Read BORANA BIBLE – KITAABA WAAQA Aayubu 17 Bible Online

Aayubu 17 - BORANA BIBLE – KITAABA WAAQA bible

Aayubu 17

¹Bultiini tiyya ya ala hobaate, hafuurale bafachu dad'abe, awaala male woma na inhaamne.

²Nami na goyeesu na marse, ilti tiyya jibba worri na jibbu agarti.

³Ee Waaqa, anini d'uga dubbachuu jira, dubbi tiyya d'ugeefad'i, si male nami waan anini jed'u d'ugeefatu injiru.

⁴Atini qalbi worraa ya hubachu d'owarte, ammo aka worri na dabsatu iti illakisiini.

⁵Nami hori jed'e jaalani ufii wo tolchu, ilmaani ufii balleesa.

⁶Amma biyyiti dubbi akana tana naani jette d'ufte hanch'ufa fuulati na tufti.

⁷Laalalti tiyya diquma ila na induuchini, nafi kiyya ya hobae, gaandidu fakaata.

⁸Nami d'ugaa akasi na arge, jennaani naraa rifata, duuba nami ch'ufti aka waan anini Waaqa imbeenne wollaala nati mura.

⁹Nami waan d'uga qabu ufi sehu, haga qara ira waan d'uga qabu ufi seha.

¹⁰Ammo yo sila worri ch'ufti d'ufe na dura ejaanjele, nama qaro keesati inargu.

¹¹Guyyaani kiyya ya dabre, mali kiyya ya hammaate, abdiini tiyyaleeni ya badde.

¹²Ammo jaalani tiyya halkaniini guyya jette, ifsaleni ya d'iaate jetti, ammo anini dukanuma keesati hafa.

¹³Abdiini tiyya fulluma ekhera ch'alla, fulla anini gach'iise dukana keesa rafu.

¹⁴Anini awaalani, Aabbo jed'e, raamo na nyaatuni, ayyo, yokhaani, oboleeti tiyya jed'aani.

¹⁵Abdiini tiyya tokoleeni me re? Nami tokoleeni ka argu injira?

¹⁶Hojja anini due, na awaalani, abdi woliini na awaalani?