korrbo taanini woliini keeyatani, dabassa buleeni mid'aasani.

²³Fulla mata ta keeyatanini tirisani d'aani, aka intarsaane.

²⁴Afaani jala mid'aani aka okhoku liilana bule diima ammalle diimani hod'ani, agalo worqi ch'allatini makhani iti hod'ani, aka ubaara suni afaani isaa ka jala okhokufi agalooni makhani marsani, akuma AABBO Waaqi Musani jed'e gula.

²⁷Hurunifi ilmaani isaale ubaara,

²⁸sure, kofia, hid'a gagabaabdu,

²⁹gurda woya booftatiifi ka liilana bule, bule diima ammalle diimani barreesani ch'okhani mid'aasanifi, akuma AABBO Waaqi Musani jed'e, gula.

³⁰Worqi qulqulliti fuud, ani hahafaleesani irati kara qube tana irati qorani: Inni Waaqaa qulqullo.

³¹Worqi suni sure durati liilani buleeni hid'ani, akuma AABBO Waaqi Musani jed'e gula.

³²Akanaani hujiini Waaro Woyyuma ch'ufa hobaasani. Worri Israeli akuma AABBO Waaqi Musani jed'e gula waan ch'ufa mid'aase.

³³Waarofi miha isii ch'ufa, hooko, utubu, dongorafi waan ira d'ad'aabanile;

³⁴golla, goga elemiye ka hallanifi golla d'iisisani ka gubbaani gollanile; golla Waaro gargari qoodu;

³⁵Sanduqa Wold'aqisa ka d'akha hahafalichafi kalcho isaatiifi qadaada isaa;

³⁶mesafi miha isaa ch'ufafi qit'a Waaqaa baasani;

³⁷waan ifseeni ira ejitu, ka worqi qulqullitiini mid'aasani; ifse isaatiifi miha isaa ch'ufafi d'ad'a ifsele;

³⁸waan worqiini mid'aasani, ka waan mesa fakaata ka sorio irati baasani; d'ad'a muudaa; hit'aana aarsani; golla afaani balbala Waaro;

³⁹waan sibiila diimani mid'aasani, ka mesa fakaata, ka sorio irati baasanifi gingilcha isaati, kalcho isaatiifi miha isaa ch'ufa; qori guddo bisaani iti d'iqatanifi waan isiini ira ejitu;

⁴⁰golla naabotiifi dongorafi waan inni ira ejaangu; golla fullo naabotiifi haada isaa; d'iisa Waarotiifi miha ch'ufa ka huji Waarotiini tolchani;

⁴¹ammalle woya mimid'aadu ta qaaloleeni fulla qulqullooti keeyattu, woya qulqullo qaallu Harunifi ilmaani isaa keeyattu.

⁴²Worri Israeli akuma AABBO Waaqi Musani jed'e gulla huji tana ch'ufa hojate.

⁴³Musani huji tana ch'ufa ilaale, aka worri akuma AABBO Waaqi jed'e kaani tolche arge eebiseefi.