Read BORANA BIBLE – KITAABA WAAQA Bahisa 40 Bible Online

Bahisa 40 - BORANA BIBLE – KITAABA WAAQA bible

Bahisa 40

¹AABBO waaqi waan musani jed'e,

²Guyya qara ka jia qara waaro woyyuma ta AABBO Waaqaa old'aabi.

³Isi keesa sanduqa Wold'aqisa, ka Seeri Kud'annaani kaani keesa jiru, kayi. Sanduqa suni durati golla hid'i.

⁴Mesaani kooti, miha ch'ufa ira naqi, ammalle waan ifse ira d'aabanileeni kooti, ifse ira d'aabi.

⁵Waan mesa fakaata ka worqi, ka hit'aani irati aarsani, Sanduqa Wold'aqisa dura kayi, ammalle golla balbala Waaroti fannisi.

⁶Waaro dura waan mesa fakaata ka sorio irati baasani kayi, aka sorio irati gubani.

⁷Qori guddo bisaani iti d'iqatani Waarofi waan aka mesa ka sorio irati baasani kaani jiddu d'aabi bisaanini guuti.

⁸Naabo jaari, golla balbala iti mid'aasi.

⁹Duuba Waarofi miha isiile eebisi, d'ad'a qulqullooni muudi, aka isiini qulqullo taatu.

¹⁰Ammalle waan aka mesa ka sorio irati baasanifi miha isaa muudi eebisi, aka inni qulqullo tahu.

¹¹Ammalle akasuma qori bisaani iti d'iqatanifi waan isiini ira ejitule kara suniini eebisi.

¹²Harunifi ilmaani isaale fulla balbala Waaro Woyyumatiini kooti bisaani d'iqi.

¹³Haruni woya qaallu iti kayi muudi, akaani isa eebisi, aka inni qaallu tahe naa hojatu.

¹⁴Ilmaani isaaleeni kooti, ubaara iti naqi,

¹⁵duuba akuma abba muudde worrale muudi, aka worri qaallu tahe naa hojatu. Muuditiini tunini worraafi d'aloota worrale ch'ufa qaalole tolchiti, haga jiru jireenna.

¹⁶Musani waan AABBO Waaqi jed'eeni kaani ch'ufa tolche.

¹⁷Duuba worri guyya qara, ka jia qara, ganna lameeso ka worri lafa Misiri keesaa bahe keesa, Waaro Woyyuma ta AABBO Waaqaa old'aabe.

¹⁸Musani waaro old'aabe, waan utuba ira d'ad'aabani jala naqe, utuba isii d'ad'aabe, mukha ira dadagalche dangora old'ad'aabe.

¹⁹Inni golla Waaro Woyyumati ballise, golla d'ibi alaani iti golle, akuma AABBO Waaqi, Tolchi jed'eeni.

²⁰Duuba inni d'akha hahafalicha kaani lamaani fuud'e, sanduqa Wold'aqisa keesa kaye. Kalcho qube Sanduqa keesa kaye. Kalcho qube Sanduqa keesa naqe Sunduqa suni qadaade.

²¹Duuba Sanduqa Waaro keesa kaye, golla Waaro gargari qoodu kaani fafannisa, akuma AABBO Waaqi isaani jed'e.

²²Inni mesa gama mirga gollaani ala Waaro keesa kaye,

²³duuba qit'a AABBO Waaqaa baasani gubba kaye, akuma AABBO Waaqi jed'eeni.

²⁴Ammalle waan ifseeni ira ejitu Waaro keesa gama bitaa, mesaani gama, kaye.

²⁵Artiti AABBO Waaqa durati ifse bobeese, akuma AABBO Waaqi jed'eeni.

²⁶Inni waan mesa fakaata, ka worqiini mid'aasani, Waaro keesa golla dura d'aabe,

²⁷akuma AABBO Waaqi jed'eeni, hit'aana urgaale aarse.

²⁸Golla balbala Waaroti fannise,

²⁹artiti, golla suni dura, waan aka mesa jira, ka sorio irati baasani kaani kaye, irati sorio gubanifu ta mid'aani baase, akuma AABBO Waaqi jed'eeni kaani.

³⁰Qori bisaani iti d'iqatani taani bisaani guute, jiddu Waarotiifi ta waan mesa fakaata kaani d'aabe.

³¹Musa, Haruni, ilmaani isaati, harkaafi miila artiti d'iqatani,

³²hojja Waaro Woyyuma olseenani, yokhaani waan mesa fakaata bira d'ufani, akuma AABBO Waaqi isaani jed'eeni kaani.

³³Musani Waarofi waan mesa fakaata kaani naaboni marse jaare, balbala naabo suni golla iti fannise. Akanaani huji isaa hobaasa.

³⁴Duuba dumansi Waaro d'osse, guddinni AABBO Waaqaa isi guute.

³⁵Musani Waaro seenu dad'abe; wonti akanatiifi dumansi Waaro d'osse, ammalle guddinni AABBO Waaqaa waaro guute.

³⁶Worri Israeli, hojja dumansi Waaro suni iraa galu ch'alla godaana.

³⁷Ammo haga dumansi Waaro suni ira tau worri ingodaanu, haga inni iraa galuti.

³⁸Worri suni, bara gogodaana suni ch'ufa, guyyaate dumansa Waaro AABBO Waaqa d'ossee ira tau arge, ammo halkani ibida gubba bobau arga