Read BORANA BIBLE – KITAABA WAAQA Aayubu 15 Bible Online

Aayubu 15 - BORANA BIBLE – KITAABA WAAQA bible

Aayubu 15

¹Jennaani Elifazini, ka gosa Temani, waan jed'e: Nami qarooni akami dubbi woma keesa injirre dubbate, qilleensani garaa ufii guuta?

³Inni akami dubbi woma intahiini dubbate, dubbi akasiitini womorma?

⁴Atini ufiftu Waaqa sodaachu dide kad'acha isaale yala baate.

⁵Ch'ubbuuni tante afaanuma kanke iraa baati, atini malafi malteeni wo dubbata.

⁶Dubbuma atini jettuti si ijeesa, jechi atini jettu ch'ufti wollaala keesa si buusa.

⁷Atini namaa qara d'alate ufuma seeta? Atini, gaafa Waaqi gaareeni mid'aase, d'alate lafa jirta?

⁸Atini mala Waaqaa d'ageete quba qabda? Atini nama qarooyu ch'ufa ufuma seeta?

⁹Wonti atini beetu, ka nu imbeenne, maani? Wonti atini hubattu, ka nu inhubanne, injirti?

¹⁰Nu qarooma keenna jaarole mata arri iraa baranne, ta abba kankele dura jirtu.

¹¹Waaqi sila kibe garaa si jabeesu fed'a. Atini maafi teete didda? Nu dubbi laana dansaani siti dubbanne.

¹²Atini maafi garaa hammaate, ila dallansutini nu ilaalta?

¹³Atini ammalle maafi Waaqati dallante, dubbini akana tunini afaani kanke keesa baati?

¹⁴ Nami qara kami, ka d'uguma dandae qulqullo tahu? Nami uwii d'alu, ka dandae nama d'uga tahu, injiru?

¹⁵Waaqi ka ufiftu malaika ufitu ind'ugeefanne, ka isiini isa durati qulqullooma inqamne,

¹⁶eesa dandae nama ch'ubbicha hama, ch'ubbu aka bisaani d'ugu, d'ugeefata?

¹⁷Amma na ch'aqasi, waan arge siti hima.

¹⁸Worri qarooni ya waan abbooti ufi iraa barate na barsiise, worri woma tokole na ind'ossine.

¹⁹Lafti worraa nyaapa inqabdu, yokhaani nami, worra Waaqa iraa gorsu, injiru.

²⁰Nami daba, ka nama dabsu, haga jiru aka hama gaargala.

²¹Qonqooni nama mudamsiiftu gurra isaa duuchite, hojja inni lafa nagaya sehu shiftani isa haati.

²²Inni aka dukana duraa bahu inheregatu, wonti akanatiifi goraadeti isa eegata.

²³Allaatileni aka reefa isaa nyaatu teete eegatti. Inni imbeekha, aka guyyaani dukana isati d'ufu.

²⁴Gaargalafi laalalati isa mudamsise, aka hayyu lola kurfefate isa dabsata.

²⁵Waan inni Waaqaani morke sodaachu dide tufateefi.

²⁶Nami akasi sunini kiyyiba, ka Waaqaani morku. Inni wonte ufii qabate, Waaqa d'agayuu dide, had'iisa iti utaala.

²⁸Nama akasi suniti dira had'e dabsate, mana abbaani keesaa baqate fud'ata, ammo woraani kae dirafi maneeni balleesa.

²⁹Inni durooma ufiitini inturu, wonti inni horate, ka inhobaane, injirtu, gaandiduuni isaaleeni badde,

³⁰innileeni dukana duraa imbahu. Inni mukha gubate, ka ibidi dameele gube qilleensi obeensa isaa fuud'e fakaata.

³¹Yo inni daallae hameenna d'ugeefate, wonti inni argatuleeni hameennuma taati.

³²Ato guyyaani isaa ingahiini, inni aka dame mukha goge ka dottachu lakise taha.

³³Inni mukha zabibu, ka mid'aani imbilchaatiini buufatu, fakaata.

³⁴Nami Waaqa imbeenne woma ind'alu, mana gumbooni jaaranile ibidati guba.

³⁵Nami ch'ubbu malate waan hamtu tolchu worruma kana; garaani worra woma d'araati guuta.